“Kakiane eko etena k’ololo”

¹ Onde wɛ atôkaka ɔlɔ w’efula watongaka lam’ɛnaso esase w’amɛna wayatshikitana lam’ayatombe onya oka? Ɔnkɔnɛ kana lomba lo dikambo nɛ: Naka Jehowa Ɔnɛ lakasale osase, shikikɛka pindju la pindju etena kakadimɔ hiotshihiotshi otsha l’osase wa ngamû, onde hasungana dia nde shikikɛ nto etena kɛmɔtshi kahomba angɛnyi w’osase wa lo nyuma ndeka pɛtshahɛtsha esase w’endana la mɛtɛ oka? Nde mbewoyaka onto l’onto la l’atei aso ate: “Ulungi, kakiane eko etena k’ololo.”​—⁠2 Kor. 6:⁠2.

² Eelo, etena ka ‘pɛtsha osase’ tɔ kɛnɛ kakianɛ. Onde sho tekɔ lo pɛtsha osase aso ngaingai oko wele akoka aso oka? Lo ngɔndɔ yele la ntondo ka Eohwelo ka nyɔi ka Yeso, efula ka l’atei aso wayokoka kamba olimu w’efula ndo kamba oko ambatshi mboka wa tshanda. Onde takakane lomba ɔlɔlɔ lo dikambo sɔ oka? Tɔshi etena ka sɛdingola dimbola diayela nɛ lo dɔmbɛlɔ: Etena kakɔna kakatatôngi ambatshi mboka wa tshanda mbala ka komelo na? Tolembete ɔnɛ lo mbilo kaso, l’ɛnɔnyi etanu weke kambeta ɛnɛ, Ɛmɛnyi w’eyoyo ndekana 33 000 wakabatizama. Onde wɛ ekɔ l’olui ɔsɔ oka? Naka eelo, kete wɛ aki kiɔkɔ ya woke y’ɔngɛnɔngɛnɔ le wanɛ wakakosholɛ mɛtɛ ndo le Jehowa, Shɔ lele l’olongo. Onde wɛ akônge ombatshi mboka wa tshanda kânga mbala ɔtɔi tamba lakayalongola batismu oka? Onde wɛ kokaka kana lomba dia fudia etena k’etshayɛ l’olambo wa lotombo le Nzambi lo sɛkɛ oka? Onde wɛ kokaka kombola diɛsɛ diele l’olimu w’ombatshi mboka wa tshanda lo ngɔndɔ yayaye oka? Mbeyaka ndjâla nna dia woke dia wɛ kotsha kɛnɛ kalɔmbama dia kamba oko ombatshi mboka wa pondjo lo ngɔndɔ yayoyela.

³ Sho kanaka dia efula k’anangɛso l’akadiyɛso kokaka monganɛ olimu w’ombatshi mboka wa tshanda kânga wa pondjo. Tambokeketsha ɛlɔngɔlɔngɔ w’omala shidiya kalasa, atshukani wele kema l’ana, wanɛ wambolongola pasiɔ, ndo kânga wa mama mɔtshi la wa papa ya l’atei a nkumbo, l’osalosalo tshɛ dia vɔ kana lomba lo l’eta lɔsɔ. Yambola dimbola diayela nɛ: “Onde dimi hakoke mɛtɛ monganɛ ɛngɛnɔngɛnɔ wele l’olimu w’ombatshi mboka oka?”

⁴ Yeso akate, ambeta ɛnɔnyi kama, ate: “Naka nyu la mbetawo oko lotongo la lohodia, nyu nyayotela ukungu one nyati: Umo uma laku, utshu lene, ku vo wayumo. Nduku dikambu diayunyuheka lama ntsha.” (Mat. 17:20) Onde wekamu ɔmɔtshi wekɔ wokoki shimba spirito k’osanto dia tɔ tokimanyiya dia nɛmbia wekamu akɔ kana mbɔsɛkɔla dia sho ndjâla ambatshi mboka oka? Ndo nto, lam’ele Armagedɔ aya suke, olimu w’esambishelo mbele olimu woleki ohomba dia sala lanɛ la kɛtɛ.

⁵ Ngɔndɔ yele la ntondo ka Eohwelo ka nyɔi ka Yeso sunganaka l’olimu woleki ohomba. Nkumadiɔndjɔ ndamɛmɛ, lo etena kɛsɔ, akakambe efula ndeka elimu wakandakambe la kɛtɛ. Onde wɛ ayowokoya oka? Eelo, ɔsɔ ekɔ dikambo diahomba ndjasɛdingola onto l’onto la l’atei aso. Eelo mɛtɛ, aha anto tshɛ mbakoka ndjâla ambatshi mboka; koko sho kokaka ndjashikikɛ oweso ɔmɔtshi wa dimɛna efula shoamɛmɛ: oweso wa nɔngɔsɔla olimu aso wakambɛso Nzambi ndo nanula olimu akɔ. Ɔnkɔnɛ, tokambe shoamɛmɛ dia ndjâla la lokumu l’Akristo wele la lomba l’ombatshi mboka ndo wakamba la lumu lawɔ tshɛ, l’atei w’etshumanelo kaso. Kânga mbele olimu aso le Nzambi, l’ekomelo ka dikongɛ di’akambo nɛ, mbɔsaka wenya aso efula ndo lokalo laso, weolo wadjaso dia pɛtshahɛtsha olimu aso w’endana la mbetɛ anto ambeki ayotosha ɛtshɔkɔ woleki weke.​—⁠Ala 1 Timote 4:⁠10.

⁶ Eelo tôhɔ dia, oko ele etena kɛmɔtshi kekɔ kahomba hiotshihiotshi ya la pindju kadimɔ osase wa woke, woho akɔ wamɛ mbatɛnya Jehowa hwe ɔnɛ: “kakiane eko etena k’ololo” dia ndeka pɛtshahɛtsha esase w’olimu aso.