1 Kɔrɛtɔ

8 Lo kɛnɛ kendana la mbo ya ndɛ yakawalambola dikishi,+ sho mbeyaka dia sho tshɛ tekɔ la ewo.+ Ewo konyaka lo monga la otako, koko ngandji keketshaka.+ 2 Naka onto fɔnyaka dia nde mbeyaka dikambo dimɔtshi, nde atadieye woho wahombande dieya. 3 Ko naka onto mbokaka Nzambi ngandji, onto ɔsɔ mbeyamaka le nde.

4 Lo kɛnɛ kendana la ndɛ diangɔ diakawalambola dikishi, sho mbeyaka dia ekishi ekɔ ɛngɔ k’anyanya+ lo andja ndo ɔnɛ Nzambi ekɔ paka 1.+ 5 Nɛ dia kaanga mbele ekɔ wanɛ welamɛ ɔnɛ nzambi, oyadi l’olongo kana la nkɛtɛ,+ ekɔ mɛtɛ dia nzambi yekɔ efula ndo nkumadiɔndjɔ yekɔ efula. 6 Koko sho mbeyaka dia Nzambi+ ka mɛtɛ ekɔ 1, Shɛso,+ ɔnɛ lele diangɔ tshɛ ndja oma le nde+ ndo sho lo dikambo diande; ndo tekɔ la Nkumadiɔndjɔ 1, Yeso Kristo, ɔnɛ lele oma lo tshimbo yande mbele diangɔ tshɛ,+ ndo sho oma lo tshimbo yande.

7 Aha anto tshɛ mbele la ewo kɛsɔ.+ Koko lam’ele amɔtshi waki la diɔtɔnganelo la dikishi,+ etena kalɛwɔ ɛngɔ kɛmɔtshi ndo kakiɔsawɔ oko ɛngɔ kakawalambola dikishi, nkum’otema kawɔ ka wɔdu mongaka mindo.+ 8 Koko aha mbo ya ndɛ mbayosala dia sho monga suke la Nzambi.+ Oyadi hatole, hatotoleka monga tshɛ kɔlɔ ndo oyadi sho ndɛ,+ hatotoleka monga dimɛna. 9 Koko nyoyalamake diaha lotshungɔ lele la nyu la nsɔna ndjonga lo yoho mɔtshi otamba wa ntakanya le wanɛ wele wɔdu.+ 10 Nɛ dia naka onto ɔmɔtshi kɛna wɛ lele la ewo alɛ diangɔ lo tɛmpɛlɔ katɛmɔlawɔ dikishi, onde nkum’otema k’onto ɔsɔ lele wɔdu hatowokonya dia nde ndɛ diangɔ diakawalambola dikishi? 11 Ɔnkɔnɛ oma lo ewo kayɛ, onto lele wɔdu, ɔnanyɔ lele Kristo akavu+ dikambo diande ayolanyema. 12 Etena kasalɛnyu anangɛnyu kɔlɔ ngasɔ ndo kahomuyanyu nkum’etema+ yawɔ yele wɔdu, nyekɔ lo salɛ Kristo kɔlɔ. 13 Diakɔ diele, naka mbo ya ndɛ takanyaka ɔnalengo, kete dimi handɛki onatshi nto pondjo diaha dimi ntakanya+ ɔnalengo.