Tokedi
31 Ɛtɛkɛta wa nkumekanga Lɛmuɛlɛ, losango la wotsho lakasha nyango dia mbeetsha+ ate:
2 Kakɔna kayomokotɛ na, ɔnami,
Kakɔna na, ɔna l’oma lo dikundju diami le,
Ndo kakɔna na, ɔna la alɔkɔlɔkɔ+ ami le?
4 Lɛmuɛlɛ le, vɔ keema dikambo dia nkumi ya dikanga,
Keema dimɛna dia nkumi ya dikanga nnɔ wanu
Ndo kaanga emboledi hawokoke mbuta ɔnɛ: “Lende ele wanu ami?”+
5 Diaha vɔ nnɔ ko ndjohɛ kɛnɛ kakadjangema
Ndo ndjengesola ntshungɔ yele la tombolambola.
7 Vɔ wanɔ kele wohe wola awɔ;
Vɔ watohɔke ekakatanu awɔ nto.
8 Tɛkɛta lo wahɔ wa ɔnɛ lahakoke ntɛkɛta;
Kokɛ ntshungɔ yele la wanɛ tshɛ wayanga nshishɔ.+
א [Alef]
10 Akɔna akoka ntana wadi l’oshika?*+
Nɛmɔ diande ndeka kɔrai* la fwa.
ב [Bet]
11 Otema w’omɛnde mbɛkamaka le nde,
Ndo nde hahombe ndooko ɛngɔ ka nɛmɔ.
ג [Gimel]
12 Nde futaka omɛnde diangɔ di’ɛlɔlɔ, aha dia kɔlɔ,
Nshi tshɛ ya lɔsɛnɔ lande.
ד [Dalet]
13 Nde kondjaka eshinga wa wɛɔsa wa nyama ndo wa linɛnɛ;
Nde ngɛnangɛnaka nkamba la anya ande.+
ה [He]
14 Nde ekɔ oko masuwa wa omundji w’okanda,+
Nde mbelaka mbo ya ndɛ yande oma l’etale.
ו [Waw]
15 Nde mbetɔka nto la hiotshihotshi,
Mbishaka ase luudu lande mbo ya ndɛ
Ndo kahɛka ekambi ande wa wamato+ tema tawɔ.
ז [Zayin]
16 Nde mbidjaka yimba yande lo ekambɔ ndo kisombaka;
Nde kambaka ekambɔ ka vinyɔ oma lo olimu ande wa wolo.*
ח [Het]
ט [Tet]
18 Nde mendaka dia okanda ande monga la wahɔ;
Tala diande hadiodimala l’otsho.
י [Yod]
19 Anya ande kimɛka ɔsɛkɛ wɛlawɔ diangɔ,
Ndo anyande kimɛka ehomɔ katɛlawɔ.+
כ [Kaf]
20 Nde sembolaka lonya lande otsha le mbolambola,
Ndo nde kukolaka anyande otsha le ose wola.+
ל [Lamed]
21 Nde hayakiyanya dikambo dia ase luudu lande l’ɔtɛ wa loonge l’ekama,
Nɛ dia ase luudu lande tshɛ ndɔtshama la ahɔndɔ wahɛtshahɛtsha.*
מ [Mem]
22 Nde ndjasalɛka elangitshi.
Ahɔndɔ ande wekɔ wa linɛnɛ ndo w’eshinga w’ebelabela.
נ [Nun]
23 Omɛnde mbeyamaka dimɛna lo asoko w’osomba,+
Lɛnɛ adjasɛnde l’atei wa dikumanyi dia wodja.
ס [Samek]
24 Nde salaka ndo sondjaka ahɔndɔ wa linɛnɛ*
Ndo sondjaka amundji w’okanda eya.
ע [Ayin]
25 Nde ndɔtshama la wolo ndo la lɔnɛnɛ,
Ndo nde nongamɛka nshi yayaye la eshikikelo tshɛ.*
פ [Pe]
צ [Tsade]
27 Nde sɛdingolaka elimu w’ase luudu lande,
Ndo nde hatɔlɛka mbo ya ndɛ ya nɛndɛ.+
ק [Kof]
28 Anande memalaka ko mbeelɛka kanga ɔngɛnɔngɛnɔ;
Omɛnde memalaka ndo mbotombolaka.
ר [Resh]
29 Wamato w’eshika* wekɔ efula,
Koko wɛ mbaleka vɔ tshɛ.
ש [Shin]
30 Dimɛna mbeyaka monga lokeso ndo olangala mbeyaka monga lo tshanda ya tshitshɛ tsho,*+
Koko womoto loka Jehowa wɔma ayotombɔma.+
ת [Taw]