HƆSƐYA
1 Ɔtɛkɛta wa Jehowa wakaye le Hɔsɛya* ɔna Beeri lo nshi ya Uziya,+ Jɔtama,+ Ahaza,+ Hɛzɛkiya+ nkumi ya dikanga ya Juda,+ ndo lo nshi ya Jɛrɔbɔama+ ɔna Jɔashi+ nkumekanga k’Isariyɛlɛ. 2 Etena kakatatɛ Jehowa mbuta ɔtɛkɛta ande lo tshimbo ya Hɔsɛya, Jehowa akatɛ Hɔsɛya ate: “Tshɔka, totshuke womoto la numba* ndo nyonge la ana wa lo kinumba,* nɛ dia wodja wambotshika ndjela Jehowa+ tshɛ lo tshɛ l’ɔtɛ wa kinumba.”*
3 Ɔnkɔnɛ, nde akatshu ndo akatotshuka Ngɔmɛrɛ ɔna Dibalayima, ko nde akatshu diemi ndo akote la nde ɔna pami.
4 Ko Jehowa akawotɛ ate: “Ɔlɛɛnde Jezɛrɛlɛ,* nɛ dia keema edja dimi layokoya la luudu la Jehu+ l’ɔtɛ w’otshulwelo wa dikila dia Jezɛrɛlɛ, ndo dimi layokomiya diolelo dia luudu l’Isariyɛlɛ.+ 5 Lushi lɔsɔ, dimi layɔkɔla ota w’Isariyɛlɛ l’Okidi* wa Jezɛrɛlɛ.”
6 Nde akatshu diemi nto ndo akote ɔna womoto. Ko Nzambi akawotɛ ate: “Ɔlɛɛnde Lo-Ruhama,* nɛ dia dimi hantoka luudu l’Isariyɛlɛ kɛtshi+ nto, dikambo ndooko onyake dimi layowatshanya.+ 7 Koko dimi layoka luudu la Juda+ kɛtshi, ndo dimi Jehowa Nzambi+ kawɔ layowashimbɛ; hantowashimbɛ la ota kana la lokuwa la ta kana la ta kana la mfalasa kana la ambahemi wa mfalasa.”+
8 L’ɔkɔngɔ wa nde nkidia Lo-Ruhama diwɛlɛ, nde akatshu diemi ko akote ɔna pami. 9 Oma laasɔ, nde akate ate: “Ɔlɛɛnde Lo-Ami,* nɛ dia nyu bu anto ami ndo dimi hantonga Nzambi kanyu.
10 “Koko lofulo l’ase* Isariyɛlɛ layonga oko nsɛkɛ ya lɔkɔngɔ la lo ndjale lahakoke mbɛdikama kana mbadiema.+ Ndo lo dihole diakawawatɛ ɔnɛ: ‘Nyu keema anto ami,’+ wayowatɛ ɔnɛ: ‘Ana wa Nzambi+ kasɛna.’ 11 Ase Juda l’ase Isariyɛlɛ wayosangana kaamɛ+ ko wayoyasɔnɛ owandji, ndo wayotomba oma lo wodja, nɛ dia lushi la Jezɛrɛlɛ+ layonga lushi la woke.
2 “Nyotee anangɛnyu nyate: ‘Anto ami!’*+
Ndo akadiyɛnyu nyate: ‘Wɛ womoto lokama kɛtshi!’*+
2 Nyofunde nyangɛnyu; Nyowofunde,
Nɛ dia nde bu wadɛmi+ ndo dimi bu omɛnde.
Nde pombaka minya kinumba* kande
Ndo loseka lande lam’asa awɛlɛ ande,
3 Naka bu, dimi layowotshika otakataka ndo layowetɛ oko lushi lakandotɔ,
Lo mbeetɛ oko oswe wa shɛnga,
Lo mbeetɛ oko nkɛtɛ ya womu,
Ndo lo nsala dia nde mvɔ la mposa k’ashi.
4 Ndo dimi hantoka anande kɛtshi,
Nɛ dia vɔ wekɔ ana wa lo kinumba.*
5 Dikambo nyangɛwɔ akasale kinumba.*+
Nde laki la diemi diawɔ akasale dikambo dia nsɔnyi,+ nɛ dia nde akate ate:
‘Dimi layoyelana la wanɛ wananga+ efula,
Wanɛ wakambishaka mapa ami ndo ashi ami,
Ahɔndɔ ami wa wɛɔsa wa nyama ndo wa linɛnɛ, esɔ kami ndo dinɔnɔ diami.’
6 Ɔnkɔnɛ, dimi layodiha mboka kayɛ la lokombo l’atɛndɛ;
Ndo layowokɛ ehele k’ave,
Diaha nde mɛna mboka yande.
7 Nde ayoyela wanɛ woolanga efula, koko nde hatowanda;+
Nde ayowayanga, koko nde hatowaɛna.
Oma laasɔ, nde ayota ate: ‘Dimi layokalola le omɛmi la ntondo,+
Nɛ dia dimi laki dimɛna efula lɛkɔ oleki etena kɛnɛ.’+
8 Nde koshihodia dia dimi kakawosha ntɔngɔ,+ wanu w’eyoyo ndo esɔ,
Ndo dimi kakawosha mfɛsa lo yɛdikɔ y’efula
La paonyi yakawakambaka la yɔ dikambo dia Baala.+
9 ‘Ɔnkɔnɛ, dimi layokalola ko layɔsa ntɔngɔ yami l’etena kayɔ
La wanu ami w’eyoyo lo eleko+ kawɔ,
Ndo dimi layowɔhɔtɔla ahɔndɔ ami wa wɛɔsa wa nyama ndo wa linɛnɛ wakahombe nkomba otakataka ande.
10 L’etena kɛsɔ, dimi layotondja tenyi diande dia demba dia nsɔnyi lo washo wa wanɛ woolanga efula,
Ndo ndooko onto layowotsha oma lo lonya lami.+
11 Dimi layokomiya ɔngɛnɔngɛnɔ ande tshɛ,
Fɛtɛ+ yande, towalelo tande ta ngɔndɔ, sabato yande ndo fɛtɛ yande tshɛ ya deko.
12 Ndo dimi layolanya ɛkɔdi ande wa vinyɔ la esongo ande wa fingo wakandate ate:
“Vɔ mbele difuto diami diakambisha wanɛ wananga efula”;
Dimi layowaetɛ okonda,
Ko nyama ya l’okonda yayowalɛ.
13 Dimi layokoya la nde l’ɔtɛ wa nshi yakandalambolaka dikishi+ dia Baala elambo,
Etena kakandayalɛngaka la mpɛtɛ ndo la dɛngalɛnga ndo kakandatayelaka wanɛ woolanga efula,
Dimi kakandohɛ,’+ mbata Jehowa.
14 ‘Ɔnkɔnɛ, dimi layowetawoya,
Dimi layowɔlɔmbɔla otsha l’oswe
Ndo dimi layɔtɛkɛta dia minanda otema ande.
15 Oma ko etena kɛsɔ,+ dimi layowokaloyɛ dikambɔ diande dia vinyɔ,
Ndo Okidi* wa Akɔra+ oko soko di’otsha lo elongamelo;
Nde ayokadimola lɛkɔ oko lo nshi ya dikɛnda diande,
Oko lushi lakandatombe oma lo wodja w’Edjibito.+
16 Ndo lushi lɔsɔ,’ mbata Jehowa,
‘Wɛ ayombelɛ wate Omɛmi, ndo wɛ hatombelɛ nto wate nkumɛmi.’*
17 ‘Dimi layonya nkombo ya dikishi dia Baala oma l’onyɔ+ ande,
Ndo yɔ hayotohɔma nto lo lokombo+ layɔ.
18 Lushi lɔsɔ, dimi layodja sheke la nyama ya l’okonda+ lo dikambo diawɔ,
La tofudu ta l’olongo ndo la diangɔ diayakotola la nkɛtɛ;+
Dimi layonya ota, lokuwa la ta ndo ta+ oma lo wodja,
19 Dimi layonyɔsa oko wadi pondjo pondjo;
Ndo dimi layonyɔsa oko wadi lo sambo k’ɔlɔlɔ ndo lo losembwe,
Lo ngandji ka kɔlamelo ndo lo kɛtshi.+
20 Dimi layonyɔsa oko wadi lo kɔlamelo,
Ndo nyu mɛtɛ nyayeya Jehowa.’+
21 ‘Lushi lɔsɔ, dimi layohokamɛ,’ mbata Jehowa,
‘Dimi layohokamɛ olongo,
Ndo vɔ wayohokamɛ nkɛtɛ;+
22 Ndo nkɛtɛ kayohokamɛ ntɔngɔ, wanu w’eyoyo ndo esɔ;
23 Dimi layowonɛ lo nkɛtɛ+ oko lɔtɔngɔ dikambo diami,
Ndo ɔnɛ laki kombokama kɛtshi, dimi loyowoka kɛtshi;*
Dimi layotɛ wanɛ waki komonga anto ami* nte: “Nyu nyekɔ anto ami,”+
Ndo vɔ wayota vate: “Wɛ ekɔ Nzambi kaso.”’”+
3 Oma laasɔ, Jehowa akambutɛ ate: “Tshɔka nto, tolange womoto lalangema le pami kekina ndo lasala loseka,+ oko walanga Jehowa ase Isariyɛlɛ+ kaanga mbakadimɔwɔ otsha le tozambizambi+ tokina ndo mbalangawɔ ekate w’elowa wa vinyɔ.”*
2 Ɔnkɔnɛ, dimi lakookondja dikambo diami hita la ekenga wa mfɛsa 15 ndo yɛdikɔ ɔtɔi l’etenyi ya hɔmɛra* w’asami. 3 Ko dimi lakawotɛ nte: “Wɛ ayotshikala wadɛmi l’edja ka nshi efula. Wɛ hahombe nsala kinumba,* wɛ hahombe mbeyana la pami kekina ndo kɛsɔ mbayomosala otsha leyɛ.”*
4 Nɛ dia l’edja k’etena k’otale,* ase Isariyɛlɛ wayonga aha la nkumekanga,+ aha la owandji, aha la woshasha, aha la ekundji ndo aha la efodɛ+ kana mpingu ya terafimɛ.*+ 5 L’ɔkɔngɔ wa laasɔ, ase Isariyɛlɛ wayokalola ko wayoyanga Jehowa Nzambi+ kawɔ ndo Davidɛ nkumekanga+ kawɔ, ndo vɔ wayoya wayasake lokomba oya le Jehowa ndo oya lo ɔlɔlɔ ande lo etena k’ekomelo ka nshi.+
4 Ase Isariyɛlɛ le, nyohokame ɔtɛkɛta wa Jehowa,
Nɛ dia Jehowa ekɔ la dikambo dia nsamba l’anto wa lo wodja,+
Nɛ dia mɛtɛ ndo ngandji ka kɔlamelo kana ewo ka Nzambi bu lo wodja.+
2 Ditshibelo dia kashi,+ lokeso ndo odiakanelo+
Wovi ndo loseka+ wambokokanɛ,
Ndo ɔkɛdiɛlɔ wa dikila ndjelanaka la ɔkɛdiɛlɔ okina wa dikila.+
3 Diakɔ diele wodja wayonga l’otanda+
Ndo onto tshɛ ladjasɛ lɔkɔ ayɔndanɛ;
Nyama ya l’okonda ndo tofudu ta l’olongo,
Kaanga nse ya lo ndjale yayovɔ.
5 Ɔnkɔnɛ, wɛ ayotakana la yanyi ya tɛɛ,
Ndo omvutshi ayotakana kaamɛ la yɛ wate kana l’otsho.
Ndo dimi layɔlɛmbɔhaya* nyɔ.
6 Anto ami wayɔlɛmbɔhala,* nɛ dia ewo bu.
Lam’ele wɛ ambotona ewo,+
Dimi lawɔ layotona dia wɛ kambɛmi oko ɔlɔmbɛdi;
Ndo lam’ele wɛ akohɛ ɛlɛmbɛ* wa Nzambi+ kayɛ,
Dimi layohɛ anayɛ.
7 Lam’akawatalekaka mfula, mbakawatalekaka salɛmi pɛkato.+
Dimi layokadimola lotombo lawɔ nsɔnyi.*
8 Vɔ ndɛka pɛkato y’anto ami,
Ndo vɔ ndjashaka la lokaki tshɛ lo* munga kawɔ.
9 Kɛnɛ kayokomɛ wodja kayokomɛ ndo ɔlɔmbɛdi;
Dimi layokoya la wɔ l’ɔtɛ wa mboka yawɔ,
Ndo dimi layowafuta lo ndjela etsha+ awɔ.
10 Vɔ wayɔlɛ, koko hawotolota.+
12 Anto ami mimbolaka dikishi diawɔ di’esongo tokanyi,
Lo nsala kɛnɛ kawatɛ danga;*
Nɛ dia yimba ya kinumba* mbakonyaka dia vɔ ntakɔ mboka,
Ndo l’ɔtɛ wa kinumba* kawɔ, vɔ tonaka dia ndjakitshakitsha la ntondo ka Nzambi kawɔ.
13 Vɔ nambolaka olambo+ lo tɔsɔdi t’akona,
Ndo vɔ tutolaka edinga w’elambo lo tokonakona,
L’ɛse k’esongo wa ɔakɛ, wa stiraksɛ ndo osongo tshɛ wa woke,+
Nɛ dia alɛdi awɔ wekɔ amɛna.
Diakɔ diasala ananyu wa wamato kinumba*
Ndo mbasala wadi w’ananyu loseka.
14 Dimi hantokoya l’anayɛ wa wamato l’ɔtɛ wa kinumba* kawɔ,
Ndo la wadi w’anayɛ l’ɔtɛ wa loseka lawɔ.
Nɛ dia apami sɛnaka la wamato wa numba
Ndo nambolaka olambo kaamɛ la numba ya lo tɛmpɛlɔ;
Anto wa ngasɔ wele bu la timba+ wayolanyema.
Tanyoyake la Ngilingalɛ+ kana la Bɛtɛ-Avɛna,+
Ndo tanyotshibake nyate: ‘Lo mɛtɛ oko wele Jehowa la lɔsɛnɔ!’+
16 Nɛ dia oko ngɔmbɛ k’ɔtɛ wolo, Isariyɛlɛ aya ɔtɛ wolo.+
Onde l’etena kɛnɛ Jehowa ayowalama oko ɔsɔngɔ w’ɔkɔkɔ w’omi lo dihole dia hwe dia ndesha dongalonga?*
17 Efrayimɛ amboyasha le dikishi.+
Nyootshike!
Ndo ewandji* ande nangaka diɔnyɔ+ efula.
19 Lɔpɛpɛ layowɔmba lo ahafu alɔ,
Ndo vɔ wayoshama nsɔnyi l’ɔtɛ w’elambo awɔ.”
5 “Nyu ɛlɔmbɛdi,+ nyolonge,
Nyu luudu l’Isariyɛlɛ le, nyodje yimba,
Nyu luudu la nkumekanga le, nyohokame,
Nɛ dia kilombo mendanaka la nyu;
Dikambo nyu nyekɔ djonga le Mizipa
Ndo ɔtɛyi le Tabɔra.+
3 Dimi mbeyaka Efrayimɛ,
Ndo Isariyɛlɛ hashɛmi oma le mi.
4 Etsha awɔ hawowasha diaaso dia nkalola le Nzambi kawɔ,
Nɛ dia yimba ya kinumba* yekɔ l’atei awɔ;+
Ndo vɔ haweye Jehowa.
5 Otako w’Isariyɛlɛ wamboshikikɛ lo dikambo diande;*+
Isariyɛlɛ la Efrayimɛ wambotakana lo munga kawɔ,
Ndo Juda ambotakana kaamɛ la wɔ.+
6 Vɔ wakatshu la ɛkɔkɔ awɔ ndo la ngɔmbɛ yawɔ dia toyanga Jehowa,
Koko vɔ kokoka mbotana.
Nde akamɔ oma le wɔ.+
7 Vɔ wambokesa Jehowa,+
Nɛ dia waya ambutshi w’apami w’ana w’ase wedja.
Kakianɛ ngɔndɔ kɛmɔtshi kayowashila* vɔ la tenyi diawɔ di’okitɔ.*
8 Nyode wɔɔndjɔ+ la Ngibɛa, dimama la Rama!+
Nyode kioko ya ta la Bɛtɛ-Avɛna+ l’ɔkɔngɔ ayɛ, wɛ Bɛnjamina!
9 Efrayimɛ le, wɛ ayonga ɛngɔ ka wɔnɔnyi lo lushi la dilanya.+
Dimi lambewoya mɛtɛ kɛnɛ kayosalema l’atei wa waoho w’Isariyɛlɛ.
10 Ewandji wa la Juda wekɔ oko wanɛ wasɛkɔla olelo.+
Dimi layotshola odudu ami le wɔ oko ashi.
11 Efrayimɛ ambɔhɛnyahɛnyama, ambominɔma la kilombo,
Nɛ dia nde akayashikikɛ dia ndjela ɔndɔshi+ ande.
12 Ɔnkɔnɛ, dimi laki oko loombo le Efrayimɛ
Ndo oko ɛhɔndɛlɔ le luudu la Juda.
13 Etena kakɛnyi Efrayimɛ hemɔ kande, Juda mpota kande,
Efrayimɛ akatshu le Asuriya+ ndo akatome akɛndji le nkumekanga ka woke.
Koko nde komonga l’akoka wa kɔkɔnɔla,
Ndo kokoka nkɔnɔla mpota kayɛ.
14 Nɛ dia dimi layonga oko ɔsɔngɔ wa ntambwɛ le Efrayimɛ,
Ndo oko ntambwɛ ka wolo* le luudu la Juda.
15 Dimi layotshɔ ndo layokalola lo dihole diami polo lam’ayowodiɛnɛ la etombelo w’onongo awɔ,
Etena kayowonga lo sui, vɔ wayonyanga.+
6 “Nyoye, kele tokalole le Jehowa,
Nɛ dia nde ambotaatshatsha,+ koko nde ayotɔkɔnɔla.
Nde akatohomuya, koko nde ayɔmba mpota yaso.
2 Nde ayotosha lɔsɛnɔ nto l’ɔkɔngɔ wa nshi 2.
Lushi la 3, nde ayotetola,
Ndo sho tayɔsɛna la ntondo kande.
3 Sho tayeya, tayoyanga l’otema ɔtɔi dia mbeya Jehowa.
Otombelo ande wekɔ shikaa oko ehotwelo ka wonya;
Nde ayoya le so oko mvula ngembe,
Oko mvula ka lɔlɔla djɛsɛ katɔlɔyaka nkɛtɛ.”
4 Ahombami nsala la yɛ, wɛ Efrayimɛ?
Ahombami nsala la yɛ, wɛ Juda?
Nɛ dia ngandji kayɛ ka kɔlamelo kekɔ oko wange wa pindju,
Oko loonge latoshishɔka esadi esadi.
Ndo dombwelo diayɔhɛta le yɛ oko osase.+
6 Nɛ dia dimi ngɛnangɛnaka lo ngandji ka kɔlamelo,* aha lo olambo,
Ndo lo ewo ka Nzambi, koko aha lo elambo wa lotshumba+ w’etondo.
7 Koko vɔ wakɔnyɔla sheke,+ oko anto w’anyanya.
Vɔ wakankese lɛkɔ.
9 Olui w’ɛlɔmbɛdi wekɔ oko olui wa dengalenga waholamɛ onto.
Vɔ ndjakanaka lo mboka ka la Shɛkɛmɛ,+
Nɛ dia lɔkɛwɔ lawɔ lekɔ nsɔnyi efula.
10 Dimi lakɛnyi dui dia wɔnɔnyi efula lo luudu l’Isariyɛlɛ.
11 Ndo nto, wɛ Juda, etena ka dinela kamboshikikɛma dikambo diayɛ,
Etena kayomokaloya wodja ami+ wele lo lɔhɔmbɔ.”
7 “Etena kalangami nkɔnɔla Isariyɛlɛ,
Munga k’Efrayimɛ tɔ lawɔ kambotomba sɛkɛ,+
Ndo kɔlɔ ka Samariya.+
2 Koko vɔ hawote l’etema awɔ dia dimi layohɔ kɔlɔ+ yawɔ tshɛ.
Kakianɛ, etsha awɔ wambaadinga;
Vɔ wekɔ la ntondo k’elungi kami.
3 Vɔ ngɛnyangɛnyaka nkumekanga la kɔlɔ yawɔ,
Ndo ewandji la lokeso lawɔ.
4 Vɔ tshɛ wekɔ akanga wa loseka,
Walongola oko nkuka ka dja y’okatshi wa mapa,
Watshika ntshutshuya dja l’ɔkɔngɔ wa nde nsɔha ofushi polo ndo vɔ wamboda.
5 Lo lushi la nkumekanga kaso, ewandji wakatate hemɔ
Vɔ wakomala l’ɔtɛ wa wanu.+
Nkumekanga akasembola lonya lande otsha le asɔkanyi.
6 Nɛ dia vɔ sukanaka, wele la etema walongola oko nkuka.*
Otsho w’otondo, okatshi wa mapa ndalaka djɔ;
La pindju, nkuka pɛtaka oko loombe la dja.
7 Vɔ tshɛ wambɔhɛta oko nkuka,
Ndo vɔ ndɛka emboledi* awɔ.
8 Efrayimɛ ambɔsɔhana l’ase wedja.+
Efrayimɛ ekɔ oko okate w’obolonga wahakadimɔmi.
9 Angɛndangɛnda wambomana wolo+ ande, koko nde heye.
Ndo divo diande diaya wɛma kasaa, koko nde hɛnyi.
10 Otako w’Isariyɛlɛ wamboshikikɛ lo dikambo+ diande,
Koko vɔ kokalola oya le Jehowa Nzambi kawɔ,+
Ndo kaanga l’atei w’akambo asɔ tshɛ, vɔ komboyanga.
11 Efrayimɛ ekɔ oko enga k’enginya, kele bu l’ekanelo k’ɔlɔlɔ.*+
Vɔ wakelɛ Edjibito;+ vɔ wakatshu le Asuriya.+
12 Dihole tshɛ diatshɔwɔ, dimi layosandjola ɔtɛyi ami laadiko diawɔ.
Dimi layowakɔsha oko tofudu ta l’olongo.
Dimi layowasha dilanya lo ndjela ɔhɛmwɛlɔ wakalongola olui awɔ.+
13 Mananu le wɔ, nɛ dia vɔ wambondawɔ!
Elanyelo kayale le wɔ, nɛ dia vɔ wambonsalɛ kɔlɔ!
Dimi laki suke la mbatshungola, koko vɔ wakate kashi lo dikambo diami.+
14 Oma k’ɛse etema awɔ, vɔ kombelɛmi dia nyanga ekimanyielo,+
Kaanga mbakawatetemalaka ndela lo mbeto yawɔ.
L’ɔtɛ wa ntɔngɔ yawɔ ndo wanu awɔ w’eyoyo, vɔ wakayaatshatsha;
Vɔ wambɔntɔmbɔkwɛ.
15 Kaanga mbakamawasha dilanya ndo mbakamakeketsha anya awɔ,
Vɔ wambɔntɔmbɔkwɛ, wekɔ lo nkongɛ kɛnɛ kele kɔlɔ.
16 Vɔ wakatshikitanya mboka yawɔ, koko aha lo yoho yoleki dimɛna;*
Vɔ waki anto wahakoke mbɛkɛ otema oko ota+ wambɔtɛwɔ.
Ewandji awɔ wayɔkɔ la lokuwa la ta l’ɔtɛ wa nemi yawɔ ya kɔlɔ.
Lo dikambo sɔ, vɔ wayoshama nsɔnyi lo wodja w’Edjibito.”+
8 “Dja wɔɔndjɔ lo onyɔ ayɛ!+
Onto ɔmɔtshi ekɔ lo ndjaye oko mpongo dia ndjɔlɔsha luudu la Jehowa,+
2 Vɔ wekɔ lo mbelɛmi vate: ‘Nzambi kaso le, sho ase Isariyɛlɛ keyaka!’+
3 Isariyɛlɛ ambotona kɛnɛ kele ɔlɔlɔ.+
Otunyi awotshanya.
4 Vɔ wambɔsɔna nkumi ya dikanga, koko aha oma le mi.
Vɔ wambɔsɔna ewandji, koko dimi kombaetawɔ.
5 Samariya+ le, ekishi kayɛ ka ngɔmbɛ kambɔsɛkama.
Nkɛlɛ kami kambofula otsha le wɔ.+
Polo l’etena kakɔna kahawatokoka mɛnya dia vɔ bu la onongo?*
6 Nɛ dia tɔ ndja oma lo Isariyɛlɛ.
Otshudi kakakisale, koko aha Nzambi;
Ekishi ka ngɔmbɛ ka la Samariya kayatshatshema.
7 Nɛ dia vɔ wekɔ lo monɛ lɔpɛpɛ,
Ndo vɔ wayona ponganɛndji.+
Naka lɔmɔtshi ntomba, kete ase wodja okina* mbayolimɛna.+
8 Isariyɛlɛ ayɔmɛnama.+
Vɔ wayoyala l’atei wa wedja,+
Oko dɔnga diele bu ohomba.
9 Nɛ dia vɔ wambotshɔ otsha l’Asuriya+ oko mponda ka l’okonda k’okalema.
Efrayimɛ amboyanga waa numba.+
10 Kaanga mbaayangawɔ l’atei wa wedja,
Dimi layowatshumanya;
Vɔ wayotatɛ nsowa+ l’ɔtɛ wa wotsho wayowaɛndja nkumekanga ndo ewandji.
11 Nɛ dia Efrayimɛ ambofudia dilambwelo dia nsala pɛkato.+
Vɔ waya dilambwelo diande dia salaka pɛkato.+
13 Vɔ nambolakami weshasha ndo vɔ ndɛka onatshi,
Koko Jehowa hawangɛnangɛna.+
Wonya ɔnɛ, nde ayanga mbohɔ munga yawɔ ndo mbasha dilanya l’ɔtɛ wa pɛkato+ yawɔ.
Vɔ wakakalola* otsha l’Edjibito.+
14 Isariyɛlɛ ambohɛ Otungi+ ande ndo amboka waa tɛmpɛlɔ,+
Ndo Juda ambofudia esomba wodingami la mpele.+
Koko dimi layotoma dja lo esomba ande,
Ko yɔ yayolongoya totshoto ta lo osomba l’osomba.”+
9 “Isariyɛlɛ le,+ tokake ɔlɔ,
Aha wɛ nsala akambo la ɔngɛnɔngɛnɔ oko wedja ekina.
Nɛ dia wɛ ambotakɔ mboka ka Nzambi+ kayɛ l’ɔtɛ wa kinumba.*
Wɛ ambolanga difuto dia kinumba lo dihole tshɛ di’esuswelo ka ntɔngɔ.+
2 Koko dihole di’esuswelo ndo diamula dia wanu hadiotowalesha,
Ndo nde+ ayohomba wanu w’eyoyo.
3 Vɔ hawototetemala mbidjasɛ lo wodja wa Jehowa;+
Koko Efrayimɛ ayokalola l’Edjibito,
Ndo vɔ wayɔlɛ kɛnɛ kele mindo+ lo Asuriya.
Vɔ wekɔ oko mbo ya ndɛ y’otanda;
Wanɛ tshɛ wayilɛ wayoyadja mindo.
Nɛ dia mbo ya ndɛ yawɔ yekɔ dikambo diawɔ vɔamɛ;*
Vɔ hawotɔtɔ lo luudu la Jehowa.
5 Kakɔna kayonyosala lushi la losanganya,*
Lushi la fɛtɛ ka Jehowa?
6 Eenda, vɔ wayohomba ndawɔ l’ɔtɛ w’elanyelo.+
Edjibito ayowatshumanya,+ ndo Memifisi ayowakundɛ.+
Adiyo w’atɛndɛ wayɔsa diangɔ diawɔ dia nɛmɔ dia mfɛsa,
Ndo adungu wayonga lo mvudu yawɔ y’apɛma.
Omvutshi awɔ ayonga kanga enginya ndo ɔnɛ lata akambo wahataye ayodjɔ dadi;
Lam’ele munga kayɛ kambofulanɛ, lohetsho lambofulanɛ lo dikambo diayɛ.”
8 Djamu+ ya Efrayimɛ aki kaamɛ la Nzambi kami.+
Koko kakianɛ, mboka tshɛ y’amvutshi+ ande yekɔ oko tolonga t’omambi wa tofudu;
Lohetsho lekɔ lo luudu la Nzambi kande.
9 Vɔ wamboyatambiya tshavu lo elanyelo oko lo nshi ya Ngibɛa.+
Nde ayohɔ munga kawɔ, ko ayowasha dilanya l’ɔtɛ wa pɛkato yawɔ.+
10 “Dimi lakatane Isariyɛlɛ+ oko elowa wa vinyɔ l’oswe.
Dimi lakɛnyi watshɛwɔ oko elowa wa fingo wa ntondo l’osongo wa fingo.
Koko vɔ wakatshu le Baala ka Pɛɔrɛ;+
Vɔ wakayakimɔ le ɛngɔ ka nsɔnyi efula,*+
Ndo wakayala wɔnɔnyi oko ɛngɔ kalangawɔ.
11 Lotombo l’Efrayimɛ lambofumbɔ oko fudu;
Diwutshi diaya bu, diemi diaya bu ndo etshwelo ka diemi kaya bu.+
12 Oyadi vɔ kodiaka ana,
Dimi layowahɔtɔlawɔ polo ndooko onto layotshikala;+
Eelo, mananu le wɔ etena kayomowaoka ɔkɔngɔ!+
13 Efrayimɛ lakonɛma lo dihole dia ndesha dongalonga aki le mi oko Tura;+
Kakianɛ Efrayimɛ pombaka ntondja anande le ondjakanyi.”
14 Jehowa le, owasha kɛnɛ kahombayɛ mbasha;
Etema watondja waemi ndo awɛlɛ wele bu l’ashi.*
15 “Kɔlɔ yawɔ tshɛ yakasalema la Ngilingalɛ,+ nɛ dia dimi lakaahetsha lɛkɔ.
Dimi layowatshanya oma lo luudu lami l’ɔtɛ w’etsha+ awɔ wa kɔlɔ.
Dimi hantowaoka ngandji nto;+
Ewandji awɔ tshɛ wekɔ ɛtɛ wolo.
16 Efrayimɛ ayɔkɔtama+ oko osongo.
Edio awɔ wayoma, ko vɔ hawotɔtɔ ndooko olowa.
Kaanga vɔ kootaka ana, dimi layodiaka anawɔ wa ngandji.”
10 “Isariyɛlɛ ekɔ ɔkɔdi wa vinyɔ wasandjɔnɛ* watɔsha elowa+ awɔ.
Lo yɛdikɔ yafulanɛ elowa ande, mbafudiande dilambwelo+ diande;
Lo yɛdikɔ yangɔnya wodja ande diangɔ di’amɛna, mbaleka dimɛta+ diande dia l’ave monga elangala.
2 Vɔ wekɔ akanga wa dungi pende;*
Wonya ɔnɛ vɔ wayanga ntanema la onongo.
Onto ɔmɔtshi ekɔ layohandjola dilambwelo diawɔ ndo layolanya dimɛta diawɔ dia l’ave.
3 Vɔ wayanga mbuta vate: ‘Sho bu la nkumekanga,+ nɛ dia sho komboka Jehowa wɔma.
Ndo kakɔna kakoka nkumekanga tosalɛ?’
4 Vɔ tondjaka ɛtɛkɛta w’anyanya, tshibaka lo kashi+ ndo mbidjaka toseke;
Ɔnkɔnɛ, kilombo kasalema kekɔ oko adiyo wa lɔlɛngɔ lo emunda wa l’ekambɔ.+
5 Wanɛ wadjasɛ la Samariya wayoka ekishi ka ngɔmbɛ ka Bɛtɛ-Avɛna+ wɔma.
Anto atɔ wayosala otanda lo dikambo diatɔ,
Oko wayosala amvutshi wa jambizambi y’angɛndangɛnda wangɛnangɛna l’ɔtɛ atɔ ndo l’ɔtɛ wa lotombo la tɔ,
Nɛ dia tɔ kayomɔ oma le wɔ otsha lo lɔhɔmbɔ.
6 Tɔ kayɔtɔlama l’Asuriya oko woshasha le nkumekanga+ ka woke.
Efrayimɛ ayoshama nsɔnyi,
Ndo Isariyɛlɛ ayoshama nsɔnyi l’ɔtɛ wakandayele+ dako diatɔ.
7 Samariya la nkumekanga katɔ wayoshishɔ ndooko onyake,*+
Oko tshenyi ya shongo yatakɛlɛ laadiko di’ashi.
8 Ahole wa la diko wa la Bɛtɛ-Avɛna,+ pɛkato k’Isariyɛlɛ,+ wayolanyema.+
Atɛndɛ ndo ahangola nkɔi wayotomba lo dilambwelo+ diawɔ.
Anto wayotɛ akona vate: ‘Nyotofe!’
Ndo tokonakona vate: ‘Nyotokongotwe!’+
9 Isariyɛlɛ le, wɛ akasale pɛkato+ oma ko nshi ya Ngibɛa.
Lɛkɔ mbakawalanyema.
Ta kokoma* le ana w’anto wa kɔlɔ la Ngibɛa.
10 Ndo nto, dimi layowasha dilanya etena kalangami.
Ndo wedja wayosangana dia mbalɔsha,
Lam’ayokelekama munga yawɔ 2 le wɔ.*
11 Efrayimɛ aki ɔsɔngɔ wa ngɔmbɛ ka wadi waketshama wakalangaka nsusola,
Ɔnkɔnɛ, dimi lakakokɛ nkingo kande k’olangala.
Kakianɛ, dimi layosala di’onto ɔmɔtshi nkɛndjakɛndja* Efrayimɛ.+
Juda ayofusa; Jakɔbɔ ayowɔlɔngɔsɔlɛ nkɛtɛ.
12 Nyoyaonee woho lo losembwe kele kanyone ngandji ka kɔlamelo.
Nyoyafusee nkɛtɛ+ ya dimɛna
Lam’eke etena ka nyanga Jehowa,+
Polo lam’ayondoya ndjonyetsha lo losembwe.+
13 Koko nyu nyakafuse kɔlɔ,
Nyu nyakane kɔlɔ,+
Ndo nyambɔlɛ elowa wa lokeso;
Nɛ dia wɛ amboyaɛkɛ lo mboka kayɛ hita,
Lo efula k’andɔshi ayɛ wa ta.
14 Lofunguso layotomba dikambo di’anto ayɛ,
Ndo esomba ayɛ wodingami la mpele wayolanyema,+
Oko elanyelo k’oma le Shalamana ka lo luudu la Arɛbɛlɛ,
Lushi la ta, etena kakaatshatshema ambutshi wa wamato lale anawɔ.
15 Bɛtɛlɛ le,+ kɛsɔ mbayowokosalɛ l’ɔtɛ wa kɔlɔ kayɛ k’efula.
La pindju, nkumekanga k’Isariyɛlɛ ayonyɛma.”*+
3 Koko dimi kaketsha Efrayimɛ woho wa nkɛndakɛnda,+ lakawaɛmbaka lo anya+ ami;
Ndo vɔ kombetawɔ dia dimi kakaakɔnɔla.
4 La ɛkɔdi w’anto* kakamatetemala mbakotola, la eshinga wa ngandji;+
Dimi laki le wɔ oko onto lanya osembe oma lo manga yawɔ,
Ndo la ngandji tshɛ, dimi lakasha onto l’onto mbo ya ndɛ.
5 Vɔ hawotokalola lo wodja w’Edjibito, koko Asuriya ayonga nkumekanga+ kawɔ,
Nɛ dia vɔ wakatone nkalola oya le mi.+
6 Ndo lokuwa la ta layɔlɔsha esomba+ ande
Layolanya tokengete tande ndo layowalanya l’ɔtɛ w’awui wa kɔlɔ wakongɛwɔ.+
7 Anto ami wambotshininala dia nshisha kɔlamelo le mi.+
Kaanga mbakawawaelɛ la diko,* ndooko onto lakonɛɛ.
8 Efrayimɛ le, ngande wakokami kotshika?+
Isariyɛlɛ le, ngande wakokami kokimɔ?
Ngande wakokami kosalɛ akambo oko Adɛma?
Ngande wakokami ketɛ oko Zebɔyima?+
9 Dimi hantɛnya nkɛlɛ kami kalombalomba.
Dimi hantolanya Efrayimɛ nto,+
Nɛ dia dimi lekɔ Nzambi, aha onto,
L’Ekila l’atei anyu;
Ndo dimi hantoya nto le nyu la odudu.
10 Vɔ wayoyela Jehowa, ndo nde ayodikita oko ntambwɛ;+
Etena kadikitande, anande wayoya wayasake lokomba oma lo owɛstɛ.+
11 Vɔ wayosaka lokomba oko fudu etena kayowotomba oma l’Edjibito,
Oko fudu k’enga oma lo wodja w’Asuriya;+
Ndo dimi layowadjashiya lo mvudu yawɔ,” mbata Jehowa.+
12 “Efrayimɛ ambonyinga la kashi,
Ndo luudu l’Isariyɛlɛ la lokeso.+
12 “Efrayimɛ ekɔ lo ndeshama lo lɔpɛpɛ.
Nde ekɔ lo mbitshana la lɔpɛpɛ l’oma lo ɛstɛ lushi l’otondo.
Nde ambofudia kashi ndo awui wa ngala.
Vɔ wambodja sheke la Asuriya+ ndo wambɔtɔla esɔ otsha l’Edjibito.+
2 Jehowa ekɔ la kilombo la Juda;+
Nde ayokoya la Jakɔbɔ lo ndjela mboka yande,
Ndo nde ayowofuta lo ndjela etsha+ ande.
4 Nde akatetemala ndɔshana la ondjelo ko akalɛndja.
Nde akalele ndo akasɛngasɛnga dia mbokama kɛtshi.”+
6 “Ɔnkɔnɛ, kalola le Nzambi+ kayɛ,
Lama ngandji ka kɔlamelo ndo losembwe,+
Ndo longamɛka nshi tshɛ le Nzambi kayɛ.
Ndo lo olimu ami tshɛ wa wolo, vɔ hawototana ndooko dui dia kɔlɔ kana pɛkato.’
9 Koko oma ko* wodja w’Edjibito,+ dimi kele Jehowa Nzambi kayɛ.
Dimi layokodjashiya nto lo mvudu y’apɛma
Oko lo nshi y’etena kakashikikɛma.*
10 Dimi lakatɛkɛta l’amvutshi,+
Dimi lakafudia waɛnɛlɔ awɔ,
Ndo dimi lakatɛkɛta l’amvutshi lo tshimbo ya wɛɛla.
11 Le Ngiliyadɛ mbaki lokeso*+ ndo kashi.
La Ngilingalɛ mbakawalambola ngɔmbɛ,+
Ndo dilambwelo diawɔ diekɔ oko tota di’ave lo emunda wa l’ekambɔ.+
12 Jakɔbɔ akalawɔ otsha l’ɛtshi ka nkɛtɛ* ka Arama;*+
Isariyɛlɛ+ akakambe olimu lɛkɔ l’ɔtɛ wa wadi,+
Ndo nde akalamaka ɛkɔkɔ+ l’ɔtɛ wa wadi.
13 Jehowa akatondja Isariyɛlɛ oma l’Edjibito+ lo tshimbo y’omvutshi,
Ndo nde akalamemaka+ lo tshimbo y’omvutshi.
14 Efrayimɛ akasale kɔlɔ+ ya weke;
Onongo ande wa dikila wekɔ le nde;
Nkumɛnde ayowofuta l’ɔtɛ wa diɔnyɔ+ diande.”
13 “Etena kakatɛkɛtaka Efrayimɛ, anto wakasakaka lokomba;
Nde aki la lokumu lo Isariyɛlɛ.+
Koko nde akayonga la onongo lo dikambo dia Baala+ ko akavu.
2 Kakianɛ, vɔ wambofudia pɛkato kawɔ
Ndo la mfɛsa+ yawɔ, vɔ salaka mpingu ya la mbolo;
La diewo tshɛ, vɔ salaka dikishi, olimu tshɛ w’etshudi.
Vɔ ditɛka ɔnɛ: ‘Anto walambola elambo, washa dikishi dia ngɔmbɛ+ bizɛ.’
3 Diakɔ diayowonga oko wange wa pindju,
Oko lɔpɔpɔ latoshishɔka la pindju ka pɛɛ,
Oko fufudi yɛmbama la lɔpɛpɛ la wolo oma lo dihole di’esuswelo,
Ndo oko edinga watomba lo wosho wa nsambe ka luudu.
4 Koko oma ko* wodja w’Edjibito,+ dimi kele Jehowa Nzambi kayɛ;
Wɛ kombeya ndooko Nzambi laadiko diami,
Ndo ndooko oshimbedi+ okina laadiko diami.
5 Dimi lakakeye lo oswe wa shɛnga,+ lo nkɛtɛ ya nshi y’ɔwɔ.
6 Vɔ wakalotshama la efula ka mbo ya ndɛ yawɔ,+
Vɔ wakalote, ko wakayonga la otako lo etema awɔ.
Ɔnkɔnɛ vɔ wakambohɛ.+
7 Dimi layonga le wɔ+ oko ɔsɔngɔ wa ntambwɛ,
Oko nkɔi koholami lo mboka.
8 Dimi layoya le wɔ oko laondo lamboshisha analɔ,
Ndo dimi layatshatsha ntolo yawɔ.*
Dimi layowalɛ oko ntambwɛ;
Nyama ka ngala ka l’okonda kayowatshatsha bɛtshi bɛtshi.
9 Isariyɛlɛ le, dimi layokolanya,
Nɛ dia wɛ akalɔshana la mi, akalɔshana la okimanyedi ayɛ.
10 Ko lende ele nkumekanga kayɛ, dia nde koshimbɛ lo esomba+ ayɛ tshɛ,
Ndo emboledi* ayɛ wakayate wate:
‘Ombisha nkumekanga ndo ewandji’?+
12 Munga kaki Efrayimɛ kambokombama,*
Pɛkato kande kambombama.
13 Lɔɔnɔ layoya le nde.
Koko nde ekɔ ɔna lele bu la lomba;
Nde hayatondja lam’akoka etena ka mbotɔ.
Nyɔi le, lende ele waanga ayɛ?+
Diombo+ le, lende ele elanyelo kayɛ?
Kɛtshi kayoshɛma lo washo ami.
15 Kaanga nde ayɔngɔna l’atei w’asɔpɔ,
Lɔpɛpɛ l’oma lo ɛstɛ layoya, lɔpɛpɛ la Jehowa,
Lɔ layoya oma l’oswe dia ndjoonya ɛtɛkɔ kande ndo ɔkɛdi ande.
Onto ɔmɔtshi ayomba diangɔ+ diande tshɛ dia nɛmɔ.
16 Samariya ayonga la onongo,+ nɛ dia nde akatɔmbɔkwɛ Nzambi+ kande.
Vɔ wayɔlɛndjama+ la lokuwa la ta,
Anawɔ wayatshatshema bɛtshi bɛtshi,
Ndo akundju wa wamato awɔ wele la waemi wayatema.”
14 “Isariyɛlɛ le, kalola le Jehowa Nzambi+ kayɛ,
Nɛ dia wɛ akatakana l’ɔtɛ wa munga kayɛ.
2 Nyokalole le Jehowa la ɛtɛkɛta ɛnɛ,
Nyowote nyate: ‘Otodimanyiya munga+ kaso ndo etawɔ kɛnɛ kele ɔlɔlɔ,
Ko sho tayolambola lotombo l’oma l’ɛlɔmɔ+ aso oko wototolambola ɛsɔngɔ wa ngɔmbɛ.*
3 Asuriya hotoshimbɛ.+
Sho hatotahema lo mfalasa,+
Ndo sho hatototɛ elimu w’anyaso nto shate: “Wɛ Nzambi kaso!”
Nɛ dia oma le yɛ kokama ɔna etshike kɛtshi.’+
4 Dimi layowakɔnɔla ko vɔ hawotoshisha kɔlamelo nto.+
5 Dimi layonga oko lɔpɔpɔ le Isariyɛlɛ;
Nde ayofukanɛ oko dɛmbɔlɛmbɔ
Ndo ayɔnyɔngɔmiya edio ande oko esongo wa la Lɛbanɔna.
6 Amɔnga ande wayosandjɔnɛ,
Dimɛna diande diayonga oko dia osongo w’ɔlivɛ,
Ndo opumu ande oko w’osongo wa la Lɛbanɔna.
7 Vɔ wayodjasɛ nto lo dɛdi diande.
Vɔ wayotondja ntɔngɔ nto ndo wayɔmɔnga oko ɔkɔdi wa vinyɔ.+
Lokumu* lande layonga oko ɔkɔdi wa vinyɔ wa la Lɛbanɔna.
8 Efrayimɛ ayota ate: ‘Kakɔna kayomosala la dikishi+ nto?’
Dimi layowokadimola ndo layowolamaka.+
Dimi layonga oko osongo wa dihake wafukanɛ.
Le mi kayotanema olowa ayɛ.”
9 Akɔna ele la lomba? Nde ashihodia akambo asɔ.
Akɔna ele la kɛsɔ? Nde awaeye.
Nɛ dia mboka ya Jehowa yekɔ esembɔki,+
Ndo anto w’ɛlɔlɔ wayɔkɛndakɛndaka lɔkɔ;
Koko atshi wa kɔlɔ wayotakanaka lɔkɔ.
Lokombo la Hɔshaya lo hiembola, lalembetshiya “Shimbamɛ oma le Jah; Jah amboshimbɛ.”
Kana “lasala awui wa mindo; loseka mfɔ ka mfɔ.”
Kana “awui wa mindo; loseka mfɔ ka mfɔ.”
Kana “awui wa mindo; loseka mfɔ ka mfɔ.”
Kitshimudi ate: “Nzambi ayonɛ woho.”
Kana “Okidi w’Ebamubamu.”
Kitshimudi ate: “Hokama kɛtshi.”
Kitshimudi ate: “Bu anto ami.”
Tshɛk., “ana w’apami.”
Enda nɔtɛ kele lo Hɔs 1:9 ftn.
Enda nɔtɛ kele lo Hɔs 1:6 ftn.
Kana “awui wa mindo; loseka mfɔ ka mfɔ.”
Kana “awui wa mindo; loseka mfɔ ka mfɔ.”
Kana “awui wa mindo; (loseka mfɔ ka mfɔ).”
Kana “Okidi w’Ebamubamu.”
Kana “Baala kami.”
Kana “layetawɔ dia vɔ nsɛna.”
Kitshimudi ate: “Nzambi ayonɛ woho.”
Enda nɔtɛ kele lo Hɔs 1:6 ftn.
Enda nɔtɛ kele lo Hɔs 1:9 ftn.
Mbuta ate wakakambaka la wɔ lo ɔtɛmwɛlɔ wa kashi.
Hɔmɛra 1 ekɔ la litrɛ 220. Enda Ap. B14.
Kana “awui wa mindo; (loseka mfɔ ka mfɔ).”
Kana “Dimi hanteyana la yɛ.”
Tshɛk., “nshi efula.”
Kana “dikishi; nzambi ya lo nkumbo.”
Kana “layolanya.”
Kana “wayolanyema.”
Kana “wetshelo.”
Kana ondo “Vɔ wakengola lotombo lami hita la nsɔnyi.”
Kana “mbɛdiyaka anima awɔ lo.” Enda Elembetshielo, “Anima.”
Kana “wayonga atshi w’awui wa mindo wa dieyanelo lo yoho y’efula; wayoyasha lo kinumba.”
Kana “Awui wa mindo; Loseka mfɔ ka mfɔ.”
Tshɛk., “Wambonya otema.”
Kana “danga di’osadi wa diendja.”
Kana “awui wa mindo; loseka mfɔ ka mfɔ.”
Kana “awui wa mindo; loseka mfɔ ka mfɔ.”
Kana “awui wa mindo; loseka mfɔ ka mfɔ.”
Kana “awui wa mindo; loseka mfɔ ka mfɔ.”
Kana “awui wa mindo; loseka mfɔ ka mfɔ.”
Tshɛk., “dihole dia woke?”
Kana “wanu w’eponga.”
Kana “mongaka atshi w’awui wa mindo lo yoho y’efula; ndjashaka lo kinumba.”
Tshɛk., “dingawo.”
Kana “atɔmbɔki.”
Kana “wamboyasha tshɛ.”
Kana “dimi layowasha dilanya.”
Kana “ambosala awui wa mindo wa dieyanelo; amboyasha lo kinumba.”
Kana “awui wa mindo; loseka mfɔ ka mfɔ.”
Tshɛk., “lo elungi kande.”
Kana ondo “Vɔ wayɔlɛma l’edja ka ngɔndɔ ɔtɔi.”
Kana “dikambɔ.”
Kana “ɔsɔngɔ wa ntambwɛ wele l’alɛfulɛfu.”
Tshɛk., “elungi.”
Kana “lo kɛtshi.”
Kana ondo “Nɛ dia etema awɔ wekɔ oko nkuka etena kasukanawɔ la lokeso.”
Tshɛk., “toshushi.”
Tshɛk., “kaha la otema.”
Mbuta ate aha lo yoho y’ɔtɛmwɛlɔ yambodiyama.
Kana “nyekɔ pudipudi?”
Kana “yemadi.”
Kana “angɛndangɛnda.”
Kana “wetshelo.”
Kana ondo “Vɔ wayokalola.”
Kana “awui wa mindo; loseka mfɔ ka mfɔ.”
Kana “dikambo di’anima awɔ hita.”
Kana “fɛtɛ kanyu kakashikikɛma.”
Kana “jambizambi ya nsɔnyi efula.”
Kana “wa tomoma.”
Kana ondo “wakokanɛ.”
Kana “Etema awɔ wekɔ lokeso; ɔsɛlɔ.”
Tshɛk., “wayɔlɛmbɔhala.”
Kana “kondjaka tshɛ lo tshɛ.”
Mbuta ate etena kayowolongola dilanya diawɔ oko losembwe.
Kana “mbidja ɔkɔdi lo.”
Tshɛk., “ayɔlɛmbɔhayama.”
Mbuta ate amvutshi ndo anto akina wakatomama dia tetsha ase Isariyɛlɛ.
Kana “ɛkɔdi wa kɛtshi,” oko wa ombutshi.
Mbuta ate otsha lo yoho y’ɔtɛmwɛlɔ yambodiyama.
Tshɛk., “kambɔhɛtahɛta.”
Kana “nkɛndakɛnda.”
Kana “kele lokombo lohɔmande.”
Kana “omundji w’okanda.”
Kana “ntatɛ lo.”
Kana ondo “fɛtɛ.”
Kana “kɛnɛ kele ehekesa; kɛnɛ kahamanema mfundo.”
Tshɛk., “ekambɔ.”
Kana “Suriya.”
Kana “ntatɛ lo.”
Tshɛk., “okombɔ wa doyi diawɔ.”
Tshɛk., “toshushi.”
Kana “kambolamema.”
Kana “Sheɔlɛ,” mbuta ate odimu a pɛngando. Enda Elembetshielo.
Tshɛk., “nambola ɛsɔngɔ wa ngɔmbɛ w’oma l’ɛlɔmɔ aso.”
Tshɛk., “Eohwelo.”