1 Ɛkɔndɔ

20 L’etatelo k’ɔnɔnyi,* etena katotshɔka nkumi ya dikanga lo ata, Jɔaba+ akatshu l’asɔlayi lo ta ko wakatolanya ɛtshi ka nkɛtɛ k’ase Amɔna. Nde akakome, ko akadinge Raba,+ koko Davidɛ akatshikala la Jɛrusalɛma.+ Jɔaba akalɔsha Raba ndo akakinyukola.+ 2 Ko Davidɛ akɔshi dɛmbɔ dia nkoso diaki l’ɔtɛ wa Malakama ndo akɛnyi dia diɔ diaki la wotsho wa lotalata* 1 la paonyi ndo mbɔkɔ y’oshinga wolo yaki lɔkɔ, ko diɔ diakakitshama l’ɔtɛ wa Davidɛ. Nde akɔshi ndo diangɔ dia dimbo efula oma l’osomba akɔ.+ 3 Nde akaye l’anto waki lɔkɔ, ko akawadje l’olimu+ wa mbataka ave, wa kambaka la diangɔ dia mbolo dia mpɛmɔ ndo la tɔshɔka. Ngasɔ mbakasalɛ Davidɛ esomba tshɛ w’ase Amɔna. L’ekomelo, Davidɛ nde l’elui tshɛ w’asɔlayi wakakalola la Jɛrusalɛma.

4 L’ɔkɔngɔ wa laasɔ, ta diakatombe nto la Ngezɛrɛ lam’asawɔ l’ase Filistiya. L’etena kɛsɔ, Sibekai+ ose Husha akadiake Sipai laki kanula ya Rɛfayima,+ ko vɔ wakawawahemɛ.

5 Ta diakatombe nto lam’asawɔ l’ase Filistiya, ko Elehanana ɔna Jayira akadiake Lahimi ɔnango Ngɔliyatɛ+ ose Ngiti, ɔnɛ laki la dikɔnga diaki la wenyi wele oko osembe w’asadi w’adiba.+

6 Ta diakatombe nto la Ngata+ lɛnɛ aki pami kɛmɔtshi kaki dikongote dia mamba.+ Nde aki la mpita 6 lo lonya la lonya ndo mpita 6 lo lokolo la lokolo, tshɛ tshɛ mpita 24. Nde lawɔ aki kanula ya Rɛfayima.+ 7 Nde akadjaka ase Isariyɛlɛ tɔfwɛfwɛ.+ Ko Jɔnatana ɔna Shimea+ ɔnango Davidɛ akoodiake.

8 Anto asɔ waki tokanula ta Rɛfayima+ la Ngata+ ndo vɔ wakadiakema lo anya wa Davidɛ ndo lo anya w’ekambi ande.