Nsango Ya Teokrasi

Congo-Kinshasa: Lofulo l’ekomelo l’apandjudi lakakome 104815 lo Ngɔndɔ ka Divwa, lâsɔ ohamelo wekɔ % 17 lo yɛdikɔ ya l’atei atei y’ɔnɔnyi wetshi. Lo sukɛ yɛdikɔ yakɔsama ya dianganya ekanda w’edjedja, wad’aki omendji ɔmɔtshi weteta akasha anto abuku ndekana 1000 lo Ngɔndɔ ka Divwa.

Liberia: Bilɔ ka filialɛ ka la Monrovia akadihwama nto lo Ngɔndɔ ka Divwa 1, l’ɔkɔngɔ wa tɔ dihama l’edja ka ngɔndɔ 15 l’ɔkɔkɔ wa ta di’ase ngelo. Lofulo l’oyoyo l’apandjudi lakakome 1977 lo Ngɔndɔ ka Divwa.

Mozambique: Lo Ngɔndɔ ka Divwa, lofulo l’oyoyo l’apandjudi lakakome 28005. Lofulo la komelo lakonge lo Ngɔndɔ ka Tanu, 1975, aki apandjudi 25790. Lâsɔ mɛtɛ ekɔ etena kɛmɔ k’ohomba efula l’ɔkɔndɔ wa teokrasi lo Mozambique.

Népal: Apandjudi waki 306 lo Ngɔndɔ ka Divwa, ɔsɔ mbele lofulo l’oyoyo. Wekɔ lo mbeka Bible l’anto suke la 500 nshi nyɛ.

Sainte-Hélène: Wakakahanya Nkumu ya Diolelo No. 35 l’oseka nkumbo tshɛ kele lo disɛnga sɔ.

Wedja efula wambotatɛ ɔnɔnyi w’oyoyo w’olimu la lofulo l’oyoyo l’apandjudi, lâsɔ ohamelo wekɔ wa % 5 lo mbɛdika la lɔnɛ la l’atei atei l’ɔnɔnyi wetshi: Hong-Kong, 4230; Madagascar, 8749 (kâmɛ ndo lofulo l’ambatshi mboka wa pondjo 912); Taïwan, 3497.