Esambo
Wa Davidɛ.
27 Jehowa kele osase+ ami ndo panda kami.
Akɔna ayomoka wɔma?+
Jehowa kele longele la lɔsɛnɔ lami.+
Akɔna ayomoka wɔma?
2 Etena kakandɔsha anto wa kɔlɔ dia ndɛ emunyi+ ami,
Andɔshi ami ndo atunyi ami mbakatakana ndo mbakakɔ.
3 Kaanga mbayoka asɔlayi mpango dia ndɔshami,
Otema ami hawotoka wɔma.+
Kaanga mbakoka ta mbɔtwɛmi,
Ndo l’etena kɛsɔ, dimi layongaka la wɛkamu.
4 Dui 1 kakamalɔmbɛ Jehowa;
Dui diakɔ kayomoyangaka:
Dia dimi mbidjasɛ lo luudu la Jehowa nshi tshɛ ya lɔsɛnɔ lami,+
Dia shishimaka dimɛna dia Jehowa
5 Nɛ dia nde ayombishɛ lo hiombo yande lushi la mpokoso;+
Nde ayomomba lo dihole dia woshamu dia lo luudu lande la dipɛma;+
Nde ayombidiya la diko dia dive.+
6 Laasɔ kete ɔtɛ ami waya laadiko dia atunyi ami wonyingi;
Dimi layolambola elambo lo luudu lande la dipɛma la ekoko w’ɔngɛnɔngɛnɔ;
Dimi layembɛ Jehowa esambo wa lotombo.*
8 Lo ntɛkɛta dikambo diayɛ, otema ami wakate ɔnɛ:
“Nyoyange dia mbishola elungi kami.”
Jehowa le, elungi kayɛ kayomoyanga dia mbishola.+
9 Toshɛke elungi kayɛ oma le mi.+
Tonyake okambi ayɛ l’ɔtɛ wa nkɛlɛ kayɛ.
Wɛ kele okimanyedi+ ami;
Nzambi kami ka panda le, tɔnsɛkake ndo tontshikake.
11 Jehowa+ le, ombetsha lo mboka kayɛ,
Ɔnɔmbɔlɛ lo mboka ka losembwe l’ɔtɛ w’atunyi ami.
12 Tonkimɔke le andɔshi ami,*+
Nɛ dia ɛmɛnyi wa kashi wambotomba lo dikambo diami,+
Ndo vɔ wekɔ lo manɛɛmi la awui wa ngala.
13 Lende otomonga otondonga dimi bu la mbetawɔ
Eelo, olongamɛke le Jehowa.