‘Kitshaka Yangɔ Mɔtshi l’Omamu’

Etshumanelo k’Akristo ka lo ntambe ka ntondo kaki l’ehomba wa diangɔ dia l’emunyi. Lo ndjela ɔngɔnyi waki l’onto, onto tshɛ akalɔmbamaka dia ‘kitshaka yangɔ mɔtshi l’omamu’ oko woshasha wa la lolango dia kimanyiya wanɛ waki lo dihombo. (1 Kor. 16:​1-3) Lokaho lawɔ lɔsɔ lakakimanyiyaka anto dia monga l’ɔngɛnɔngɛnɔ lo mbishaka ‘Nzambi losaka efula.’​—⁠2 Kor. 9:​11, 12.

Ɛlɔ kɛnɛ, olimu wa l’andja w’otondo wakamba ekambi wa Jehowa wekɔ lo tatetemala la pama, lâsɔ ekɔ ohomba efula sho ndeka sukɛ olimu akɔ la falanga yaso. Sunganaka dia ndo sho lawɔ ‘kitshaka yangɔ mɔtshi l’omamu’ mbala la mbala dia sukɛ olimu ɔsɔ. (2 Kor. 8:​3, 4) Weshasha wa l’emunyi mbeyaka mbishama lo toho totshikitanyi. (Enda lo Tshoto y’Etangelo ya Ngɔndɔ ka Dikumi l’Ɔtɔi 1, 2001, lɛkɛ 28-29.) Sho mbɔsaka mɛtɛ dikambo sɔ oko diɛsɛ dia lânde diatela ɔngɛnɔngɛnɔ wa mɛtɛ.​—⁠Etsha 20:⁠35.