Waewoyelo

◼ Ekanda wayotosha anto Ngɔndɔ k’enanɛi: Tobukubuku tshɛ tele la ndjɛkɛ 32 l’atei wa tɔnɛ tɛnyishawɔ lo Olimu aso wa Diolelo wa Ngɔndɔ ka samalo 2006. Ngɔndɔ ka divwa: Dibuku Bible etshatɔ. Welo wa lânde wayodjama l’oyango wa tatɛ wekelo wa Bible mbala ka ntondo kasawolaso l’onto. Sho la dia kalola dia tenda anto tshɛ wayotosha dibuku diakɔ l’oyango wa tatɛ mbeka la wɔ Bible. Ngɔndɔ ka dikumi: Tshoto y’Etangelo la Réveillez-vous! Naka anto wambɛnya nsaki, kete tayowasha biukubuku Nyotetemale sungukala! dia nomialomia nsaki kawɔ lo Bible.

◼ Omendji walɔmbɔla kana onto ɔmɔtshi layondɔsɔna pombaka mbɛdika kɔntɛ k’etshumanelo Ngɔndɔ ka divwa 1 kana yema l’ɔkɔngɔ kam’atanema etena. Naka nyekɔ la kɔntɛ ka falanga nkina, ɛnyɛlɔ y’ɔlɔngɔswɛlɔ kana ya wokelo, kete pombaka nɔngɔsɔla dia mbɛdika ndo falanga yakɔ. Kam’ayonyotsha wɛdikelo ɔsɔ ko nyu mbewoya etshumanelo l’ɔkɔngɔ wa mbadia alapɔlɔ wa kɔntɛ wa mbala ketshi.

◼ Tshumanelo pombaka tatɛ nɔmba Calendrier des Témoins de Jéhovah 2007, Tɔsɛdingolake Afundelo lushi la lushi​—⁠2007, ndo Annuaire des Témoins de Jéhovah ​—⁠ 2007 lo kɔmandɛ kawɔ k’ekanda ka mbala kayaye. Listɛ la ɛtɛkɛta watanema ekanda ɛsɔ layotanema lo mukanda wele l’ɔtɛ a dui ɔnɛ: “Avis aux congrégations,” watomɛwɔ tshumanelo tshɛ ngɔndɔ tshɛ.

◼ Réveillez-vous! wa Ngɔndɔ ka divwa 2006 wayonga la sawo diele l’ɔtɛ a dui ɔnɛ: “Y a-t-il un Créateur ?” Lo menda ohomba wa dimbola sɔ, etshumanelo tshɛ ayolongola yɛdikɔ ya lâdiko ya pursa 20 ya periodikɛ kɛnɛ.