Tokedi
1 Tokedi ta Sɔlɔmɔna,+ ɔna Davidɛ+ nkumekanga k’Isariyɛlɛ+ tɔ tɔnɛ:
2 Dia mbeka* lomba+ ndo ohokwelo;
Dia nshihodia ɛtɛkɛta wa lomba;
3 Dia nongola ohokwelo+ washa shɛnɔdi,
Losembwe,+ ekanelo k’ɔlɔlɔ*+ ndo osembɔki;*
4 Dia mbisha wanɛ wahatahokɔ akambo shɛnɔdi;+
Dia mbisha ɔlɔngɔ a pami ewo ndo dikoka di’ekanelo ka yimba.+
5 Kanga lomba pokamɛka ndo kondjaka wetshelo+ efula;
Kanga yimba kondjaka ɛlɔmbwɛlɔ ka lomba*+
6 Dia nshihodia yokedi ndo ɔkɛla,*
Ɛtɛkɛta wa akanga wa lomba ndo ɛtɛkɛta awɔ wa didjidji.+
7 Wɔma* wa Jehowa kele etatelo ka ewo.+
Paka akanga wa dinginya mbɔnyɔla lomba ndo ohokwelo.+
10 Ɔnami, naka atshi wa pɛkato wambohemba dia kokotola, tetawɔke.+
11 Naka vɔ wambota vate: “Yete kaamɛ la so.
Totoholame dia nkɛdia dikila.
Tayoyashɛ ko kongaka anto waha l’onongo dia mbasalɛ kɔlɔ osalɛsalɛ.
12 Sho tayowamɛna wasɛna oko watɔmɛnaka Diombo,*
Etondo oko wanɛ watshɔ otsha lo difuku.
13 Nyɛsɔ tɔshi diangɔ diawɔ dia nɛmɔ tshɛ;
Tayolodia mvudu yaso la diangɔ dia dimbo.
15 Ɔnami, towayelake.
Todjake ekolo ayɛ lo mboka kawɔ,+
16 Nɛ dia ekolo awɔ ndawɔka dia tosala kɔlɔ;
Vɔ samanyaka dia tɔkɛdia dikila.+
17 Lo mɛtɛ waamamba mbambawɔ ɔtɛyi lo washo wa fudu.
18 Diakɔ diaholamawɔ dia nkɛdia dikila;
Vɔ ndjashɛka dia mbɔsa nsɛnɔ* y’anto akina.
20 Lomba+ la mɛtɛ lekɔ lo mbida ombeka la dui dia wolo lo shinga.+
Lɔ lekɔ lo ntetemala mbidiya dui dialɔ lo asanga.+
21 Lo sanga* dia toshinga teteta anto efula, lɔ lekɔ lo mbelɛ.
Lo mbɔtwɛlɔ ya asoko w’osomba, lɔ lekɔ lo mbuta ɔnɛ:+
22 “Nyu weomombe le, polo l’etena kakɔna kayonyolanga monga womombe?
Nyu amɔnyɔdi le, polo l’etena kakɔna kayonyɔngɛnangɛna mɔnywana?
Ndo nyu dinginya le, polo l’etena kakɔna kayonyohetsha ewo?+
Ko dimi layonyohongolɛ nyuma kami;
Dimi layonyewoya ɛtɛkɛta ami.+
24 Nɛ dia dimi lakawelɛ, koko nyu nyakatetemala ntona,
Dimi lakasembola lonya lami, koko ndooko onto lakadje yimba,+
25 Nyakatetemala minya yimba lo dako diami tshɛ
Ndo ntona lohango lami,
26 Ndo nto, dimi layɔla etena kayonyokomɛ mpokoso;
Dimi layɔla etena kayonyokomɛ kɛnɛ kokanyu wɔma,+
27 Etena kayoya kɛnɛ kokanyu wɔma oko lɔhɛlɛdi,
Ndo etena kayokoma mpokoso kanyu oko lɔpɛpɛ la wolo,
Etena kayonyokomɛ asui la ekakatanu.
28 Lo etena kɛsɔ, vɔ wayotetemala mbelɛmi, koko dimi hantokadimola;
Vɔ wayonyanga wolo, koko vɔ hawotontana,+
29 Nɛ dia vɔ wakahetsha ewo,+
Ndo vɔ kɔsɔna wɔma wa Jehowa.+
30 Vɔ wakatone dako diami;
Vɔ wakɔnyɔla lohango lami tshɛ.
32 Nɛ dia ɔtɛ wolo wa wanɛ wahatahokɔ akambo ayowadiaka,
Ndo wendjodi w’akanga wa dinginya ayowalanya.