Esambo

Ngɛngu ka Davidɛ etena kakandatalawɔka ɔnande Abisalɔma.+

3 Jehowa le, lande na kaya andɔshi ami efula nganɛ?+

Lande na kandɔsha+ anto efula nganɛ?

2 Anto efula mbutaka lo dikambo diami* vate:

“Nzambi hatowoshimbɛ.”+ (Sela)*

3 Koko Jehowa le, wɛ ekɔ engawo le mi+ lo wedi akɔ tshɛ,

Lotombo lami+ ndo Ɔnɛ lanyola ɔtɛ+ ami.

4 Dimi layelɛ Jehowa la dui dia wolo,

Ko nde ayonkadimola oma lo dikona+ diande di’ekila. (Sela)

5 Dimi layetama ndo layolala djɔ;

Ko layetɔ tshɛ ki,

Nɛ dia Jehowa ekɔ lo ntetemala sukɛmi.+

6 Dimi haloke nunu akumi akumi wɔma

Wambɔlɔngama dia ndɔshami lo wedi+ akɔ tshɛ.

7 Jehowa le, onɛɛ! Nzambi kami le, onshimbee!+

Nɛ dia wɛ ayɔkɔmɔla atunyi ami tshɛ lo lowanga;

Wɛ ayongola wanyu w’akanga wa kɔlɔ.+

8 Panda kekɔ ka Jehowa.+

Ɔtshɔkɔ ayɛ wekɔ le anto ayɛ. (Sela)