2 Samuɛlɛ
22 Ko Davidɛ akatɛ Jehowa ɛtɛkɛta wa l’osambo ɔnɛ+ lushi lakootshungola Jehowa oma l’anya w’atunyi+ ande tshɛ ndo oma l’anya wa Saolo.+ 2 Nde akate ate:
“Jehowa kele dive diami, longele lami+ ndo Ombitshi ami.+
3 Nzambi kami kele dive diami,+ le nde katomoyashɛka,
Engawo+ kami ndo loseke* lami la panda,* eshamelo kami k’oshika+
Ndo dihole diami dia ndawɔ,+ oshimbedi ami;+ wɛ lanshimbɛ oma lo awui wa ngala.
4 Dimi mbelɛka* Jehowa, ɔnɛ lahomba tombɔma,
Ko layoshimbamɛ oma le atunyi ami.
7 Lam’akimi la lɔkɔnyɔ, dimi lakelɛ Jehowa,+
Nzambi kami kakamatetemalaka mbelɛ.
Ko nde akoke dui diami oma lo tɛmpɛlɔ kande,
Ndo delo diami dia nyanga ekimanyielo diakakome lo atoyi ande.+
Ndo wakasukasuka, nɛ dia nde akomala.+
9 Edinga wakatombe oma lo wesho w’ɛhɛmbɛ ande,
Ndo dja yatshumba yakatombe oma l’onyɔ ande;+
Akalanga wa dja wakahɛtɛ oma le nde.
11 Nde akahema laadiko dia ɔkɛruba+ ndo akaye ayafumbɔ.
Nde akɛnama lo ahafu wa nyuma* kɛmɔtshi.+
12 Ko nde akakitsha wodjima l’otshimbedi ande oko hiombo,+
Lo ashi w’edima ndo lo wange w’ekama.
13 Oma lo ngaingai kele la ntondo kande, akalanga wa dja wakahɛtɛ.
15 Nde akoke mpito yande,+ ko akaahandjola;
Akasale dingadimu, ko nde akawadje lo lofunge.+
16 Odihe wa l’ɛse ka ndjale wakɛnama;+
Atshina wa wodja wakatombe sɛkɛ oma lo lohango la Jehowa,
Oma lo loowe la lo wesho w’ɛhɛmbɛ ande.+
17 Nde akaholoya lonya lande oma la diko;
Nde akankimɛ ndo akantondja oma l’ashi wa dingunda.+
18 Nde akambitsha oma le otunyi ami wa wolo,+
Oma le wanɛ wampetsha, wakandekaka wolo.
19 Vɔ wakandɔsha lushi lakimi la mpokoso,+
Koko Jehowa aki osukɔ ami.
20 Nde akantɔlɛ otsha lo dihole di’ekokelo;*+
Nde akambitsha, nɛ dia nde akanangaka.+
21 Jehowa ambomfuta lo ndjela losembwe lami;+
Nde ambombisha difuto lo ndjela woho wele anya ami+ bu la onongo.*
22 Nɛ dia dimi lakalame mboka ya Jehowa,
Ndo dimi kɔnsɛka Nzambi kami lo yoho ya kɔlɔ.
23 Dombwelo+ diande tshɛ diekɔ la ntondo kami;
Dimi hantotakɔ wadjango ande.+
26 Le kanga kɔlamelo, wɛ mbosalɛka akambo la kɔlamelo;+
Le kanga wolo laha l’onongo, wɛ mbosalɛka akambo lo yoho yaha l’onongo;+
27 Le kanga pudipudi, wɛ ndjaɛnyaka pudipudi,+
28 Nɛ dia wɛ shimbɛka wanɛ wayakitshakitsha,+
Koko washo ayɛ tonaka wanɛ wayadiya, ndo wɛ mbakitshakitshaka.+
29 Nɛ dia Jehowa le,+ wɛ kele tala diami;
Jehowa katongamulɛka wodjima ami osase.+
30 La ekimanyielo kayɛ, dimi koka mbitshanya olui wa dengalenga;
La wolo wa Nzambi, dimi koka mbidɛ lo ehele.+
Nde ekɔ engawo le wanɛ tshɛ wayashɛ le nde.+
32 Nɛ dia, akɔna ele Nzambi laadiko dia Jehowa?+
Ndo akɔna ele dive naka aha Nzambi kaso?+
34 Nde mbetɛka ekolo ami oko ekolo wa mpele;
Nde memadiakami lo ahole wa la diko.+
35 Nde mbetshaka anya ami dia ndɔ ta;
Anya ami koka minɛ ota wa nkonga.
36 Wɛ mbishakami engawo kayɛ ka panda,
Ndo okitshakitsha ayɛ mbetɛkami woke.+
37 Wɛ nanulɛka akaka ami mboka;
38 Dimi layoyelana la atunyi ami ndo layowamana;
Dimi hantokalola polo lam’ayomaashila oshiki.
39 Layowashila oshiki ndo layowaminola, ko vɔ hawotemala nto;+
Vɔ wayɔkɔ lo ekolo ami.
41 Wɛ ayosala dia atunyi ami ndawɔmi;*+
Dimi layolanya* wanɛ wampetsha.+
42 Vɔ wekɔ lo ndela ekimanyielo, koko ndooko onto laashimbɛ;
Vɔ wekɔ lo ndelɛ ndo Jehowa, koko nde hawakadimola.+
43 Dimi layowatɔ dia vɔ monga ofushi oko ditshu dia nkɛtɛ;
Dimi layowatɛtshatɛtsha ndo layowahɔtshahɔtsha oko lɔtɛkɛ lo toshinga.
44 Wɛ ayontshungola oma lo diɔnyɔ di’ase wodja ami.+
45 Angɛndangɛnda wayoya wayaatɛ asolo la ntondo kami;+
Kɛnɛ kokawɔ lo dikambo diami ayowakonya dia vɔ kitanyiyami.*
46 Angɛndangɛnda wayoshisha dihonga;*
Vɔ wayoya wayasake lokomba oma lo ahole awɔ w’eshamelo.
47 Jehowa ekɔ la lɔsɛnɔ! Dive diami diatombwame!+
Nzambi ka dive dia panda kami adiyame.+
48 Nzambi ka mɛtɛ ambɔsɔmbɔya lo dihole diami;+
Nde amboholoya anto l’ɛse kami;+
49 Nde ambombitsha oma le atunyi ami.
Wɛ ambombidiya la diko+ dia wanɛ wandɔsha;
Wɛ ambonshimbɛ oma le pami ka ngala.+
50 Diakɔ diele, Jehowa le, dimi layokokaka losaka l’atei wa wedja,+