Waewoyelo

◼ Ekanda wayotosha anto lo Ngɔndɔ ka Dikumi: Ewo Katɔla Otsha lo Lɔsɛnɔ la Pondjo. Ngɔndɔ ka Dikumi l’Ɔtɔi: Tshoto y’Etangelo la Réveillez-vous ! Kokaka mbisha onto abɔnɛma naka nde ambɛnya saki lam’awembolayɛ. Ngɔndɔ ka Dikumi l’Ahende: Ewo Katɔla Otsha lo Lɔsɛnɔ la Pondjo.

◼ Tambôhola dikumanyi dia vɔ ndjela alako wele lo Tshoto y’Etangelo ya Ngɔndɔ ka Nɛi 15, 1991, lɛkɛ 21-23, alako wendana l’onto tshɛ lakatshanyema oma l’etshumanelo kana lakatombe ndamɛ ko olanga kawola.

◼ Ase etshumanelo wambokondja anto walɔmba abɔnɛma kana wele l’anto walanga vusola abɔnɛma awɔ wa Tshoto y’Etangelo kana wa Réveillez-vous ! pombaka toma abɔnɛma ɛsɔ tshɛ kâmɛ ndo wawɔ vamɛ lo tshimbo y’etshumanelo.

◼ La Société hadje yimba lo kɔmandɛ y’ekanda y’opandjudi l’opandjudi. Omendji-walɔmbɔla ayɔlɔngɔsɔlaka dia vɔ mbishaka diewoyelo ngɔndɔ tshɛ la ntondo ka vɔ tomɛ la Société kɔmandɛ k’ekanda w’etshumanelo ka ngɔndɔ. Dikambo sɔ diayokimanyiya wanɛ tshɛ walanga monga l’ekanda awɔ vamɛ dia vɔ mbutɛ ɔnangɛso lenda akambo w’ekanda. Tanyohɛke dia ekɔ weho w’ekanda ɛmɔtshi walɔmbama paka lo yoho ya lânde.

◼ La Société ekɔ la tɔvɔlimɛ rɛlie lo lɔkɔtɔ ta Tshoto y’Etangelo lo Falase ta lo 1950-55, 57, 61, 63, 64, 67, 75-81, 83-89, 91, 96 kâmɛ ndo tɔvɔlimɛ rɛlie ta Réveillez-vous ! lo Falase ta lo 90, 92-96. Ndo Annuaires lo Falase w’ɛnɔnyi ɛnɛ: 77, 88, 93, 95-98. Apandjudi kana tshumanelo di’eyoyo dialanga kondja ekanda ɛsɔ kokaka mumbola ɔnangɛso lele l’ɔkɛndɛ w’ekanda oma ko kakianɛ. (Enda l’Olimu Aso wa Diolelo wa Ngɔndɔ ka Tanu 1997, Ekadimwelo lo Wembola Anyu: Tshoto y’Etangelo ya Ngɔndɔ ka Dikumi l’Ɔtɔi 1, 1994, lɛkɛ 28-31.)

◼ Tambolanga nyewoya dia tayɔmbaka kɔmandɛ yanyu ya traktɛ lo paki ya 100 ko nyodjɛ yema y’oshinga wakoka. (Enda lo S-15.) Tambonyɔlɔmba di’aha nyu toma mikanda ɔnɛ lofulo hakoki kana akalekana. Ngasɔ mbahatoleka wanɛ wakamba olimu w’otomelo w’ekanda mɛna pâ.

◼ Tekɔ lo nanga nyewoya woho wa nyu ntshaka lo kɛnɛ kendana la yoho y’ɔlɔlɔ ya kamba l’alako wa lo sɛkɛ wanyotomɛwɔ: (1) Omendji-walɔmbɔla pombaka momba plan tshɛ y’alako lo dɔsie diayongaka lande wonya tshɛ. (2) Kashake ɔtɛkɛtshi fɔtɔkɔpi ka plan ka dako diayondosha. (3) Atɛkɛtshi wotshikitanyi kokaka nongola dako diakɔ diamɛ. (4) Kam’alongolayɛ plan nkina y’alako oma le la Société, ko wɛ mbidja mbala kakɔ ɔtɔi lo mpata kayɛ.