Eohwelo k’Ɛlɛmbɛ
32 “Olongo le, hokɛ toyi kele ntɛkɛtɛ,
Nkɛtɛ le, hokamɛ ɛtɛkɛta w’oma l’onyɔ ami.
2 Wetshelo ami wayɔlɔ oko mvula;
Ɛtɛkɛta ami wayɔlɔ oko loonge,
Oko vulavula laadiko dia adiyo
Oko mvula ngembe laadiko dia tombatomba.
3 Nɛ dia dimi layewoya lokombo la Jehowa.+
Nyɔtɛkɛtɛ dikambo dia woke woke wa Nzambi kaso!+
5 Vɔ wele wanɛ wakasale akambo lo yoho ya kɔlɔ.+
Vɔ keema anande, diwadi diekɔ diawɔ.+
Vɔ wekɔ lɔlɔnga la wɛngɛngɛ ndo la kɔlɔ!+
Shi nde kele Shɛnyu lakasale dia nyu monga la lɔsɛnɔ,+
Ɔnɛ lakanyokenge ndo lakanyoshikikɛ nge?
7 Nyohɔ nshi yakete;
Nyokanyiya ɛnɔnyi wa nɔnga yakete.
Mbola shɔ, ko nde ayokotɛ;+
Dikumanyi dianyu, ko vɔ wayokɔkɔndɔlɛ.
8 Lam’akasha Ɔnɛ-Laheme-Tshɛ wedja etenyi kawɔ k’okitɔ,+
Lam’akandakakitola ana w’Adama,*+
Nde akashikikɛ elelo w’anto+
Lo mbidja yimba lo lofulo l’ana w’Isariyɛlɛ.+
11 Oko watohashahashaka mpongo kefu katɔ,
Watotohohahohaka laadiko di’ana atɔ,
Watotosandjolaka ahafu atɔ, watotowaɔsaka,
Watotowaɛmbaka lo nsala yatɔ,+
12 Jehowa ndamɛ akayawɔlɔmbɔlaka;*+
Ndooko jambizambi ya wedja ekina yaki kaamɛ la nde.+
Nde akoolesha osanga w’oma lo dive
Ndo esɔ k’oma lo dive dia silɛksɛ,
14 Matɛka wa ngɔmbɛ ndo abɛlɛ w’ɛkɔkɔ,
Kaamɛ la ɔkɔkɔ woleki dimɛna,*
Ndo ɛkɔkɔ wa waomi wa Bashana la weombe wa mbudi,
Kaamɛ la eponga woleki amɛna;*+
Ndo wɛ akanɔ vinyɔ y’oma lo dikila* di’elowa.
15 Lam’akanune Jeshuruna,* nde akatɔmbɔkɔ.
Wɛ ambonuna, wɛ aya woke, wɛ ambɔmɛtanɛ.+
Ɔnkɔnɛ nde akasɛkɛ Nzambi, ɔnɛ lakookenge,+
Ndo akanya Dive dia panda kande yimba.
16 Vɔ wakawomadia l’ɔtɛ wa tozambizambi t’angɛndangɛnda;+
Vɔ wakawokiya nkɛlɛ l’ɔtɛ wa diangɔ dia wɔnɔnyi.+
17 Vɔ wakalambolaka elambo le ɛdiɛngɛ, koko aha le Nzambi,+
Le tozambizambi takiwɔ kombeya,
T’eyoyo teke ka ndja,
Le tozambizambi taki watshɛnyu kombeya.
19 Lam’akawɛnyi Jehowa, nde akawaoke ɔkɔngɔ+
Nɛ dia anande w’apami ndo anande wa wamato wakawokiya nkɛlɛ.
20 Ɔnkɔnɛ nde akate ate: ‘Dimi layowashɛ elungi kami;+
Dimi layenda kɛnɛ kayowakomɛ.
21 Vɔ wambomomadia l’ɔtɛ wa kɛnɛ kele bu jambizambi;+
Vɔ wambombokiya nkɛlɛ l’ɔtɛ wa dikishi diawɔ di’anyanya.+
Ɔnkɔnɛ dimi layowatshutshuya dia monga la kandjema la kɛnɛ kele bu wodja;+
Dimi layowaokiya nkɛlɛ la wodja w’enginya.+
22 Nɛ dia nkɛlɛ kami kambotowola dja+
Yayɔhɛta polo l’ɛse ka Diombo,*+
Ndo yɔ yayotshumba nkɛtɛ la diangɔ diele lɔkɔ
Ndo yayolongoya atshina w’akona.
23 Dimi layofudia mpokoso yawɔ;
Dimi layokamba la mpito yami dia mbatshieta.
Dimi layowatomɛ wanyu wa nyama+
Ndo lɔlɛngɔ la diangɔ diayakotola lo ditshu.
25 L’andja, lokuwa la ta layowamana;+
L’etei, wɔma wayonga+
Le ɔlɔngɔlɔngɔ ndo osekaseka w’emuma,
Le ɔna ashashi kaamɛ ndo le osombe w’onto wele la ndjwe.+
26 Dimi lotota nte: “Dimi layowahandjola;
Layosala di’anto mbaohɛ lo timba tawɔ,”
27 Otonga aha wɔma wele la mi wa kɛnɛ kayota otunyi,+
Nɛ dia andɔshi koka ndjɔtɛkɛta kɔlɔ lo dikambo diakɔ.+
Vɔ koka mbuta vate: “Wolo aso wambodja otshumba;+
Aha Jehowa kakasale akambo anɛ tshɛ.”
29 Otowonga la lomba lee!+ Tshike vɔ wotokana yimba lo dikambo sɔ.+
Vɔ wotokanyiya kɛnɛ kayowakomɛ.+
30 Ngande wakoka 1 mbitshanya kinunu (1 000),
Ndo 2 ndawoya nunu dikumi (10 000)?+
Onyake naka Dive diawɔ ambaasondja+
Ndo Jehowa ambaakimɔ.
32 Nɛ dia vinyɔ yawɔ yekɔ vinyɔ y’oma la Sɔdɔma
Ndo oma lo ebondo washimba menga wa la Ngɔmɔra.+
Elowa awɔ wekɔ elowa wa lɔlɛngɔ,
Sandji diawɔ diekɔ ololo.+
33 Wanu awɔ wekɔ lɔlɛngɔ la eloyi,
Lɔlɛngɔ la wolo la oloyi wa kɔbra.
34 Shi kɛsɔ mombama le mi,
Mbishɛma lo eombelo kami?+
35 Nsɔmbɔya ndo mfutsha ekɔ dikambo diami,+
L’etena kakashikikɛma lam’ayɔsɛlɔ ekolo awɔ,+
Nɛ dia lushi la mpokoso kawɔ laya suke,
Ndo kɛnɛ kawakongɛ kayoya esadi.’
36 Nɛ dia Jehowa ayolombosha anto ande,+
Ndo nde ayoka ekambi ande kɛtshi*+
Lam’ayondɛna dia wolo awɔ wamboshila,
Ndo dia ambotshikala paka ɔnɛ laha la ekimanyielo ndo lambɔlɛmba.
37 Ko nde ayota ate: ‘Lende ele tozambizambi tawɔ,+
Dive diakawayange eshamelo,
38 Takalɛka wata w’elambo awɔ,*
Takanɔka wanu w’elambo awɔ wa lotɛ?+
Tɔ temale ndo tanyokimanyiya.
Tɔ tayale dihole dianyu di’eshamelo.
Dimi ndjakaka, ndo dimi mbishaka lɔsɛnɔ.+
40 Nɛ dia lambemɛ lonya lami l’olongo,
Ndo lambotshiba nte: “Lo mɛtɛ oko wemi la lɔsɛnɔ pondjo pondjo,”+
41 Naka lambɔkɛtɛmɔla lokuwa lami la ta latondja esase
Ndo lambɔlɔngɔsɔla lonya lami dikambo dia kilombo,+
Dimi layɔsɔmbɔya andɔshi ami+
Ndo layofuta wanɛ wampetsha.
42 Dimi layodjoya mpito yami dikila,
Ndo layolesha lokuwa lami la ta emunyi,
La dikila dia wanɛ wayodiakema ndo wayondama mfumbe,
La ɛtɛ wa ewandji waki otunyi.’
43 Wedja le, nyɔngɛnɛngɛnɛ, ndo anto ande,+
Nɛ dia nde ayɔsɔmbɔya dikila di’ekambi+ ande,
Ndo nde ayɔsɔmbɔya andɔshi+ ande
Ndo ayokomba pɛkato ya* wodja w’anto ande.”
44 Ko Mɔsɛ akaye ndo akate nto ɛtɛkɛta tshɛ wele l’osambo ɔnɛ lo atoyi w’anto,+ nde la Hɔshɛya*+ ɔna Nuna. 45 L’ɔkɔngɔ wa Mɔsɛ nshidiya mbutɛ ase Isariyɛlɛ tshɛ ɛtɛkɛta ɛsɔ tshɛ, 46 nde akawatɛ ate: “Nyodje ɛtɛkɛta tshɛ wanyɔhɛmɔlami ɛlɔ+ lo otema, dia nyu ndjodjangɛ ananyu dia vɔ monga la yambalo dia nkitanyiya awui tshɛ w’Ɛlɛmbɛ ɛnɛ.+ 47 Nɛ dia ɔnɛ bu ɔtɛkɛta w’anyanya le nyu, koko vɔ nembetshiyaka lɔsɛnɔ lanyu,+ ndo oma l’ɔtɛkɛta akɔ mbakokanyu nsɛna edja lo wodja wayanganyu ntehɔ Jɔrdana dia tɔsa.”
48 Jehowa akatɛ Mɔsɛ ko lushi lakɔ laamɛ ate: 49 “Dɛ lo dikona di’Abarimɛ+ nɛ, l’okongo wa Nɛbɔ+ wele lo nkɛtɛ ya Mɔaba, mbɛlanɛ la Jeriko kele tende wodja wa Kanana wayangami mbisha ase Isariyɛlɛ.+ 50 Oma laasɔ, wɛ ayovɔ lo dikona diayangayɛ mbidɛ ndo wɛ ayoyela watshɛyɛ,* oko wakavu ɔnanyɔ Arɔna lo Dikona dia Hɔra+ ko nde ndjela watshɛnde, 51 nɛ dia nyu akɔ 2 komonga la kɔlamelo le mi l’atei w’ase Isariyɛlɛ lo ashi wa la Meriba+ ka la Kadɛshɛ, l’oswe wa Zinɛ, dikambo nyu kokidiami la ntondo k’ase Isariyɛlɛ.+ 52 Wɛ ayɛna wodja akɔ oma l’etale, koko wɛ hatɔtɔ lo wodja wayangami mbisha ase Isariyɛlɛ.”+