Esambo
Wa Davidɛ.
2 Nde kele ngandji kami ka kɔlamelo ndo longele lami,
Eshamelo kami k’oshika ndo Ombitshi ami,
Engawo kami ndo Ɔnɛ layashɛmi le nde,+
Ɔnɛ lakitshakitsha anto l’ɛse kami.+
3 Jehowa le, onto eende katoyowɛna,
Ɔna onto okovɔ eende katoyowodja yimba?+
7 Sembola anya ayɛ oma la diko;
Ombitsha ndo onshimbee oma lo ashi wambɔmbɔ,
Oma lo anya w’angɛndangɛnda,+
8 Wanɛ wele enyɔ awɔ mbutaka kashi
Ndo wanɛ wedia lonya lawɔ l’omi dia ntshiba lo kɛnɛ kele bu mɛtɛ.*
9 Nzambi le, dimi layokembɛ osambo w’oyoyo.+
Dimi layokembɛ esambo wa lotombo,* kaamɛ la ehomahoma k’eshinga 10,
10 Ɔnɛ lasha nkumi ya dikanga otshumba,*+
Ɔnɛ latsha okambi ande Davidɛ oma lo lokuwa la ta la nyɔi.+
11 Ombitsha ndo onshimbee oma lo anya w’angɛndangɛnda,
Wanɛ wele enyɔ awɔ mbutaka kashi
Ndo wanɛ wedia lonya lawɔ l’omi dia ntshiba lo kashi.
12 Ko anaso w’apami wayonga oko tosongosongo tayole esadi esadi,
Ndo anaso wa wamato oko dikundji dia lo tshuku diakasalema dikambo dia luudu la nkumekanga.
13 Mvudu yaso ya waombelo yayofukɔfukɔ la weho tshɛ wa diangɔ;
Ɛkɔkɔ aso wa l’eswe aso wayofulanɛ nunu nunu, nunu akumi akumi.
14 Ngɔmbɛ yaso yele wetsho la ana, hayotota ana wambovɔ* kana esondjo;
Ekoko wa paa hawotonga lo asɛkɛ aso.
15 Ɔngɛnɔngɛnɔ le anto wele ngasɔ!
Ɔngɛnɔngɛnɔ le anto wele Jehowa kele Nzambi kawɔ!+