Ovuswelo w’awui wakateke lo Kalasa k’olimu wa teokrasi

Ambola wayela anɛ wayɔkɛtshanyema oko ovuswelo wa lo Kalasa k’olimu wa teokrasi lomingu la Ngɔndɔ ka dikumi l’ahende 25, 2006. Omendji wa kalasa ayɔlɔmbɔla ovuswelo wa minitɛ 30 w’awui wakateke tatɛ oma lo lomingu la Ngɔndɔ ka dikumi l’ɔtɔi 6 polo lo lomingu la Ngɔndɔ ka dikumi l’ahende 25, 2006. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.​—⁠Enda Kalasa k’olimu, lɛkɛ 36-37.]

WAONGA W’ƆTƐKƐTSHI

1. Dui diakɔna diahomba nɔmbɔla yɛdikɔ yaso ya sɔna ɛtɛkɛta w’amɛna wa mbɔtshiya divɛsa? [be lɛkɛ 148 od. 4–lɛkɛ 149 od. 1]

2. Naa toho tɔmɔtshi takokaso kamba latɔ dia mbeya tɔtɔmiya ɛtɛkɛta ndo ditelo diaso? [be lɛkɛ 151 od. 5–lɛkɛ 152 od. 3]

3. Lam’ele mbetsha anto akina Ɔtɛkɛta wa Nzambi bu dui dia tshitshɛ, ahombaso sala naka sho nangaka ‘manyamanya ɔtɛkɛta w’akambo wa mɛtɛ’? (2 Tim. 2:15) [be lɛkɛ 153 od. 1-3, kiombo; lɛkɛ 154 od. 1-2]

4. Lo toho takɔna takokaso kɛnɛmɔla ohomba wa divɛsa diadaso lo yoho yokɛma hwe? [be lɛkɛ 154 od. 4–lɛkɛ 155 od. 3]

5. Lande na kele ekɔ ohomba kɛnɛmɔla ohomba wa kɛnɛ keso lo mbuta lo yoho yokɛma hwe, ndo naa toho tɔmɔtshi takokaso sala dui sɔ? [be lɛkɛ 157 od. 1-4, kiombo; lɛkɛ 158 od. 1]

SAWO NO. 1

6. Lo yoho yakɔna yaki Sɔlɔmɔna otshumanyishi? [bsi06-OT lɛkɛ 25 od. 1-3]

7. Ngande wɔtɔnɛ dibuku di’Undaki la wetshelo waki Yeso? [bsi06-OT lɛkɛ 26 od. 16]

8. Naa djembetelo yɛnya dia dibuku dia Limbu la Solomona diekɔ l’atei wa kanɔ ka lo Bible? [bsi06-OT lɛkɛ 28 od. 3-4]

9. Ngande wɛnya wɔɔmbɔ wa Isaya wakatanema lo Ndjale ka Lɛɛhɔ dia Bible yele laso nshi nyɛ yekɔ mɛtɛ efundelo wakasambiyama? [bsi06-OT lɛkɛ 30 od. 6]

10. Kakɔna kakoka kimanyiya ɔtɛkɛtshi dia nde minya nsaki kande ka monga l’ohomba wa nɔtɛ efula? [be lɛkɛ 42 od. 3]

WADIELO WA BIBLE WA LOMINGU LA LOMINGU

11. Ngande wele “waku watuyangaka [Jehowa] mbatumanaka akambu tshe fundu”? (Tuk. 28:⁠5)

12. Ngande wele “ulimu wa kanga enginya watuhekuyaka”? (Und. 10:⁠15)

13. Ngande waki osekaseka w’emuma w’ose Shulama oko “ekambo kudingami lukumbu kwi,” ndo ngande wende ɛnyɛlɔ k’ɔlɔlɔ le wamato w’Akristo wele enyemba? (Lim. 4:⁠12)

14. Etena kakalɔmbaka Jehowa ase Isariyɛlɛ dia vɔ ‘ndja ndjokana yimba kâmɛ,’ onde nde akɛnya dia nde aki suke dia kɛtshanya la wodja ande dia nɔngɔsɔla awui? (Is. 1:18a)

15. Ngande wakakotshama Isaya 11:​6-9 lo nshi y’edjedja, ndo ngande wayokotshama avɛsa asɔ lo yoho y’efula?