Esambo
Le ɔnɔmbɔdi; wayembama kaamɛ la dihomahoma di’eshinga. Maskilɛ.* Wa Davidɛ.
2 Ombidje yimba ndo onkadimole.+
Dui diele la mi kiyanya kami,+
Ndo lambohandjɔ wɔɔngɔ
3 L’ɔtɛ wa kɛnɛ kata otunyi
Ndo pɛpɔ y’oma le kanga kɔlɔ.
Nɛ dia vɔ mɔtshɛkami efukutanu,
Ndo la nkɛlɛ tshɛ vɔ mombɛkami kumbɛkumbɛ.+
5 Wɔma la lokomba wambominda,
Ndo dimi lambodidima.
6 Dimi tetemalaka mbuta nte: “Otomonga la ahafu oko fudu k’enga lee!
Tshike dimi lotofumbɔ ko todjasɛ lo dihole dia ki.
7 Eenda, dimi lotolawɔ etale.+
Lototodjasɛ lo oswe.+ (Sela)
8 Lotosamanya otsha lo dihole diele la hiombo
Mangana etale la lɔpɛpɛ la wolo, etale la lɔhɛlɛdi la wolo.”
9 Jehowa le, djawɔ lo okandokando ndo fukutanya dikongelo diawɔ,*+
Nɛ dia dimi lambɛna awui wa ngala ndo ewanu lo osomba.
10 Otsho la yanyi vɔ mbetetaka lo mpele diawɔ;
Awui wa kɔlɔ ndo ofukutanu wekɔ l’etei kawɔ.+
11 Elanyelo kekɔ l’atei awɔ;
Mpɛnyɔ ndo lokeso watamɔka ndooko lushi oma lo sɛkɛ diawɔ.+
12 Nɛ dia aha otunyi ami kansɔka;+
Otondonga ngasɔ tshike lotokikɛ.
Aha ɔndɔshi kambonɛɛ dia ndɔshami;
Otondonga ngasɔ tshike lotoyashɛ oma le nde.
14 Sho taki la lɔngɛnyi la dimɛna;
Takatshɔka lo luudu la Nzambi kaamɛ la olui w’anto.
15 Elanyelo kawakume!+
Vɔ waholɔ otsha lo Diombo* ɛsɛnyu;
Nɛ dia kɔlɔ mbidjasɛ kaamɛ la wɔ ndo l’etei kawɔ.
16 Lo wedi ami, dimi layowelɛ Nzambi,
Ndo Jehowa ayonshimbɛ.+
17 La dikɔlɔ, la pindju ndo la midi, dimi tshimbaka wɔɔngɔ ndo dimi kumaka akumu,+
Ko nde mbokaka dui diami.+
18 Nde ayombitsha* ndo ayombisha wɔladi oma le wanɛ wandɔsha,*
Nɛ dia nyemba y’anto yekɔ lo ndɔshami.+
Vɔ wayotona dia nsala etshikitanu,
Wanɛ wahoke Nzambi wɔma.+
21 Ɛtɛkɛta ande wekɔ ɔsɛlɔ ndeka matɛka,+
Koko vɔ ndɔshanaka lo otema ande.
Ɛtɛkɛta ande wekɔ amɛna ndeka esɔ,
Koko wekɔ tokuwa ta ta tambowɔsɔmɔla.+
Nde hetawɔki pondjo dia onto ɔlɔlɔ nkɔ.*+
23 Koko Nzambi le, wɛ ayowatɔla lo difuku dia ɔhɔngɔ efula.+
Wanɛ wele la onongo wa dikila ndo akanga wa lokeso hawotɔsɛna kaanga k’ahende ɔtɔi ka nshi yawɔ.+
Koko le mi, dimi layoyaɛkɛ le yɛ.