Ekadimwelo lo wembola anyu

◼ Ahombaso sala naka ombatshi mboka ambosha opandjudi okanda kana periodikɛ na?

Sho mbeyaka ɔnɛ la Société akakitsha ekanda engo lo dikambo diaso dia mengola la oshasha ɔmɔtshi wakashikikɛma. Lo wedi aso, oko weso opandjudi kana ombatshi mboka, sho mbishaka anto k’anto ekanda akɔ lo mengola la oshasha ɔmɔtshi wa la lolango. Ndo nto, ambatshi mboka kondjaka ekanda akɔ l’oshinga wa l’ɛse oleki oshinga wasomba anto k’anto l’apandjudi.

Lo ndjela losembwe, ndoko ohomba w’ombatshi mboka “sombɛ” opandjudi okanda waki la Société, nɛ dia vɔ tshɛ kokaka somba l’etshumanelo kakiwɔ. Koko, tena dimɔtshi ombatshi mboka mbeyaka mbisha opandjudi dibuku kana periodikɛ. L’etena kɛsɔ, tekɔ la mboka hiende dia kimɔ yema y’akuta yatshikitana l’asa eshinga akɔ ehende: kana opandjudi kaloyɛ ombatshi mboka okanda wakandawosha, ko kana ombatshi mboka kimɔ yema y’akuta ya lâdiko shɔ l’etshumanelo. Yema y’akuta ya lâdiko shɔ yekɔ yaki la Société ndo yɔ ndjâlaka yaki ombatshi mboka l’ekanda washande anto k’anto.​—⁠Enda lo Olimu Aso wa Diolelo (lo falase) wa Diɛla woke 1978, lɛkɛ 3, ɔtɛ a dui “Renseignement pour les pionniers!”