Esambo
Le ɔnɔmbɔdi; wa Jedutuna.*+ Ngɛngu ka Davidɛ.
39 Dimi lakate nte: “Dimi layolama nna diami
Dia mbewɔ nsala pɛkato la lolemi lami.+
Dimi layolama onyɔ ami la ɛngɔ kadihawɔ mfɔ onyɔ+
Edja tshɛ kele kanga kɔlɔ lalemi.”
2 Dimi laki lomi ndo lakɔlama;+
Dimi lakatshikala ki oyadi kaanga lo kɛnɛ kele ɔlɔlɔ,
Koko kandji kami kaki wolo efula.*
3 Otema ami wakalongola* l’etei kami.
Etena kakamakanyiyaka,* dja yakalombalombaka.
Ko lolemi lami lakate ɔnɛ:
4 “Jehowa le, onkimanyiya dia mbeya woho wayonga ekomelo kami,
Ndo yɛdikɔ ya nshi yami,+
Kele mbeye woho wele lɔsɛnɔ lami mondo.*
5 Lo mɛtɛ, wɛ aketɛ nshi yami yema tshitshɛ;*+
Ndo otale wa lɔsɛnɔ lami wekɔ anyanya la ntondo kayɛ.+
Lo mɛtɛ, kaanga kɛnama onto tshɛ dia ekɔ ki, nde ekɔ paka loowe loto.+ (Sela)
6 Lo mɛtɛ, onto tshɛ mbetetaka oko dɛdi.
Nde ndawɔka* olawɔlawɔ.
Nde mɔtshanyaka ɔngɔnyi aha la mbeya ɔnɛ layɔngɛnangɛna la wɔ.+
7 Ko Jehowa le, akokami nongamɛ nto?
Wɛ oto kele elongamelo kami.
8 Onshimbee oma lo kɔlɔ yami tshɛ.+
Tetawɔke dia kanga enginya mbetɛmi ɛngɔ ka diɔnyɔ.
10 Ominye sui diayɛ.
Dimi lambɔlɛmba nɛ dia lonya layɛ kɔmɔlakami.
11 Wɛ mingolaka onto lo mbosha dilanya l’ɔtɛ wa munga+ kande;
Wɛ ndanyaka diangɔ diɔsande la nɛmɔ oko watolanyaka loombo.
Lo mɛtɛ, onto tshɛ ekɔ paka loowe loto.+ (Sela)
12 Jehowa le, ooke dɔmbɛlɔ diami,
Ohokame delo diayangami ekimanyielo.+
Tonyake yimba lo asɔyi ami.
13 Nya washo ayɛ oma le mi kele ndjaoke dimɛna
La ntondo ka dimi mbeta ndo ka dimi ntshɔ.”