Ovuswelo w’awui wakateke lo Kalasa k’olimu wa teokrasi
Ambola wayela anɛ wayɔkɛtshanyema oko ovuswelo wa lo Kalasa k’olimu wa teokrasi lomingu la Ngɔndɔ ka dikumi 30, 2006. Omendji wa kalasa ayɔlɔmbɔla ovuswelo wa minitɛ 30 w’awui wakateke tatɛ oma lo lomingu la Ngɔndɔ ka divwa 3 polo lo lomingu la Ngɔndɔ ka dikumi 30, 2006. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.—Enda Kalasa k’olimu, lɛkɛ 36-37.]
WAONGA W’ƆTƐKƐTSHI
1. Lande na kele ekɔ ohomba monga la dihonga etena katɛkɛtaso, ndo ngande wakokaso kitshakitsha wɔma? [be lɛkɛ 135 od. 5–lɛkɛ 137 od. 2, tokombo]
2. Etena katokawɔ ambola wendana la dietawɔ diaso, lande na kahombaso sala la wolo dia kamba la Bible dia kadimola? [be lɛkɛ 143 od. 1-3]
3. Ngande wakokaso koma tomanyi lo mbeya kamba la Bible? [be lɛkɛ 144, kiombo]
4. Lande na kele ekɔ ohomba dia sho kambaka la Bible mbala efula etena ketshaso l’olimu w’esambishelo, ndo ngande wakokaso keketsha anto dia vɔ kambaka latɔ lo nsanganya ya l’etshumanelo? [be lɛkɛ 145-146, tokombo]
5. Naa eyango ehende wele laso etena kɔtshiyaso divɛsa? [be lɛkɛ 147 od. 2]
SAWO NO. 1
6. Losango lakɔna l’ohomba efula latanema lo dibuku dia Esambu? [si-F lɛkɛ 105 od. 23]
7. Etena kakɔna kakafundama ndo kakatshumanyema dibuku dia Tukedi? [si-F lɛkɛ 107 od. 5]
8. Yokedi kɛdikɛdi na, ndo lande na kele lokombo l’oma lo Hɛbɛru la dibuku sɔ lekɔ ɔlɔlɔ? [si-F lɛkɛ 107 od. 6]
9. Lo Tukedi 2:1-5, kakɔna kakawalange tɛnya lo tokeketsha dia sho tetemala nyanga ewo, eokelo, ndo shɛnɔdi ‘oko paonyi, ndo oko ekundji woshami’? [be lɛkɛ 38 od. 4]
10. Ngande wɛnya dibuku dia Tukedi dɔamɛ ohomba adiɔ? [si-F lɛkɛ 109 od. 19]
WADIELO WA BIBLE WA LOMINGU LA LOMINGU
11. Ngande ‘wakayâkimɛ Davidi l’otema ndo nɛmbɔhala oko ɔna lambokila awɛlɛ lele lo dihɛlɔ dia nyango,’ ndo ngande wakokaso mbôkoya? (Osam. 131:1-3)
12. Ekeketshelo kakɔna kakokaso kondja oma lo ɛtɛkɛta wakasambiyama wele lo Osambu 139:7-12?
13. Naa bɛnyɛlɔ dimɔtshi diɛnya woke woke wa Jehowa diɔtɛkɛtami lo Osambu 145 diatotshutshuya dia sho mbôtombolaka lo alɔmbɛlɔ aso ndo lo olimu w’esambishelo? (Osam. 145:3)
14. Lo yoho yakɔna yele wɔma wa Jehowa ‘etatelo ka ewo’ ndo “etatelu ka [lo]mba”? (Tuk. 1:7; 9:10)
15. “Aui ami” la “elembe ami” watɛkɛtawɔ lo Tukedi 7:1, 2 mendanaka nto la na?