Vɔ Sambishaka Polo lo Tokoma ta Nkɛtɛ

Akɔna ayolanga dia nde menda bandɛ vidɛo Jusqu’aux extrémités de la terre mbala la mbala na? Wanɛ wele l’oyango wa koma waa misiɔnɛrɛ. Lande na? Dia vɔ ndjaekesanyiya dimɛna la Kalasa ka Ngiliyadɛ kaki la Société Watchtower ketshawɔ awui wa Bible. Vidɛo kɛnɛ mɛnyaka ɛnɔnyi 50 wa kalasa ka lânde kakasalema dia dianganya olimu w’esambishelo lo “kuma tshe ya la kete.” (Osam. 22:27) Wendelo atɔ wayokokimanyiya dia wɛ ndeka mbeya ohomba w’olimu w’esambishelo ka lokumu l’ɔlɔlɔ ndo ayokotshutshuya dia wɛ pamia olimu ayɛ. Enda: (1) L’etatelo k’ɛnɔnyi wa 1940 kakɔna kaki oyango woleki ohomba w’ɔlɔngɔswamelo wa Jehowa? (Etsha 1:⁠8) (2) Lo 1942, prɔfɛsiya kakɔna ka diambo ka lo Bible kakakotshama, ndo ngande wakatatshikitana l’andja ɔnɛ lo tshɛ kawɔ lo kɛnɛ kendana la kɛnɛ kakaleke kotola yambalo yaso? (Eny. 17:8; w89 4/15 lɛkɛ 14 od. 12) (3) Tɛdikɔ takɔna takɔsama dia kondja wahɔ lo tena dia wɔladi diakahombe monga l’ɔkɔngɔ wa Ta dia Hende di’Andja w’Otondo? (jv lɛkɛ 522 od. 1-2) (4) Waonga akɔna waki l’ambeki wa Kalasa ka ntondo ka Ngiliyadɛ wangɛnangɛnayɛ? (5) Lo ɛnɔnyi 50 wa ntondo wa Kalasa ka Ngiliyadɛ, ambeki angana wakalongola apɔlɔmɛ ndo wakatomama lo wedja engana? (6) Naa wetshelo w’efula wa lo Bible wakondja ambeki nshi nyɛ? (7) Kakɔna ketɛ onto misiɔnɛrɛ wa manamana ndo ombetsha w’Ɔtɛkɛta wa Nzambi? (8) Lɔsɛnɔ la misiɔnɛrɛ ngande welɔ, ndo ekakatanu akɔna wahomana la wɔ? (9) Ngande wɔsa wa misiɔnɛrɛ yoho yawɔ ya lɔsɛnɔ, ndo naa ɔngɛnɔngɛnɔ woleki wakondjawɔ oma lo yoho yawɔ ya lɔsɛnɔ ya ndjahombia? (10) Naa olimu w’efula wambokamba wa misiɔnɛrɛ? Sha bɛnyɛlɔ. (11) Kanyi yakɔna yele layɛ lo dikambo di’anangɛso l’akadiyɛsɔ wakatshu polo lo “kuma tshe ya la kete” dia tosambisha? (12) Ɛnyɛlɔ ka wa misiɔnɛrɛ kotshutshuyaka dia sala dikambo diakɔna ndo lande na?