2 Ɛkɔndɔ
19 Oma laasɔ, Jɛhɔshafata nkumekanga ka Juda akakalola demba ki*+ lo luudu* lande la la Jɛrusalɛma. 2 Jehu+ ɔna Hanani+ ɔmɛnyi wa waɛnɛlɔ akatshu dia tohomana la nde, ko akatɛ nkumekanga Jɛhɔshafata ate: “Onde kanga kɔlɔ koyokimanyiya,+ ndo wanɛ wahetsha Jehowa kahombayɛ mboka ngandji?+ L’ɔtɛ wa dikambo sɔ, Jehowa ambokomalɛ. 3 Kaanga mbediɔ ngasɔ, awui amɔtshi w’amɛna wekɔ le yɛ,+ nɛ dia wɛ akanya dimɛta dia l’esongo* oma lo wodja ndo wɛ ambɔlɔngɔsɔla otema ayɛ* dia nyanga Nzambi ka mɛtɛ.”+
4 Jɛhɔshafata akatetemala mbidjasɛ la Jɛrusalɛma, ko nde akatshu nto l’atei w’anto w’oma la Bɛrɛ-Shɛba otsha lo lɛkɛ l’akona la Efrayimɛ+ dia taakaloya oya le Jehowa Nzambi ka watshɛwɔ.+ 5 Ndo nto, nde akasɔnɛ toshushi lo wodja w’otondo lo esomba tshɛ wa la Juda wodingami la mpele, lo osomba l’osomba.+ 6 Nde akatɛ toshushi ate: “Nyende ɔlɔlɔ kɛnɛ kasalanyu, nɛ dia aha lo dikambo di’onto mbalomboshanyu, koko lo dikambo dia Jehowa ndo nde ekɔ kaamɛ la nyu etena kalomboshanyu.+ 7 Ɔnkɔnɛ, nyonge la wɔma wa Jehowa.+ Nyende ɔlɔlɔ kɛnɛ kasalanyu, nɛ dia le Jehowa Nzambi kaso, ndooko sambo ka wɛngɛngɛ,+ ndooko shɔnɔdi+ ndo ndooko etshimba.”+
8 Ndo la Jɛrusalɛma, Jɛhɔshafata akasɔnɛ ase Lɛwi amɔtshi la ɛlɔmbɛdi kaamɛ ndo ɛtɛ ɛmɔtshi wa mvudu ya washe ase Isariyɛlɛ dia vɔ monga toshushi dikambo dia Jehowa ndo dia sambolaka akambo wa dombo w’ase Jɛrusalɛma.+ 9 Nde akawadjangɛ ate: “Nganɛ mbahombanyu salaka lo wɔma wa Jehowa, la kɔlamelo ndo la otema ɔtɔi:* 10 Etena tshɛ kayoyaka anangɛnyu wodjashi lo esomba awɔ la dikambo dia kilombo diendana la ɔkɛdiɛlɔ wa dikila+ kana dikambo diendana la ɔlɛmbɛ ɔmɔtshi, didjango dimɔtshi, tɛdikɔ, kana dombwelo, kanyaahɛmɔlake diaha vɔ monga la onongo la ntondo ka Jehowa. Naka hanyosadi ngasɔ, kete nkɛlɛ kande kayoya le nyu ndo le anangɛnyu. Kɛsɔ mbahombanyu salaka diaha nyu monga la onongo. 11 Amariya owandji w’ɛlɔmbɛdi lele omendji anyu lo kɛnɛ kendana la dui tshɛ dia Jehowa+ nde ɔnɛ. Zebadiya ɔna Ishimaɛlɛ ekɔ ɔnɔmbɔdi wa luudu la Juda lo dui tshɛ diendana la nkumekanga. Ase Lɛwi wayonga oko topita dikambo dianyu. Nyokeketale ndo nyokambe olimu, Jehowa ayale kaamɛ la wanɛ wasala kɛnɛ kele ɔlɔlɔ.”*+