Diewoyelo le ambutshi

Naa woshasha woleki dimɛna wakokanyu mbisha ananyu? Vɔ wekɔ l’ohomba wa diangɔ efula, mbidja ndo ngandji, ɛlɔmbwɛlɔ ndo ekokelo kanyu. Koko, woshasha woleki ohomba wakokanyu mbasha ele ewo kaki Jehowa ndo k’akambo wa mɛtɛ watanema lo Ɔtɛkɛta ande Bible. (Joani 17:3) Ewo kɛsɔ koka nkimanyiya ananyu dia vɔ mfudia ngandji kokawɔ Jehowa ndo mbokambɛ l’etema awɔ tshɛ oma ko tɔkɛndakɛnda tawɔ.—Mateo 21:16.

Ambutshi efula wamboshola dia ana w’akɛnda ndekaka ngɛnangɛna wekelo wa tomondo wahɔshi wenya efula. Diakɔ diele, tekɔ l’ɔngɛnɔngɛnɔ dia ntondja biukubuku nyɛ yele l’ɔtɛ a dui ɔnɛ: Wetshelo wakondjami oma lo Bible. Wekelo la wekelo wakalɔngɔsɔma dia mbetsha ana lo yoho ya wɔdu. Asango ndo efundelo wa lɔkɔ wakalɔngɔsɔma djekoleko dikambo dia ana wele l’ɛnɔnyi esato kana l’ɛse. Lɔkɔ vɔ mɛnya ndo kɛnɛ kakoka ambutshi l’ana nsala. Biukubuku Wetshelo wakondjami oma lo Bible bu ɛngɔ ka ana nkɛnya la tɔ. Koko, yɔ yakalɔngɔsɔma dia nyu mbadiaka kaamɛ la ananyu l’oyango wa nyu ndeka nsawola la wɔ dimɛna.

Tekɔ l’eshikikelo dia biukubuku nyɛ yayonyokimanyiya dia mbetsha ananyu akambo wa mɛtɛ wa lo Bible ‘oma ko tɔkɛndakɛnda tawɔ.’—2 Timɔte 3:14, 15.

Anangɛnyu,

Olui-walɔmbɔla w’Ɛmɛnyi wa Jehowa