Ovuswelo W’awui Wakekama Lo Kalasa K’olimu Wa Teokrasi
Wembola wayela ɛnɛ wayɔkɛtshanyema oko ovuswelo wa l’onyɔ wa lo Kalasa k’Olimu wa Teokrasi lomingu la Ngɔndɔ ka Dikumi l’Ahende 29, 2003. Omendji wa kalasa ayɔlɔmbɔla ovuswelo wa minitɛ 30 w’awui wakekama lo Kalasa k’Olimu wa Teokrasi tatɛ lomingu la Ngɔndɔ ka Dikumi l’Ɔtɔi 3 polo lomingu la Ngɔndɔ ka Dikumi l’Ahende 29, 2003. [Diewoyelo: L’ahole wele bu rɛferansɛ l’ɔkɔngɔ wa wombola, wɛmɛ mbahomba sala eyangelo dia tana ekadimwelo.—Enda lo Kalasa k’Olimu, lɛkɛ 36-37.]
WAONGA W’ƆTƐKƐTSHI
1. Lande na kele ekɔ ohomba efula kamba la Bible l’olimu w’esambishelo? [be lɛkɛ 145 od. 2, kiombo]
2. Ngande wele awui watanema l’etenyi kele divɛsa wekɔ la shɛngiya lo yoho yɔtshiyayɛ divɛsa diakɔ? [be lɛkɛ 149]
3. Lande na kele ekɔ ɔlɔlɔ tɔtɔmiya ɛtɛkɛta w’ohomba lam’adiema divɛsa dimɔtshi dia lo Bible, ndo woho akɔna wakoka dikambo sɔ salema? [be lɛkɛ 151 od. 2, kiombo]
4. Lo yoho yakɔna yakambaso la dako dia Paulo diata dia ‘manyamanya ɔtɛkɛta w’akambo wa mɛtɛ’ ndo lande na kele dikambo sɔ diekɔ ohomba? (2 Tim. 2:15) [be lɛkɛ 153 od. 2, kiombo]
5. Ngande ‘wakakanaka Paulo l’anto yimba oma l’Afundelo’? (Etsha 17:2, 3) [be lɛkɛ 155 od. 5–lɛkɛ 156 od. 1]
SAWO NO. 1
6. Lam’akambaso l’ehomɔ kaso ka ntondo ka sala eyangelo mbut’ate Bible dia nɔngɔsɔla sawo dimɔtshi, lande na kele ekɔ ohomba (1) sɛdingola kɛnɛ katama l’etenyi kele divɛsa diakɔ, (2) menda waa rɛferansɛ ndo (3) nyanga lo concordance biblique? [be lɛkɛ 34 od. 3–lɛkɛ 35 od. 2]
7. Ngande wakokaso mɛnya kɔlamelo ya mɛtɛ ndo otsha le wa na? [w01 10/1 lɛkɛ 22-23]
8. Kakɔna kɛnya dia Jehowa mbele onto loleki mbeya deko l’ɛnɔnyi? (Dan. 11:35-40; Luka 21:24) [si lɛkɛ 284 od. 1]
9. Awui akɔna wahombaso nama lo yimba lam’ɔsaso yɛdikɔ ya kamba la tokanyi tɔmɔtshi l’ɔkɔngɔ wa sala eyangelo wendana la sawo dimɔtshi? [be lɛkɛ 38]
10. Lande na kele ɛtɛkɛta wakatɛkɛta Yeso wendana l’akambo wakasalemaka lo “nshi ya Noa” mbɔtɔnɛka l’akambo weta ɛlɔ kɛnɛ? (Mat. 24:37) [w01 11/15 lɛkɛ 31 od. 3-4]
WADIELO WA BIBLE WA LOMINGU LA LOMINGU
11. Ngande wɛnya mukanda wakafundɛ Paulo Filemona di’olimu w’Akrito ekɔ dia kimanyiya anto dia vɔ koma Akristo, koko aha dia mbela etshikitanu l’edjaselo k’anto lo tshunda? (File. 12)
12. Otshikitanu akɔna wele lam’asa: ‘takɔ mboka,’ “ntombokwela,” ndo ‘wanganelo’? (Heb. 2:1; 3:12; 6:6) [w99-OT 1/8 lɛkɛ 15 od. 12; w86 1/6 lɛkɛ 14 od. 16-17; w80 1/12 lɛkɛ 23 od. 8]
13. Ngande wakokaso mbewɔ dia konya etelo k’ɔnɛ “naka [Jehowa] alanga” oko kiambokambo y’anyanya? (Jak. 4:15) [cj lɛkɛ 171 od. 1-2]
14. Alanga nembetshiya ‘namaka wôngelo wa lushi la Jehowa lo timba,’ ndo ngande wakokaso sala dikambo sɔ? (2 Pet. 3:12) [w97-OT 9/1 lɛkɛ 26-27]
15. Dako diakɔna di’ohomba diashama le Akristo ɛlɔ kɛnɛ diatanema lo nsango yakewoya Yeso tshumanelo 7 yele lo Ɛnyɛlɔ tshapita 2 ndo 3? (Eny. 2:4, 5, 10, 14, 20; 3:3, 10, 11, 17, 19)