Waewoyelo

◼ Ekanda wayotosha anto Ngɔndɔ ka Sato: Ewo Katɔla Otsha lo Lɔsɛnɔ la Pondjo. Welo wa lânde wayodjama dia tatɛ mbeka l’anto Bible lawakawɔ. Ngɔndɔ ka Nɛi la ka Tanu: Tshoto y’Etangelo la Réveillez-vous ! Apandjudi pombaka mbewoya atɛkɛtshi dia vɔ kokaka kimɔ yangɔ mɔtshi dia sukɛ olimu aso wakambema l’andja w’otondo naka vɔ nangaka. Naka anto wambɛnya nsaki, shawɔ biukubuku Katɔlɔmba lo sala la wolo dia tatɛ wekelo wa Bible. Ngɔndɔ ka Samalo: Kakɔna Katɔlɔmba Nzambi? kana Ewo Katɔla Otsha lo Lɔsɛnɔ la Pondjo. Naka onto lasawola laso ambotashilaka nongola ekanda ɛsɔ, kete towosha biukubuku tshɛ yasungana yele lo eombelo k’etshumanelo.

◼ Apandjudi wakombola kamba oko ambatshi mboka wa tshanda lo Ngɔndɔ ka Nɛi pombaka ndjalɔngɔsɔla oma ko kakianɛ ndo kawoya adɛmandɛ awɔ la wonya. Kɛsɔ ayokimanyiya dikumanyi dia sala ɛlɔngɔswɛlɔ wahombama dikambo di’esambishelo ndo dia monga l’ekanda k’ɔlɔlɔ ka periodikɛ la ekanda ekina wahombama. Pombaka mbewoya etshumanelo nkombo y’anto tshɛ wambetawɔma dia kamba oko ambatshi mboka wa tshanda.

◼ Eohwelo ka nyɔi ka Yeso kayosalema Lushi la Nɛi, Ngɔndɔ ka Sato 28, 2002. Naka etshumanelo kanyu mongaka la nsanganya Lushi la Nɛi, kete yɔ pombaka sɛkɔma lo lushi lokina la lo lomingu naka Mbalasa ka Diolelo kayonga hwe. Naka heyama woho wa sala dikambo sɔ ndo naka Losanganya lanyu l’Olimu lambofukutana, kete nyu mbeyaka ndjodja tenyi diɛnanyu ɔnɛ diekɔ ohomba efula l’etshumanelo kanyu lo Losanganya l’Olimu lokina.

◼ Bɛtɛlɛ hatɔlɛmiya kɔmandɛ k’ekanda kosadi opandjudi lo ndamɛmɛ. Omendji-walɔmbɔla pombaka nɔngɔsɔla dia mbishaka diewoyelo la ntondo ka tomɛ Bɛtɛlɛ kɔmandɛ k’ekanda w’etshumanelo woho w’onto tshɛ lalanga kondja ekanda ande ndamɛ mbisha ɔnangɛso lendana l’awui w’ekanda kɔmandɛ kande. Tanyohɛke dikambo di’ekanda watɔlɔmbamaka paka lo yoho ya lânde.

◼ Ngɔndɔ tshɛ, naka omendji-walɔmbɔla ambolongola mikanda oma lo Bɛtɛlɛ, kete nde pombaka sala dia mikanda wɛnya dia Bɛtɛlɛ akalongola falanga yendana la Wokelo wa Mbalasa ya Diolelo ndo l’olimu wakambema l’andja w’otondo mbadiema la ntondo k’etshumanelo lam’ayoshama alapɔlɔ wa falanga wayela.

◼ Nyewɔ totshelo ta kɔlɔ takamba l’anto nshi nyɛ lo internet dia nɔmbaka anangɛso falanga ɔnɛ dia kimanyiya wanɛ wambohomɔ mpokoso mɔtshi. Etena tshɛ kayongaka ohomba dia kongɛ kɔmite k’ekimanyielo dia kimanyiya Ɛmɛnyi wa Jehowa la diangɔ dia l’emunyi, anangɛso w’eshika wayɔsɔnama.

◼ Tena dimɔtshi, anyanginyangi w’awui tombolaka anangɛso dia vɔ mbeya akambo amɔtshi wendana l’Ɛmɛnyi wa Jehowa ndo l’ɔlɔngɔswamelo aso. Vɔ tɔlɔmbaka dia ndodja fɔrmilɛrɛ mɔtshi yele la wembola wendana la dietawɔ ndo la wetshelo aso. Naka anto wa woho ɔsɔ wamboya le opandjudi ɔmɔtshi, kete nde pombaka mbasha lokombo l’omendji-walɔmbɔla. Dikumanyi koka kadimola wembola ɛsɔ lo mbisha ekadimwelo wasungana wɔtɔnɛ la mukanda wa Ngɔndɔ ka Nɛi 25, 2001 wakatatomɛ elui tshɛ wa dikumanyi.

◼ Ekanda w’Eyoyo Watanema:

Angɛlɛ, Falase: Tɔsɛdingolake Afundelo Lushi la Lushi 2002.

◼ Bandɛ Vidɛo y’Eyoyo Yamboya:

L’Ɔtɛkɛta w’Akanga a Mpoke w’ase Amɛrikɛ: Onto Loleki Woke lo Tena Tshɛ, vɔlimɛ 2.