Diɔ diakakawoya mpɛtɛ lo mpita yawɔ

“OHENDA mpita yami. Wɛ hɛnyi dia yangɔ mɔtshi yaya bu lɔkɔ?” Pami kɛmɔtshi akalɛkɛ Ɔmɛnyi wa Jehowa ɔmɔtshi wa womoto lonya, womoto ɔsɔ akaliende ko akɛnyi esadi eto ɔnɛ mpɛtɛ kande ka diwala kaya bu. Pami kɛsɔ akawotɛ ɔnɛ nde la wadiɛnde hawoyokana dimɛna, ɔnkɔnɛ vɔ wakɔshi tɛdikɔ dia paka ndjaka diwala. Ɔmɛnyi wa Jehowa akawotɛ ate: “Aha ngasɔ! Ɔsa dibuku nɛ, adiadɔ. Diɔ diayonyokimanyiya lo diwala dianyu.” Ko nde akawosha dibuku Ewo Katɔla Otsha lo Lɔsɛnɔ la Pondjo.a

L’ɔkɔngɔ wa nshi mɔtshi, pami kɛsɔ akakalola oya le Ɔmɛnyi wa Jehowa ɔsɔ l’ɔngɛnɔngɛnɔ w’efula. Nde akawɛnya lonya lande. Mbala kɛsɔ, nde akalɔtɛ mpɛtɛ kande ka diwala. Nde akawotɛ ɔnɛ nde la wadiɛnde wakadia dibuku Ewo ndo wakayotatɛ monga l’ɔngɛnɔngɛnɔ efula tatɛ oma k’etena kɛsɔ. Dibuku sɔ diakakawoya mpɛtɛ lo mpita yawɔ lo mɛtɛ mɛtɛ.

Alako wa lo Bible kokaka kimanyiya wadi l’omi di’onto l’onto mboka onyande ngandji ka shikaa, nɛ dia Otungi wakiso mbele kiɔkɔ ya Bible, ndo nde ekɔ lo mbuta ate: ‘Dimi Jehowa, lekɔ Nzambi kayɛ, Ɔnɛ lakolakanya lo wahɔ ayɛ wɛmɛ, Ɔnɛ lakɔkɛndjakɛndja lo mboka kahombayɛ kɛndakɛnda.’​—Isaya 48:17.

[Nɔtɛ ka l’ɛse ka dikatshi]