Esambo
Le ɔnɔmbɔdi. Ngɛngu ka Davidɛ.
41 Ɔngɛnɔngɛnɔ le ɔnɛ tshɛ ladja mbolambola+ yimba;
Jehowa ayowotsha lo lushi la mpokoso.
2 Jehowa ayowolama ndo ayowotshika la lɔsɛnɔ.
Wayota dia nde ekɔ la ɔngɛnɔngɛnɔ la nkɛtɛ;+
3 Jehowa ayowosukɛ lo mbeto kande k’ɔkɔnyi;+
Lam’ayondonga la hemɔ, wɛ ayotshikitanya mbeto kande tshɛ lo tshɛ.
4 Nɛ dia dimi lakate nte: “Jehowa le, omboke kɛtshi.+
Ɔnkɔnɔlɛ,*+ nɛ dia dimi lakakosalɛ pɛkato.”+
5 Koko atunyi ami tɛkɛtaka kɔlɔ lo dikambo diami vate:
“Etena kakɔna kayondovɔ ndo kayoshishɔ lokombo lande?”
6 Naka ɔmɔtshi l’atei awɔ amboya ndjomenda, otema ande tɛkɛtaka la kashi tshɛ.
Nde nyangaka dui dimɔtshi dia kɔlɔ dia mbuta;
Oma laasɔ ko nde ntomba, ko dihandjola.
7 Wanɛ tshɛ wampetsha tɛkɛtaka tɔhɔtɛhɔtɛ lam’asawɔ;
Vɔ wekɔ lo mbɔtɔ sheke dia salɛmi dui dimɔtshi dia kɔlɔ vate:
8 “Dui dia kɔlɔ efula diambookomɛ;
Lam’ele nde ambɔkɔ, nde hatemala nto.”+
10 Koko wɛ Jehowa, omboke kɛtshi ndo ombetole,
Kele kambasɔmbɔya.
11 Lo dikambo nɛ kayomeya dia wɛ ngɛnangɛnakami:
Naka otunyi ami hatokoka mbida ekoko dia nde ambombidja otshumba.+
13 Jehowa Nzambi k’Isariyɛlɛ atombɔmake
Pondjo pondjo.+
Aamɛɛ ndo Aamɛɛ.