Esambo
Le ɔnɔmbɔdi; lo Ngititɛ.* Ngɛngu ka Davidɛ.
8 Jehowa Nkumɛso le, ande woke woke wele lokombo layɛ lo nkɛtɛ k’otondo lee!
2 Oma l’enyɔ w’ana w’akɛnda ndo w’ana w’ashashi,+ wɛ akashikikɛ lokalo
L’ɔtɛ w’andɔshi ayɛ,
Dia ndjiha onyɔ w’otunyi ndo w’ɔsɔmbɔyishi.
3 Lam’atomendaka olongo ayɛ, elimu wa mpita yayɛ,
Ngɔndɔ ndo tɔɔtɔ takayalɔngɔsɔla,+
4 Onto okovɔ eende katoyowodja yimba,
Ndo ɔna onto eende katoyookanɛ?+
5 Wɛ akoosale yema l’ɛse ka wanɛ wele oko Nzambi,*
Ndo wɛ akɔɔlɔtsha lotombo ndo lɔnɛnɛ.
6 Wɛ akawosha lotshungɔ la mbahemɛ elimu w’anya ayɛ;+
Wɛ akakitsha ɛngɔ tshɛ l’ɛse k’ekolo ande:
7 Ɛkɔkɔ tshɛ la ngɔmbɛ,
Kaamɛ ndo nyama ya l’okonda,+
8 Tofudu ta l’olongo ndo nse ya lo ndjale,
Kɛnɛ tshɛ keteta lo ndjale.
9 Jehowa Nkumɛso le, ande woke woke wele lokombo layɛ lo nkɛtɛ k’otondo lee!