Tokedi
8 Shi lomba lekɔ lo mbelɛ?
Shi shɛnɔdi yekɔ lo mbidiya dui+ diayɔ?
2 Lo dongolongo+ l’omamu wa mboka,
Lɔ memalaka lo asanga.
3 Suke la asoko watɔla otsha lo osomba,
Lo mbɔtwɛlɔ y’asoko,
Lɔ lekɔ lo ntetemala mbelɛ la dui dia wolo ɔnɛ:+
4 “Nyu anto ami mbawelɛmi;
Otsha le anto tshɛ* kadiyami dui diami.
6 Nyohokame, nɛ dia kɛnɛ katami kekɔ ohomba,
Ɛlɔmɔ ami tɛkɛtaka kɛnɛ kele ɔlɔlɔ;
7 Nɛ dia onyɔ ami tondjaka kɛnɛ kele mɛtɛ,
Ɛlɔmɔ ami petshaka kɛnɛ kele kɔlɔ.
8 Ɛtɛkɛta tshɛ w’oma lo onyɔ ami wekɔ ɔlɔlɔ.
Ndooko kaanga ɔtɔi l’atei awɔ wele kɔlɔ ndo wɛngɛngɛ.
9 Vɔ tshɛ nsembɔ tɔɔ le ɔnɛ lele la shɛnɔdi
Ndo osembɔki le wanɛ wambotana ewo.
10 Nyɔsɔnɛ ohokwelo ami lo dihole dia mfɛsa,
Ndo ewo lo dihole dia paonyi+ koleki dimɛna,
11 Nɛ dia lomba ndeka kɔrai* dimɛna;
Ndooko ɛngɔ kekina tshɛ ka nɛmɔ kakoka mbɛdikama la lɔ.
12 Dimi lomba mbidjasɛka kaamɛ la kɛsɔ;
Dimi lakatane ewo ndo dikoka di’ekanelo ka yimba.+
13 Wɔma wa Jehowa nembetshiyaka mpetsha kɔlɔ.+
Dimi petshaka ndjadiya, otako,+ mboka ka kɔlɔ ndo ɛtɛkɛta wa kɔlɔ.+
15 Diɛsɛ la mi mbatetemala nkumi ya dikanga mbolɛ,
Ndo mbadja ɛnɛnɛ wa laadiko losembwe.+
16 Diɛsɛ la mi mbatetemala ewandji nɔmbɔla,
Ndo mbalombosha ɛlɔhɛ la losembwe.
17 Dimi nangaka wanɛ wananga,
Ndo wanɛ wanyanga wayontana.+
18 Ɛngɔnyi la lotombo wekɔ kaamɛ la mi,
Ɔngɔnyi wa pondjo* ndo losembwe.
19 Elowa ami ndeka paonyi dimɛna, kaanga paonyi kambɛdiama,
Ndo kɛnɛ katondjami ndeka mfɛsa+ yoleki amɛna dimɛna.
20 Dimi kɛndakɛndaka lo mboka ka losembwe,
L’atei wa mboka ya sambo k’ɔlɔlɔ;
21 Dimi mbishaka wanɛ wananga etenyi k’okitɔ k’ɔngɔnyi efula,
Ndo dimi ndodjaka mvudu yawɔ ya waombelo.
25 La ntondo ka akona shikikɛma,
La ntondo ka tokonakona tondjama,
26 La ntondo ka nde nsala nkɛtɛ la eswe ayɔ
Kana lɔsɛkɛ la ntondo la ditshu dia nkɛtɛ.
27 Etena kakandalɔngɔsɔla olongo,+ dimi laki laawɔ;
Etena kakandadje oshidi laadiko di’ashi+ lam’akomɛ washo,
28 Etena kakandashikikɛ* wange la diko,
Etena kakandasale afuku w’ashi wa dingunda,
29 Etena kakandadjɛ ndjale didjango
Diaha ashi awɔ ndekana olelo wakandadje,+
Etena kakandashikikɛ* atshina wa nkɛtɛ,
30 Etena kɛsɔ dimi lakikɔ suke la nde oko okambi wa kɔmba.+
Dimi kakandangɛnangɛnaka+ lo yoho ya laande lushi la lushi;
Dimi lakangɛnangɛnaka la ntondo kande tena tshɛ;+
31 Dimi lakangɛnangɛna nkɛtɛ kande kakoka anto mbidjasɛ,
Ndo dimi lakangɛnangɛna ana w’anto* lo yoho ya laande.
32 Kakianɛ, anami le, nyompokame;
Eelo, ɔngɛnɔngɛnɔ le wanɛ walama mboka yami.
33 Nyohokame ohokwelo,+ ko nyayonga akanga wa tomba,
Ndo tanyowonyake yimba pondjo.