Le ɔnɔmbɔdi; wayembama kaamɛ la dihomahoma di’eshinga. Wa Davidɛ.
61 Nzambi le, ooke delo diayangami ekimanyielo.
Odje yimba lo dɔmbɛlɔ diami.+
2 Dimi layokolelɛ oma lo tokoma ta nkɛtɛ
Etena kayoshisha otema ami elongamelo.+
Ɔnɔmbɔlɛ otsha lo dive diondeki tanga.+
3 Nɛ dia wɛ kele eshamelo kami,
Tshoto ya wolo yankokɛ oma le otunyi.+
4 Dimi layohanga lo luudu layɛ la dipɛma pondjo pondjo;+
Dimi layoyashɛ l’ɛse k’ahafu ayɛ.+ (Sela)
5 Nɛ dia Nzambi le, wɛ akoke alɔkɔlɔkɔ ami.
Wɛ akambisha etenyi k’okitɔ k’anto woka lokombo layɛ wɔma.+
6 Wɛ ayokotshɛɛ nkumekanga nshi ya lɔsɛnɔ,+
Ndo ɛnɔnyi ande wayongaka lo lɔlɔnga la lɔlɔnga.
7 Nde ayodjasɛ lo kiti ka lowandji pondjo pondjo la ntondo ka Nzambi;+
Ɛnyande ngandji ka kɔlamelo ndo kɔlamelo, di’awui asɔ mbokokɛ.+
8 Ko dimi layembɛka lokombo layɛ esambo wa lotombo pondjo pondjo+
Etena kakotshami alɔkɔlɔkɔ ami lushi la lushi.+