Waewoyelo

◼ Ekanda wayotosha anto Ngɔndɔ ka Sato: Ewo Katɔla Otsha lo Lɔsɛnɔ la Pondjo. Welo wa lânde wayodjama dia tatɛ mbeka l’anto Bible lawakawɔ. Naka vɔ wamboshilaka kondja dibuku sɔ, kete nyu mbeyaka mbasha dibuku He Dja Yimba lo Prɔfɛsiya ka Danyɛlɛ! Ngɔndɔ ka Nɛi la ka Tanu: Nyosha anto Tshoto y’Etangelo la Réveillez-vous! Etena kasalanyu wendelo w’eyoyo le anto wakɛnya nsaki, ondo ndo wanɛ wakaye l’Eohwelo kana l’awui akina wakalɔngɔsɔla etshumanelo koko watonge l’atei w’ɔlɔngɔswamelo, nyotshe tshɛ dia mbasha dibuku Tɛmɔla Nzambi. Welo tshɛ wayodjama l’oyango wa tatɛ wekelo wa Bible, djekoleko naka anto amɔtshi wambotatɛka mbeka dibuku Ewo kana biukubuku Katɔlɔmba. Ngɔndɔ ka Samalo: Etshama oma le Ombetsha a Woke. Naka anto wambota ɔnɛ vɔ kema l’ana, kete nyowasha biukubuku Katɔlɔmba. Lam’akambanyu la biukubuku, Katɔlɔmba nyosale la wolo dia tatɛ mbeka l’anto Bible lawakawɔ.

◼ Bɛtɛlɛ hatɔlɛmiya kɔmandɛ kosadi opandjudi lo ndamɛmɛ. Omendji-walɔmbɔla pombaka nɔngɔsɔla dia mbishaka diewoyelo ngɔndɔ tshɛ la ntondo ka tomɛ Bɛtɛlɛ kɔmandɛ k’ekanda w’etshumanelo woho w’onto tshɛ lalanga kondja ekanda ande ndamɛ mbisha ɔnangɛso lendana l’awui w’ekanda kɔmandɛ kande. Tanyohɛke dikambo di’ekanda watɔlɔmbamaka paka lo yoho ya lânde.

◼ Tshumanelo tshɛ pombaka kamba la dibuku Kondja Wahɔ oma lo Kalasa k’Olimu wa Teokrasi l’etenyi ka Dionga di’Ɔtɛkɛtshi oko wɛnyamidiɔ l’Ekongelo ka Kalasa k’Olimu wa Teokrasi. Naka dibuku diakɔ bu l’ɔtɛkɛta anyu, lam’alanganyu nyokambe la nɛ dia l’ɔtɛkɛta okina. Hanyohombe minya yimba nto oma l’etenyi kendana la Dionga di’Ɔtɛkɛtshi.

◼ Wekelo wa Dibuku wa l’Etshumanelo pombaka salema oko wokowosalemaka oyadi etshumanelo ayɔtɔ lo Losanganya la Distrikɛ lomingu lakɔ. Koko, naka lushi lasalema wekelo wa dibuku lambohomana la lushi lasalema losanganya la lushi ɔtɔi, kete nyu mbeyaka sala wekelo wa dibuku l’etatelo ka lomingu, mbala mɔtshi Lushi la Hende. Lo lomingu lasalema losanganya l’otshimbedi, wekelo wa dibuku wayosalemaka la ntondo ka wikɛndɛ wayosalema losanganya. Lomingu layosalema losanganya la lânde la lushi ɔtɔi, Wekelo wa Dibuku wa l’Etshumanelo, Kalasa k’Olimu wa Teokrasi ndo Losanganya l’ Olimu pombaka salema oko wokoyosalemaka.

◼ Ewandji wa wodja nɔmbaka di’ambutshi mbidja ana tshɛ wotɔ lo nkɛtɛ ya Congo lo buku dia lɛɛta lo ngelo kodjashiwɔ lo nshi 30 y’eotwelo k’ɔna. Bu tsho ohomba monga la kartɛ k’eotwelo kashawɔ lo lopitadi. Ɔna pombaka monga la kartɛ k’eotwelo k’oma le lɛɛta. Onto tshɛ lendana la dikambo sɔ nɔmbamaka dia kitanyiya ɔlɛmbɛ ɔsɔ, lo mbɔ̂sa oko ɔkɛndɛ w’Okristo otsha le mandji ya lâdiko.

◼ Naka etshumanelo kekɔ l’ohomba wa totshapa tokina ta losanganya la distrikɛ, kete vɔ pombaka tilɔmba lo Demande de publications (S-14). Etshumanelo kele l’ohomba wa tɔɔmbɔ tadjawɔ totshapa (étui) kokaka tilɔmba. Lam’alanganyu nyɔlɔngɔsɔlɛ dɛmandɛ dianyu dimɛna la ntondo ka nshi ya losanganya la woke lɔsɔ.