Esambo
Le ɔnɔmbɔdi; wayembama kaamɛ la dihomahoma di’eshinga. Ngɛngu ka Davidɛ.
4 Nzambi kami ka losembwe le,+ onkadimole lam’aketami.
Ombatee mboka ka dimi panda* oma lo shɔkɔ yami.
Omboke kɛtshi ndo ooke dɔmbɛlɔ diami.
2 Nyu ana w’anto le, polo l’etena kakɔna kayonyokadimola kɛnɛmɔ kami nsɔnyi?
Edja ndo etena kakɔna kayonyolanga kɛnɛ kele anyanya ndo nyanga kɛnɛ kele kashi? (Sela)
3 Nyeye dia Jehowa ayosalɛ okambi ande wa kɔlamelo akambo lo yoho ya laande;*
Jehowa ayoka lam’awetami.
4 Nyomale, koko tanyosalake pɛkato.+
Nyote awui anyu lo otema anyu, lo mbeto kanyu ndo nyɔlame. (Sela)
5 Nyolambole elambo wa losembwe,
Ndo nyoyaɛkɛ le Jehowa.+
6 Anto efula mbutaka vate: “Akɔna ayotɛnya dui dimɔtshi di’ɔlɔlɔ?”
Jehowa+ le, osase w’elungi kayɛ watɔhɛtɛɛ.
7 Wɛ ambolodia otema ami la ɔngɛnɔngɛnɔ w’efula
Oleki wanɛ wele la dinela di’efula dia ntɔngɔ ndo wanu w’eyoyo.