Esambo
Ngɛngu. Osambo w’osapwelo wa luudu. Wa Davidɛ.
30 Dimi layokotombola, wɛ Jehowa, nɛ dia wɛ akambidiya;*
Wɛ kotshika dia atunyi ami ngɛnangɛna l’ɔtɛ ami.+
2 Jehowa Nzambi kami le, dimi lakakolelɛ dia nyanga ekimanyielo, ko wɛ akankɔnɔla.+
3 Jehowa le, wɛ akambidiya* oma lo Diombo.*+
Wɛ akantshike la lɔsɛnɔ; wɛ akambitsha diaha dimi ntambɛ lo difuku.*+
4 Nyembee Jehowa esambo wa lotombo,* nyu ekambi ande wa kɔlamelo,+
Nyosha lokombo* lande l’ekila losaka;+
5 Nɛ dia monga l’ɛse ka nkɛlɛ kande ekɔ paka lo tshanda mɔtshi tsho,+
Delo mbeyaka ndja la dikɔlɔ, koko la pindju ko aya kioko y’ɔngɛnɔngɛnɔ.+
6 Lam’akimi komonga l’okakatanu, lakate nte:
“Dimi hansutshasutshamaki pondjo.”*
7 Jehowa le, lam’akamahomɔ lokolo l’ɔlɔ lo washo ayɛ,* wɛ akambetɛ wolo oko dikona.+
Koko lam’akayashɛ elungi kayɛ, dimi lakoke wɔma.+
8 Jehowa le, wɛ katomelɛka;+
Ndo Jehowa katomɔlɔmbaka kɛtshi.
9 Wahɔ akɔna wele la nyɔi* kami, otshwelo ami otsha lo difuku?*+
Onde ditshu diayokotombola?+ Onde diɔ diayɔtɛkɛta dia kɔlamelo yayɛ?+
10 Jehowa le, ohokame ndo omboke kɛtshi.+
Jehowa le, onkimanyiya.+
11 Wɛ ambokadimola delo diami nɔshi dia lokombe;
Wɛ ambokolola dikoto diami ndo ambɔndɔtsha ɔngɛnɔngɛnɔ,
12 Dia dimi* membaka lotombo layɛ ndo aha ntshikala ki.
Jehowa Nzambi kami le, dimi layokotombolaka pondjo pondjo.