Waewoyelo

◼ Ekanda wa mbisha anto lo Mɔmbi: Sheke y’Ɔngɛnɔngɛnɔ wa lo Nkumbo. Yitshu la Mam’ɛkɔngɔ la Tange: Tshoto y’Etangelo la Réveillez-vous ! L’atei a lomingu la lo tenyi dia ngelo diakindjakindjama efula, sho kokaka kamba la biukubuku y’oyoyo yelɛwɔ Kakɔna Katɔlɔmba Nzambi? Lotena Eduwa: Ewo Katɔla Otsha lo Lɔsɛnɔ la Pondjo. Katoyatshutshuya djekoleko dia tatɛ mbeka l’anto Bible lawakawɔ.

◼ Ɔnɔnyi ɔnɛ, dako dia lânde diakalɔngɔsɔma dikambo dia nshi ya Eohwelo ka Nyɔi ka Yeso diayoshama lo tshumanelo efula Lushi la Lomingu lo ngɔndɔ ka Mɔmbi nshi 6. Ɔtɛ a dui wa dako diakɔ vɔnɛ: “Toyalame di’Aha Mbɔtɔ Mindo ya l’Andja Ɔnɛ.” Onto tshɛ l’atei aso pombaka nonga dako diakɔ, ndo tayohomba mbelɛ nto anto walanga wakɔtɔ lo losangaya la Eohwelo. Mɛtɛ, kɛnɛ kayotoka kayokeketsha yɛdikɔ yakatɔshi ya ngɛnyangɛnya Nzambi.

◼ Dia sho kondja ɛlɔlɔ tshɛ oma lo ɔsɛdingwelo wa okanda welɛwɔ Onto Loleki Woke lo wekelo wa dibuku, nyende alako wele lo lɛkɛ 1 l’Olimu Aso wa Diolelo wa Lovula 1992. Sawo diakɔ nembetshiyaka woho wa nɔngɔsɔla etenyi l’etenyi ndo woho wahomba wekelo wa dibuku salema. Ɔnɔmbɔdi wa wekelo wa dibuku ayokondja wahɔ oma lo menda tokanyi takɔ.

◼ Lo tena diotshikitanyi dia l’ɔnɔnyi, kalasa honge ndo anto hawokambe olimu nɛ dia ekɔ nshi ya fɛtɛ. Ɔsɔ kele mɛtɛ waaso w’ɔlɔlɔ efula dia etshumanelo mbasasa efula l’esambishelo. Dikumanyi pombaka tadji yimba dia tena sɔ ndo tewoyisha etshumanelo k’ɔlɔmɔ tɛdikɔ tambɔsama dia sambisha l’olui lo nshi ya fɛtɛ.