Esambo
Wa ana w’apami wa Kɔra.+ Ngɛngu. Osambo.
87 Atshina w’osomba ande wekɔ lo akona w’ekila.+
2 Jehowa nangaka asoko wa Siɔna+
Oleki mvudu y’apɛma tshɛ ya Jakɔbɔ.
3 Awui wa diambo wekɔ lo mbutama lo dikambo diayɛ, wɛ osomba wa Nzambi ka mɛtɛ.+ (Sela)
4 Dimi layadia Rahaba*+ ndo Babilɔna l’atei wa wanɛ wambeya;
Enda Filistiya la Tura kaamɛ ndo Kusha.*
Ayotama ɔnɛ: “Onto ɔnɛ kakotɔ lɛkɔ.”
5 Ndo ayotama lo dikambo dia Siɔna ɔnɛ:
“Onto tshɛ akotɔ lɛkɔ.”
Ndo Ɔnɛ-Laheme-Tshɛ ayowoshikikadia nge.
6 Jehowa ayota, lam’ayofundjama anto nkombo ate:
“Onto ɔnɛ kakotɔ lɛkɔ.” (Sela)