Waewoyelo

◼ Ekanda wayotosha anto Ngɔndɔ ka dikumi l’ahende: Onto loleki woke lo tena tshɛ. Naka anto wambota ɔnɛ vɔ wekɔ l’ana, kete towasha dibuku Etshama oma le Ombetsha a woke. Ngɔndɔ ka ntondo: Bible etshatɔ mɛtɛ? Naka anto wamboshilaka nongola dibuku diakɔ, kete apandjudi mbeyaka mbasha oseka dibuku tshɛ di’edjedja diele la ndjɛkɛ 192 diambotatɛ ndana kulɛrɛ kana diakatombe la ntondo ka 1995. Ngɔndɔ ka hende: Sheke y’ɔngɛnɔngɛnɔ wa lo nkumbo. Ngɔndɔ ka sato: Bible etshatɔ mɛtɛ? Apandjudi pombaka ndjadjɛ oyango wa ntatɛ mbeka l’anto Bible l’ɔkɔngɔ wa vɔ mbasha dibuku diakɔ kana la wanɛ wamboshilaka dilongola.

◼ Eohwelo ka l’ɔnɔnyi 2011 kayosalema Lushi la lomingu, Ngɔndɔ ka nɛi 17, l’ɔkɔngɔ wa ɛɔtwɛlɔ ka wonya. Datɛ sɔ diambewoyama la ntondo di’anangɛso talɔngɔsɔdi ahole wa ndjosala losanganya lakɔ kana tafute mvudu nkina lo ahole wele tshumanelo efula mbɔtɔka lo Mbalasa ka Diolelo ɔtɔi.

◼ Kem’edja, akatshi wa leeta wa Eohwelo ka lo 2010 wayotomama l’oseka etshumanelo tshɛ l’ɔtɛkɛta wasalawɔ nsanganya. Naka ɛtɛkɛta ekina wekɔ lo ntɛkɛtama l’ɛtshi kanyu ka nkɛtɛ ko nyu nangaka nkondja akatshi wa leeta wa Eohwelo lo ɛtɛkɛta akɔ, kete nyɔlɔmbɛ akatshi asɔ aha la ntshimbatshimba lo nkamba la fɔrmilɛrɛ Demande de publications (S-14). Listɛ la ɛtɛkɛta wayotondjama akatshi wa leeta wa Eohwelo layotomama lo mukanda watomɛwɔ tshumanelo ngɔndɔ tshɛ wata ɔnɛ: “Avis aux congrégations.”

◼ L’etena kâkatakongɛ dia dibuku di’esambo Tembe Jehowa ntomba l’Ɔtɛtɛla, dikongelo dia nsanganya diayongaka l’esambo ehende ehende: Wa ntondo mbɔsama oma lo dibuku di’oyoyo ndo wa hende oma lo dibuku di’edjedja, l’atei wa ekumbi.