Esambo
DIBUKU DIA TANU
(Osambo 107-150)
2 Wanɛ wakalɔmbama* le Jehowa wate dui sɔ,
Wanɛ wakandalɔmbɛ oma lo anya* w’ɔndɔshi,+
3 Wanɛ wakandatshumanya oma lo wedja,+
Oma lo ɛstɛ ndo lo owɛstɛ,*
Oma lo nɔrdɛ ndo lo sidɛ.+
4 Vɔ wakekekɔ lo oswe, ɛɛ, lo oswe wa shɛnga;
Vɔ kotana mboka k’otsha lo osomba lɛnɛ akawakoke mbidjasɛ.
5 Vɔ waki la ndjala ndo la mposa k’ashi;
Vɔ* wakakɔmɔ la ɔlɛmbɛlɔ.
8 Anto washa Jehowa+ losaka l’ɔtɛ wa ngandji kande ka kɔlamelo
Ndo l’ɔtɛ wa akambo ande wa diambo lo wahɔ w’ana w’anto.+
9 Nɛ dia nde akalotsha ɔnɛ laki la mposa k’ashi*
10 Amɔtshi wakasɛnaka lo wodjima wa tshududu,
Ase lokanu lo mfɔnu ndo lo mbolo.
11 Nɛ dia vɔ wakatɔmbɔkwɛ ɔtɛkɛta wa Nzambi;
Vɔ kɔnɛmiya dako dia Ɔnɛ-Laheme-Tshɛ.+
12 Ɔnkɔnɛ, nde akasha etema awɔ nsɔnyi lo tshimbo ya paa;+
Vɔ wakatakana, ko ndooko onto lakakoke mbakimanyiya.
13 Vɔ wakalelɛ Jehowa dia nyanga ekimanyielo lo asui awɔ;
Nde akaashimbɛ oma lo shɔkɔ yawɔ.
14 Nde akaatondja oma lo wodjima wa tshududu,
Ndo nde akahembola ɛkɔdi awɔ.+
15 Anto washa Jehowa losaka l’ɔtɛ wa ngandji kande ka kɔlamelo+
Ndo l’ɔtɛ wa akambo ande wa diambo lo wahɔ w’ana w’anto.
16 Nɛ dia nde akahandjola nkuke ya nkonga
Ndo akahembola esembe wa mbolo.+
18 Vɔ wakashisha mposa kawɔ ka* mbo ya ndɛ tshɛ;
Vɔ wakasukana suke la asoko wa nyɔi.
19 Vɔ wakelɛka Jehowa dia nyanga ekimanyielo lo asui awɔ;
Nde akaashimbɛka oma lo shɔkɔ yawɔ.
20 Nde akatomaka ɔtɛkɛta ande ko akaakɔnɔlaka+
Ndo akawatshaka oma lo afuku wakawawambe.
21 Anto washa Jehowa losaka l’ɔtɛ wa ngandji kande ka kɔlamelo
Ndo l’ɔtɛ wa akambo ande wa diambo lo wahɔ w’ana w’anto.
22 Vɔ walambole elambo wa eokelo ka losaka+
Ndo wewoya elimu ande la ekoko w’ɔngɛnɔngɛnɔ.
23 Wanɛ wanda nkɛndɔ lo ndjale lo masuwa,
Wanɛ wanda okanda laadiko dia ashi a wake,+
24 Vɔ wambɛna elimu wa Jehowa
Ndo akambo ande wa diambo lo angunda;+
25 Woho wapɛpa lɔpɛpɛ la wolo la ɔtɛkɛta ande,+
Ndo wadiyalɔ asuku lo ndjale.
26 Vɔ mbidɛka otsha l’olongo.
Vɔ dindaka lo angunda.
Dihonga* diawɔ ndɛlɔka l’ɔtɛ wa mpokoso kawa kongɛ.
27 Vɔ mongaka la yimba ntshimba ndo tshingatshingaka oko onto lambodjɔ wanu,
Ndo diewo diawɔ tshɛ mongaka anyanya.+
28 Ko vɔ ndelɛka Jehowa lo asui awɔ,+
Ndo nde mbatshaka oma lo shɔkɔ yawɔ.
29 Nde mbɔladiaka lɔpɛpɛ la wolo;
Asuku wa lo ndjale mbɔlamaka yɔɔ.+
30 Vɔ ngɛnangɛnaka lam’ɔlama asuku akɔ yɔɔ,
Ndo nde mbalɔmbɔlaka otsha lo dibongo diakombolawɔ.
31 Anto washa Jehowa losaka l’ɔtɛ wa ngandji kande ka kɔlamelo
Ndo l’ɔtɛ wa akambo ande wa diambo lo wahɔ w’ana w’anto.+
33 Nde kadimolaka ɛkɛdi oswe wa shɛnga
Ndo tɛkɔ di’ashi nkɛtɛ y’ofumbo,+
34 Nkɛtɛ y’ɛtɛtɔ otsha lo nkɛtɛ ya lɛɛhɔ yahakoke monɛma diangɔ,+
L’ɔtɛ wa kɔlɔ ka wanɛ wodjashi lɔkɔ.
35 Nde kadimolaka nkɛtɛ ya shɛnga otsha lo afuku w’ashi wele la adiyo,
Ndo nkɛtɛ y’ofumbo otsha lo tɛkɔ di’ashi.+
36 Nde salaka dia wanɛ wele la ndjala mbidjasɛ lɛkɔ,+
Dia vɔ shikikadia osomba lɛnɛ akokawɔ mbidjasɛ.+
38 Nde mbatshɔkɔlaka ndo vɔ fulanɛka efula;
Nde hetawɔ dia ngɔmbɛ yawɔ nkitakita.+
39 Koko vɔ mongaka yema tshitshɛ tsho ndo mbishamaka nsɔnyi
L’ɔtɛ wa ɔhɛnyɔhɛnyɔ, mpokoso ndo lɔkɔnyɔ.
40 Nde mbitsholaka diɔnyɔ le ɛlɔhɛ
Ndo nde salaka dia vɔ mbekekɔ lo bɛtshi dia nkɛtɛ dia hwe diaha la mboka.+