Dikambo diahayahombe pandja

‘Woshasha tshɛ w’ɔlɔlɔ ndo wa kokele’ ndja oma le Nzambi, Shɛso lele l’olongo.​—Jakoba 1:17.

WOSHASHA woleki woke tshɛ wakasha Nzambi ana w’anto ele yɛdikɔ yakandɔshi oma lo tshimbo y’Ɔnande ɛtɔi lakandote, Yeso Kristo, dia mbatshungola oma lo pɛkato. Diɛsɛ oma lo nyɔi kakavu Yeso, Otshungodi aso mbele anto l’elongamelo ka kondja lɔsɛnɔ la pondjo lo paradiso ka la nkɛtɛ. Diakɔ diatodjangɛwɔ lo Luka 22:19, dia sho mbohɔka nyɔi kande.

Ɛmɛnyi wa Jehowa wambokelɛ l’ɔngɛnɔngɛnɔ tshɛ dia wɛ ndjokitanyiya kâmɛ la wɔ didjango sɔ diaki Yeso. Eohwelo kɛsɔ kasalema mbala ɔtɔi l’ɔnɔnyi, kayosalema mbala kɛnɛ Lushi la Lomingu, Ngɔndɔ ka Nɛi 8, 2001, l’ɔkɔngɔ wa ɛɔtwɛlɔ ka wonya nɛ dia datɛ nɛ mbɔtɔnganɛka la Ngɔndɔ ka Nisana 14 lo ndjela alamanaka wa lo Bible wa ngɔndɔ ya lowalɛ. Funda datɛ ndo di’aha wɛ ndjodiohɛ. Ɛmɛnyi wa Jehowa wa lo ngelo kanyu wayokolembetshiya dihole ndo wonya shikaa wayosalema losanganya lɔsɔ.