Annuaire: Ɛtɛkɔ k’Ekeketshelo k’Ohomba
1 Ekambi wa Nzambi keketshamaka nshi tshɛ lam’eyawɔ alapɔlɔ la akambo washa ekeketshelo w’endana l’elimu wa diambo wa Jehowa. (Jobo 38:4, 7; Tok. 25:25; Luka 7:22; Etsha 15:31) Lo woho ɔsɔ, Annuaire des Témoins de Jéhovah ekɔ ɛtɛkɔ k’ekeketshelo k’ohomba.
2 Oseka Annuaire tshɛ mbishaka alapɔlɔ w’ekeketshelo, alapɔlɔ w’endana l’elimu w’Ɛmɛnyi wa Jehowa l’andja w’otondo. Ɛkɔndɔ w’akambo w’eta l’esambishelo keketshaka mbetawɔ ndo mɛnyaka ɔnɛ Jehowa nɔmbɔlaka, namaka ndo tshɔkɔlaka anto ande. Annuaire tɛkɛtaka akambo w’apami la amato w’etema weolo wakatshike nkumbo yawɔ, angɛnyi awɔ la wedja awɔ l’ɔkɔkɔ w’ɔnɛ kele mɛtɛ y’oma lo Bible yewoyame le anto wodjashi lo wedja tshɛ ndo l’asɛnga efula.
3 Anto efula wakâle Annuaire wakatshutshuyama dia vɔ nyomoleka kambɛ Nzambi olimu lo yɛdikɔ ya woke efula. Omoto ɔmɔtshi akafunde ate: “Dimi lakalangaka mbâla esadi esadi. Kɛnɛ kamomâla polo kakianɛ kambokeketsha efula. Lam’ɛnami kɛnɛ kasala akina l’atei wa paa ya wolo, dimɛ mbutaka dia dimi kokaka nyomokamba efula l’esambishelo ka lokumu l’ɔlɔlɔ.”
4 Tamba 1927, ɔnɔnyi tshɛ Annuaire des Témoins de Jéhovah ndjâlaka ɛtɛkɔ k’alapɔlɔ w’ohomba ndo k’ɛkɔndɔ w’akambo wahohamɛki pondjo wasalema l’esambishelo. Onde sho kondjaka ɛlɔlɔ tshɛ watomba oma lo kiɔkɔ y’ekeketshelo shɔ oka? Dia sho sala ɔsɔku, tâle Annuaire kâma a longolaso. L’ɔkɔngɔ diko, l’edja k’ɔnɔnyi w’otondo, têndake totenyi tɔmɔtshi tatokeketsha, sho la nkumbo kaso.