Waewoyelo

◼ Ekanda wayotosha anto Ngɔndɔ ka Hende: Tayosha anto dibuku di’oyoyo Approchez-vous de Jéhovah. Ngɔndɔ ka Sato: Dibuku Ewo Katɔla Otsha lo Lɔsɛnɔ la Pondjo. Welo wa lânde wayodjama dia tatɛ mbeka l’anto Bible lawakawɔ.

◼ Omendji walɔmbɔla kana onto ɔmɔtshi layondɔsɔna pombaka mbɛdika falanga y’etshumanelo lo Ngɔndɔ ka Sato 1 kana yema l’ɔkɔngɔ kam’atanema etena. Kam’ayotshama wɛdikelo ɔsɔ, ko nyu mbewoya etshumanelo l’ɔkɔngɔ wa mbadia alapɔlɔ wa falanga wa mbala ketshi. Nyadia mukanda w’eokelo ka losaka w’oma le Société wendana la weshasha wakatome etshumanelo dikambo di’olimu wakambema l’andja w’otondo kana dia falanga kina tshɛ yatondja ɔlɔngɔswamelo.

◼ Sekeletɛlɛ nde l’omendji w’olimu pombaka menda okambelo w’olimu waki ambatshi mboka wa pondjo tshɛ. Naka amɔtshi wekɔ l’okakatanu wa kotsha lofulo la wenya walɔmbama, kete dikumanyi pombaka ndjalɔngɔsɔla dia mbakimanyiya. Dia tana alako lo dikambo sɔ, nyovusole awui wele lo mukanda wa S-201 watomama ɔnɔnyi tshɛ. Nyende nto lo dikatshi di’okotsha di’Olimu Aso wa Diolelo wa Ngɔndɔ ka Tanu 1987, lɛkɛ 3, odingɔ 1-9 (lo Falase).

◼ Dako dia lo sɛkɛ dia lânde dia lo 2003 diakalɔngɔswama dia salema lo nshi ya Eohwelo diayonga l’ɔtɛ a dui wata ɔnɛ “Onde Etena k’Elombwelo ka Babilɔna Kambokoka?” Diɔ diayoshama Lushi la Lomingu, Ngɔndɔ ka Nɛi 27. Tshumanelo diayembwama oma le omendji w’otshimbedi lo lomingu lɔsɔ, kana diayonga la losanganya lɔmɔtshi la woke lomingu lakɔ, diayohokamɛ dako sɔ dia lânde lomingu layela. Ndoko etshumanelo kahomba mbisha dako sɔ dia lânde la ntondo ka Ngɔndɔ ka Nɛi 27, 2003.