Esambo
Le ɔnɔmbɔdi; lo Jedutuna.* Wa Asafu.+ Ngɛngu.
77 Dimi layolelɛka Nzambi la dui diami;
Nzambi kayomolelɛka, ko nde ayomboka.+
2 Lushi lemi l’asui, dimi nyangaka Jehowa.+
Dimi mbediaka anya ami l’otsho otsha le nde aha la mpekɔ.*
Dimi* haakoke sambema.
4 Wɛ salaka dia tɔki yami ntshikala hwe;
Dimi lekɔ lo nkawakawa ndo haakoke ntɛkɛta.
5 Tokanyi tami kalolaka lo nshi y’edjedja,+
Ɛnɔnyi wambetaka edjedja.
6 L’otsho, dimi mbohɔka osambo* ami;+
Dimi kanaka yimba lo otema ami;+
Dimi* salaka eyangelo wa lotshimola.
7 Onde Jehowa ayotokasha lo pondjo?+
Onde nde hatookaki kɛtshi nto pondjo?+
8 Onde ngandji kande ka kɔlamelo kambokomɛ lo pondjo?
Onde daka diande diayonga anyanya lo nɔnga tshɛ?
9 Onde Nzambi ambohɛ dia pomuya lokolo l’ɔlɔ,+
Kana onde nkɛlɛ kande kambokomiya kɛtshi kande? (Sela)
10 Onde mbutake nte: “Kɛnɛ kanyangiya*+ tɔ kɛnɛ:
Ɔnɛ-Laheme-Tshɛ ambotshikitanya kanyi* yele la nde oya le so”?
11 Dimi layohɔ elimu wa Jah;
Dimi layohɔ etsha ayɛ wa diambo w’edjedja.
12 Dimi layokana yimba la kɛnɛ tshɛ kasalayɛ
Ndo dimi layokana yimba la etsha ayɛ.+
13 Nzambi le, mboka yayɛ yekɔ ekila.
Nzambi le, jambizambi yakɔna yele woke oko wɛ?+
14 Wɛ kele Nzambi ka mɛtɛ kasala akambo wa diambo.+
Wɛ akashola wolo ayɛ le anto.+
16 Nzambi le, ashi wakakɛnyi;
Ashi wakakɛnyi, ko wakafundjama.+
Ndo ashi wa dingunda wakambɔmbɔ.
17 Wange wakatshola ashi.
Olongo wa wange wakakungola,
Ndo mpito yayɛ yaketeta lɛnɛ la lɛnɛ.+