Tokedi
14 Womoto lele mɛtɛ la lomba atohikaka luudu+ lande,
Koko ɔnɛ l’enginya atolihandjolaka la anya ande hita.
2 Ɔnɛ lakɛndakɛnda lo losembwe lande mbokaka Jehowa wɔma,
Koko ɔnɛ lele la mboka y’okadi* mbɔɔnyɔlaka.
3 Lofimbɔ l’otako lekɔ lo onyɔ wa kanga enginya,
Koko ɛlɔmɔ wa akanga wa lomba wayowakokɛ.
4 Lɛnɛ ele bu ngɔmbɛ, dihole dialɛ waa nyama mongaka pudipudi,
Koko wolo wa ngɔmbɛ mbelaka dinela di’efula.
5 Ɔmɛnyi wa kɔlamelo hatota kashi,
Koko ɔmɛnyi wa kashi mbutaka kashi woho wahɛngande.+
6 Ɔsɔkanyi atoyangaka lomba ko halikondja,
Koko ewo ndjaaka esadi eto le onto lele la yimba.+
7 Angana la kanga enginya,
Nɛ dia wɛ hatotana ewo lo ɛlɔmɔ ande.+
8 Oma lo lomba, kanga kɛsɔ atoshihodiaka mboka katandatshu,
10 Otema mbeyaka ololo awɔ hita,*
Ndo ndooko onto l’oma l’andja lakoka ngɛnangɛna kaamɛ la wɔ.
11 Luudu l’akanga wa kɔlɔ layolanyema,+
Koko luudu la dipɛma la anto w’ɛlɔlɔ layolomba.
13 Kaanga etena kɔɔla onto, otema ande mbeyaka monga la kandji,
Ndo ɔngɛnɔngɛnɔ mbeyaka nkomɛ lo lɔkɔnyɔ.
14 Onto lele la otema wambonganyiyama ayona etombelo w’oma lo mboka yande,+
Koko onto ɔlɔlɔ ayona difuto di’oma lo etsha ande.+
16 Onto lele la lomba ekɔ la yewo ndo atanganaka la kɛnɛ kele kɔlɔ,
Koko kanga enginya atomalaka esadi ndo atoyaɛkɛka otamanya le nde ndamɛ.
19 Anto wa kɔlɔ wayokusama la ntondo k’onto ɔlɔlɔ,
Ndo akanga wa kɔlɔ wayokusama lo asoko w’onto ɔlɔlɔ.
21 Onto lahetsha wonyande salaka pɛkato,
Koko onto tshɛ loka ɔmɛnyi mfɔnu kɛtshi ekɔ l’ɔngɛnɔngɛnɔ.+
22 Shi wanɛ wadja sheke dia nsala kɔlɔ wayonganɛ?
Koko wanɛ wakombola dia nsala ɔlɔlɔ wayolongola ngandji ka kɔlamelo ndo kɔlamelo.+
23 Olimu tshɛ wa wolo wekɔ la wahɔ,
Koko asawo w’anyanya konyaka lo dihombo.+
24 Dɛmbɔ dia nkoso dia akanga wa lomba ele ɔngɔnyi awɔ;
Koko enginya ka akanga wa dinginya ekɔ paka enginya.+
25 Ɔmɛnyi wa mɛtɛ shimbɛka nsɛnɔ,*
Koko wa kashi kesaka woho wahɛngande.
27 Wɔma wa Jehowa wekɔ ɛtɛkɔ ka lɔsɛnɔ,
Dia minya onto oma lo tolonga ta nyɔi.
28 Leemba l’anto mbele lotombo la nkumekanga,+
Koko owandji wele bu la anto ndanyemaka.
29 Onto lahoke nkɛlɛ esadi ekɔ la shɛnɔdi+ y’efula,
Koko onto lele bu la solo dia lotutsha kɛnɛmɔlaka enginya+ kande.
32 Kanga kɔlɔ ayɔkɔshama l’ɔtɛ wa kɔlɔ kande hita,
Koko onto ɔlɔlɔ ayotana eshamelo lo olowanyi+ ande.
33 Lomba mbidjasɛka ki lo otema wa kanga yimba,+
Koko l’atei w’akanga wa dinginya, lɔ la dia ndjaeyanya.
34 Losembwe mbidiyaka wodja,+
Koko pɛkato mbishaka anto nsɔnyi.