Esambo
Le ɔnɔmbɔdi. Wa Davidɛ, dia monga oko diohwelo.*
70 Nzambi le, onshimbee;
Jehowa le, samanya dia ndjonkimanyiya.+
2 Wanɛ wayanga lɔsɛnɔ* lami
Washame nsɔnyi ndo walɔmbɔ.
Wanɛ wangɛnangɛna lo mpokoso kami
Wakalole ɛkɔngɔkɔngɔ la nsɔnyi.
3 Wanɛ wata vate: “Aah! Aah!”
Wakalole ɛkɔngɔkɔngɔ la nsɔnyi.
4 Koko wanɛ wakoyanga
Wonge la ɔlɔ ndo wangɛnɛngɛnɛ le yɛ.+
Wanɛ walanga etsha ayɛ wa panda watake tena tshɛ vate:
“Nzambi atombɔme!”