Tokedi
23 Etena kadjasɛyɛ dia ndɛ kaamɛ la nkumekanga,
Sɛdingola la yambalo tshɛ kɛnɛ kele la ntondo kayɛ;
2 Kitsha lokuwa lo wodi ayɛ*
Naka wɛ ekɔ la nsaki k’efula ka ndɛ.*
3 Tokombolake mbo ya ndɛ yande y’amɛna,
Nɛ dia yɔ yekɔ mbo ya ndɛ ya lokeso.
4 Toyahɛnyahɛnyake dia nkondja ɔngɔnyi.+
Tshika ndo ɛnya dia wɛ ekɔ la yimba.*
5 Lam’ayoyoka washo ayɛ lɔkɔ, vɔ hawotonga nto,+
Nɛ dia ndooko onyake vɔ wayonga la ahafu oko mpongo ndo wayofumbɔ otsha l’olongo.+
6 Tɔlɛke mbo ya ndɛ ya kanga onyishi;*
Tokombolake mbo ya ndɛ yande y’amɛna,
7 Nɛ dia nde ekɔ oko onto lasala owadi.*
Nde kotɛka ate: “Lɛka ndo nɔka,” koko aha ngasɔ kalangande mbuta.*
8 Wɛ ayotowɔ yema yakayale
Ndo ayoshisha lowando layɛ.
10 Tɔsɛkɔlake olelo w’edjedja+
Ndo tɔtɔke lo ekambɔ k’ɔna etshike.
12 Ɛdiya otema ayɛ lo ohokwelo
Ndo toyi diayɛ lo ɛtɛkɛta wa ewo.
Naka wɛ mbɔkɔmɔla ɔhɛhɛla, nde hatovɔ.
15 Ɔnami, naka otema ayɛ wayonga la lomba,
Kete otema ami wayɔngɛnangɛna.+
16 Lonto lami la l’etei* layonga la ɔlɔ
Etena kayɔtɛkɛta ɛlɔmɔ ayɛ kɛnɛ kosembwe.
17 Otema ayɛ watɔkɔmiyake atshi wa pɛkato,+
Koko ongaka la wɔma wa Jehowa lushi l’otondo,+
18 Nɛ dia ngasɔ kayoyonga la nshi yayaye+
Ndo elongamelo kayɛ hatoshishɔ.
19 Ɔnami, hokamɛ ko wɛ ayonga kanga lomba,
Ndo ɛdiya otema ayɛ lo mboka kosembwe.
20 Tongake l’atei wa wanɛ wanɔ wanu efula,+
L’atei wa wanɛ wayasha efula lo deshi di’onatshi,+
21 Nɛ dia ombidjɔki wa wanu ndo kanga lɔtɔmɔ wayonga wola,+
Onyingonyingo wa djɔ wayɔlɔtsha onto emusu w’ahɔndɔ.
22 Hokamɛ shɔ lakakote,
Ndo tɔnyɔlake nyɔ paka l’ɔtɛ wayande osombe.+
24 She onto ɔlɔlɔ ayɔngɛnangɛna ndooko onyake;
Onto tshɛ lakote ɔna la lomba ayɔngɛnangɛna lo dikambo diande.
25 Shɔ la nyɔ wayɔngɛnangɛna,
Ndo womoto lakakote ayonga l’ɔlɔ.
26 Ɔnami, ombisha otema ayɛ,
Ndo washo ayɛ wangɛnangɛnake mboka yami.+
27 Nɛ dia womoto la numba ekɔ difuku di’ɔhɔngɔ,
28 Nde polamaka oko ɔpɔtwanyi;+
Nde fudiaka lofulo la apami wele bu la kɔlamelo.
29 Akɔna atohomɔka mpokoso? Akɔna atoyakiyanyaka?
Akɔna atongaka la ewanu? Akɔna atongaka la ekiyanu?
Akɔna atohomɔka mpota ohomɔhomɔ? Akɔna atelɔka* washo beela?
31 Tendake wanu woho wewɔ beela
Woho watowokundɔkundɔka lo dikɔhɔ ndo watowoholɔka dimɛna lo wodi,
32 Nɛ dia l’ekomelo vɔ numataka oko oloyi,
Vɔ tondjaka lɔlɛngɔ lele oko la tshuha.
33 Washo ayɛ wayɛna akambo waheyama ɔtɛ l’ekolo,
Ndo otema ayɛ wayɔtɛkɛta awui wa kɔlɔ.+
34 Wɛ ayonga oko onto letami l’atei wa ndjale,
Oko onto letami la shɔdi ya ekundji kasukɛ dipɛma dia masuwa.
35 Wɛ ayota wate: “Vɔ wakankɔmɔla, koko dimi komboka.*
Vɔ wakankule lodui, koko dimi kombeya.
Etena kakɔna kayomemɔ?+
Lekɔ la mposa ka nnɔ nto.”*