Esambo
Le ɔnɔmbɔdi; kongɛma lo “Tolanyake.” Wa Davidɛ. Mikitama.*
58 Onde nyu koka ntɛkɛta dikambo dia losembwe etena kɔlaminyu?+
Onde nyu koka nombosha la losembwe, nyu ana w’anto?+
2 Koko nyu kongɛka awui waha la losembwe lo etema anyu,+
Ndo anya anyu salaka awui wa ngala lo wodja.+
3 Akanga wa kɔlɔ takɔka mboka* oma ko eotwelo;*
Vɔ wambonganɛka ndo wekɔ akanga wa kashi oma ko eotwelo kawɔ.
4 Lɔlɛngɔ lawɔ lekɔ oko lɔlɛngɔ l’eloyi;+
Vɔ wekɔ akanga wa mpoke oko oloyi wa kɔbra watodihaka toyi diawɔ.
5 Oloyi akɔ hawotohokamɛ dui dia asaki w’ekanga,
Oyadi diewo diakɔna diele la wɔ dia nsenga.
6 Nzambi le, ongola wanyu wa l’enyɔ awɔ!
Jehowa le, ɔkɔla manga ya ntambwɛ* nyɛ!
7 Vɔ washishɔ oko ashi wambɔkɛla.
Nde anɛ ota ande ndo awakɔsha la mpito yande.
8 Vɔ wayale oko ɛkɔlɔ katoome* etena kakɛndakɛndatɔ;
Oko ɔna lotwe odo oma le womoto ɔmɔtshi lahɛnaki wonya.
9 La ntondo ka mpoke yakatɛnyu ndolɔ la dja ya nkunyi y’atɛndɛ,
Nde ayɛmba nsɛndju y’eyoyo ndo yahɛta oko lo ponganɛndji.+
10 Onto ɔlɔlɔ ayɔngɛnangɛna nɛ dia nde ambɛna ɔsɔmbɔyɛlɔ;+
Ekolo ande wayosana la dikila dia kanga kɔlɔ.+
11 Ko anto wayota vate: “Lo mɛtɛ, difuto diekɔ dikambo di’onto ɔlɔlɔ.+
Lo mɛtɛ, Nzambi kɛmɔtshi kalombosha nkɛtɛ ekɔ.”+