Esambo
104 Dimi* nte ntombole Jehowa.+
Jehowa Nzambi kami le, wɛ ekɔ woke efula.+
Wɛ ndɔtshama la lɔnɛnɛ* ndo la lotombo.+
3 Nde mbekɛka esembe wa lo mvudu yande ya la diko lo ashi wa la diko,*+
Lo mbetɛ wange pusupusu kande,+
Lo mbeteta lo ahafu wa lɔpɛpɛ.+
4 Nde mbetɛka andjelo ande nyuma,
Ekambi ande dja yatshumba.+
6 Wɛ akayikombe la nkushi y’angunda wate kana la dihɔndɔ.+
Ashi wakemala la diko di’akona.
7 La lohango layɛ, vɔ waka lawɔ;+
La wondjo wa dikungola diayɛ, vɔ wakalawɔ la sase dia wɔma
8 Akona wakadɛ+ ndo ekidi wakaholɔ,
Otsha lo dihole diakayashikikɛ dikambo diawɔ.
9 Wɛ akadje olelo wahawahombe ndekana,+
Diaha vɔ nkomba nkɛtɛ nto pondjo.
10 Nde tomaka tɛkɔ di’ashi lo ekidi;
Lam’asa akona mbakɛlawɔ.
11 Vɔ mbishaka nyama tshɛ ya l’okonda ashi;
Mponda ya l’okonda shidiyaka mposa kayɔ.
12 La diko diawɔ mbasala tofudu ta l’olongo tokefu;
Tɔ membaka l’atei w’avundja.
13 Nde ndɔyaka akona oma lo mvudu yande ya la diko.+
Nkɛtɛ ndotshamaka la elowa w’elimu ande.+
14 Nde mbodiaka adiyo dikambo dia ngɔmbɛ
Ndo tombatomba di’anto nkamba la diɔ,+
Dia ntondja mbo ya ndɛ oma lo nkɛtɛ
15 Ndo wanu watɔngɛnyangɛnyaka otema w’onto,+
Esɔ katolengialengiaka elungi,
Ndo mbo ya ndɛ yatosukɛka otema w’onto okovɔ.+
16 Esongo wa Jehowa wambolotshama,
Elondo wa la Lɛbanɔna wakandonɛ,
17 Lɛnɛ asala tofudu tokefu.
Ngelo ka kiombe+ kekɔ lo esongo wa dihake.
19 Nde akasale ngɔndɔ dia mɛnyaka tena diakashikikɛma;
Wonya mbeyaka dimɛna etena kahombawɔ mbidja.+
20 Wɛ mbelaka wodjima, ko wonya mbidjaka,+
Etena keteta nyama tshɛ ya ngala ya l’okonda.
22 Lam’ahotɔ wonya,
Vɔ mimɔka ndo mbetamaka lo weoko awɔ.
23 Onto tshɔka lo olimu ande,
Ndo nde kambaka olimu wa wolo polo la dikɔlɔ.
24 Jehowa le, ande elimu ayɛ efula lee!+
Wɛ akaasale vɔ tshɛ la lomba.+
Nkɛtɛ ndola tɔɔ la kɛnɛ kakayasale.
25 Ndjale kekɔ, ka woke efula ndo enanɔnanɔ,
Tɔ ndolanɛ la diangɔ diasɛna diaheyama mbadia, dia totshitshɛ ndo dia weke.+
27 Vɔ tshɛ mendɛka le yɛ
Dia mbasha mbo ya ndɛ yawɔ lo etena kaho mbama.+
28 Vɔ ndɛka kɛnɛ kawashayɛ.+
Etena kakukolayɛ lonya layɛ, vɔ ndotshamaka la diangɔ di’amɛna.+
29 Etena kashɛyɛ elungi kayɛ, vɔ tshimbaka wɔɔngɔ.
Naka wɛ ambɔsa lomu lawɔ, vɔ mvɔka ndo kalolaka lo ditshu.+
30 Naka wɛ ambotoma nyuma kayɛ, vɔ tongamaka,+
Ndo wɛ mbetɛka nkɛtɛ oyoyo oto.
31 Lotombo laki Jehowa layotshikalaka pondjo.
Jehowa ayɔngɛnangɛnaka elimu ande.+
32 Nde mendaka nkɛtɛ, ko yɔ didimaka;
Nde minandaka akona, ko vɔ tutɔka edinga.+
33 Dimi layembɛka Jehowa+ lɔsɛnɔ lami l’otondo;
Dimi layembɛka Nzambi kami esambo wa lotombo* edja tshɛ kemi la lɔsɛnɔ.+
34 Tokanyi tami tawɔngɛnyangɛnyake.*
Dimi layɔngɛnangɛnaka le Jehowa.
35 Atshi wa pɛkato wayoshishɔ oma la nkɛtɛ,
Ndo akanga wa kɔlɔ hawotoyala nto.+