Tokedi
3 Dive diekɔ wotsho ndo ditshu diekɔ wotsho,
Koko nkɛlɛ koye oma le kanga enginya ndeka diangɔ sɔ wotsho.+
4 Nkɛlɛ kekɔ esehe ndo odudu wekɔ oko elola,
Ko akɔna akoka memala la ntondo ka kandjema?+
5 Lohango la lo sɛkɛ ndeka ngandji koshɛmi+ dimɛna.
7 Onto* lambolota mbikashaka* osanga w’oma lo ehehe,
Koko le onto lele la ndjala,* kaanga ɛngɔ k’ololo mongaka mpɛ.
8 Oko fudu kekeekɔ* oma lo kefu katɔ
Ngasɔ mbele onto lekeekɔ oma lo ngelo kande.
10 Tɔsɛkake ɔngɛnyi ayɛ kana ɔngɛnyi wa shɔ,
Ndo tɔtɔke lo luudu l’ɔnanyɔ lo lushi leyɛ la mpokoso;
Osukanyi wele suke ndeka ɔnanyɔ lele etale.+
11 Ɔnami, oyale kanga lomba ndo ɔngɛnyangɛnya otema ami,+
Dia dimi mbeya nkadimola ɔnɛ latɔmɔnyɔlaka.+
12 Kanga yewo atɛnaka waale, ko nde atoyashɛka,+
Koko ɔnɛ lahatahokɔ akambo atotshɔka tsho, ko atodiɛnɛka la etombelo wa kɔlɔ.*
13 Ɔsa dihɔndɔ di’onto naka nde akakimɔ ɔkɔlɛ le ɔngɛndangɛnda;
Ɔsa ɔkɔlɛ oma le nde naka nde akasale ngasɔ le womoto l’ose wodja okina.*+
14 Etena katshɔkɔla onto osekande la dui dia wolo la pindju ka pɛɛ,
Dui sɔ diayɔsama oko mananu le nde.
15 Wadi la londjo ekɔ oko ɔtɛ wa luudu wahahekɔ nsela lushi la mvula.+
16 Onto tshɛ lakoka mbɔlɛmbɔhaya kokaka mbɔladja lɔpɛpɛ
Ndo kokaka nkukɛ esɔ lo lonya lande l’omi.
19 Oko watɔkɛnɛmɔlaka ashi elungi k’onto,
Ngasɔ mbatɔkɛnɛmɔlaka otema w’onto, otema w’onto okina.
21 Oko wele mpoke kalɛlɔlawɔ mbolo kekɔ dikambo dia mfɛsa ndo nkuka ka dja dikambo dia paonyi,+
Ngasɔ mbele onto pembamaka la lotombo lalongolande.*
22 Oyadi kaanga wɛ ntɔ kanga enginya lo etole
Oko ntɔngɔ yambeshɔ lo etole,
Enginya kande hatomɔ oma le nde.
23 Wɛ pombaka mbeya dimɛna ɛnamelo ka dongalonga diayɛ.
25 Adiyo w’ashi wa djɛsɛ wamboshila, adiyo w’ashashi wambotomba,
Ndo tombatomba dia l’akona diambotshumanyema.
26 Ɛsɔngɔ w’ɛkɔkɔ tondjaka ahɔndɔ ayɛ,
Ndo weombe wa mbudi tondjaka oshinga w’ekambɔ.
27 Ndo abɛlɛ wa mbudi wayonga efula dia kolesha,
Dia ndesha ase luudu layɛ ndo dia nkotsha ehomba w’ekambi ayɛ wa wamato.