Esambo
135 Nyotombole Jah!*
Nyotombole lokombo la Jehowa;
Nyu ekambi wa Jehowa,+ nyowosha lotombo,
2 Nyu wanɛ wemadi lo luudu la Jehowa,
Lo asɛkɛ wa luudu la Nzambi kaso.+
3 Nyotombole Jah, nɛ dia Jehowa ekɔ ɔlɔlɔ.+
Nyembee lokombo lande esambo wa lotombo,* nɛ dia dui sɔ diekɔ dimɛna.
5 Nɛ dia dimi mbeyaka dimɛna dia Jehowa ekɔ woke;
Nkumɛso ekɔ woke ndeka tozambizambi tokina tshɛ.+
6 Jehowa salaka kɛnɛ tshɛ kangɛnangɛnande nsala+
L’olongo ndo la nkɛtɛ, lo ndjale ndo l’angunda tshɛ.
7 Nde salaka dia wange* mbidɛ oma lo tokoma ta nkɛtɛ;
Nde salaka angadimu dikambo dia mvula;
Nde mbelaka lɔpɛpɛ oma lo mvudu yande ya waombelo.+
8 Nde akadiake ana wa nondo wa l’Edjibito,
W’anto ndo wa nyama.+
10 Nde akalanya wedja efula+
Ndo akadiake nkumi ya dikanga ya wolo,+
11 Sihɔna nkumekanga k’ase Amɔra,+
Onga nkumekanga ka Bashana,+
Ndo waolelo tshɛ wa la Kanana.
12 Nde akakimɔ wodja awɔ oko etenyi k’okitɔ,
Oko etenyi k’okitɔ le Isariyɛlɛ wodja ande.+
13 Jehowa le, lokombo layɛ latotshikalaka pondjo.
Jehowa le, lokumu* layɛ tshikalaka lo nɔnga tshɛ.+
15 Dikishi di’ase wedja diekɔ mfɛsa la paonyi,
Olimu w’anya w’onto.+
16 Diɔ diekɔ la onyɔ, koko hadiokoke ntɛkɛta;+
La washo, koko hadiokoke mɛna;
17 Diɔ diekɔ la atoyi, koko hadiokoke mboka.
Loowe keema lo onyɔ adiɔ.+
19 Luudu la Isariyɛlɛ le, nyotombole Jehowa.
Luudu la Arɔna le, nyotombole Jehowa.
20 Luudu la Lɛwi le, nyotombole Jehowa.+
Nyu wanɛ woka Jehowa wɔma, nyotombole Jehowa.
Nyotombole Jah!+