DIMBOLA 6
Kakɔna kakatatshi Bible lo kɛnɛ kendana la Mɛsiya?
PRƆFƐSIYA
“Wɛ Bɛtɛlɛhɛma Efarata le, . . . oma le yɛ kayotomba ɔnɛ layonga omboledi lo Isariyɛlɛ.”
OKOTSHAMELO
“L’ɔkɔngɔ wa Yeso mbotɔ la Bɛtɛlɛhɛma ka la Judeya lo nshi ya nkumekanga Hɛrɔdɛ, nyolonge, ambeyi w’akambo wa tɔɔtɔ w’oma lo Ɛstɛ wakaye la Jɛrusalɛma.”
PRƆFƐSIYA
“Vɔ wambokahana ahɔndɔ ami lam’asawɔ, ndo vɔ wamboka owale dia mbɔsa dihɔndɔ diami.”
OKOTSHAMELO
“Lam’akakɔkɔla asɔlayi Yeso nsɛti l’otamba, vɔ wakɔshi ahɔndɔ ande wa laadiko ko wakakahanya lo elui 4 . . . Koko dihɔndɔ dia l’ɛse komonga la ɔtɛlɛlɔ, diɔ diaki la nsɔsɔ oma la diko polo l’ɛse. Ko vɔ wakatanɛ lam’asawɔ vate: ‘Tatodiatake, nyɛsɔ toke owale dia mbeya onto layodiɔsa.’”
PRƆFƐSIYA
“Nde namaka weka ande tshɛ; ndooko kaanga ɔtɔi wakɔɔkɔ.”
OKOTSHAMELO
“Lam’akawaye le Yeso, vɔ wakɛnyi dia nde akashidi mvɔ, ko vɔ kombɔɔkɔla ekolo.”
PRƆFƐSIYA
“Nde akongɔma dikɔnga l’ɔtɛ wa kɔlɔ yaso.”
OKOTSHAMELO
“Ɔsɔlayi ɔmɔtshi akawoke dikɔnga ndo akootondola lohandju, ko mbala kakɔ ɔtɔi dikila la ashi wakatombe.”
PRƆFƐSIYA
“Vɔ wakamfute ekenga 30 wa mfɛsa.”
OKOTSHAMELO
“Oma laasɔ, ɔtɔi ɔmɔtshi wa l’atei w’apɔstɔlɔ 12, ɔnɛ lakawelɛka Judasɛ Iskariyɔtɛ, akatshu le ewandji w’ɛlɔmbɛdi ko akawambola ate: ‘Kakɔna kayonyombisha dia dimi mbokimɔ l’anya anyu?’ Vɔ wakate dia mbosha ekenga wa mfɛsa 30.”