Esambo
Le ɔnɔmbɔdi; kongɛma lo “Tolanyake.” Wa Davidɛ. Mikitama.* Etena kakandalawɔ Saolo otsha lo wooko.+
57 Nzambi le, omboke kɛtshi, omboke kɛtshi,
Nɛ dia dimi* lamboyashɛ le yɛ,+
Ndo lo dɛdi dia ahafu ayɛ kamomoyashɛ polo lam’ayeta ekakatanu.+
2 Dimi mbelɛka Nzambi Kaheme-Tshɛ,
Nzambi ka mɛtɛ lawalanya l’ɔtɛ ami.
3 Nde ayotoma ekimanyielo oma l’olongo ndo ayonshimbɛ.+
Nde ayofukutanya ɔnɛ laminda. (Sela)
Nzambi ayotoma ngandji kande ka kɔlamelo ndo kɔlamelo yande.+
Dimi lohomba mbetama l’atei w’anto walanga ndɛmi,
Wanɛ wele wanyu awɔ wekɔ akɔnga la mpito
Ndo lolemi lawɔ lekɔ lokuwa la ta la mpɛmɔ.+
5 Nzambi le, odiyame la diko dia olongo;
Lotombo layɛ longe laadiko dia nkɛtɛ k’otondo.+
Vɔ wakatshime difuku la ntondo kami,
Koko vɔamɛ mbambotambɛ lɔkɔ.+ (Sela)
7 Nzambi le, otema ami wekɔ nge,+
Otema ami wekɔ nge.
Dimi layemba ndo layohoma mishiki.
8 Lotombo lami le, emɔ.
Emɔ, wɛ ehomahoma k’eshinga; ndo wɛ lɔsɛsɛ.
Dimi layemula yosose.+
10 Nɛ dia ngandji kayɛ ka kɔlamelo kekɔ woke, kekɔ tanga oko olongo,+
Ndo kɔlamelo yayɛ polo lo wange.
11 Nzambi le, odiyame la diko dia olongo;
Lotombo layɛ longe laadiko dia nkɛtɛ k’otondo.+